ايهما احسن فى البولو

**iso_loma** · 12-04-2010 08:36 PM

ايهما احسن بولو 2001 ام 2004 ام 2003 العيون مع ان السعر واحد

**M.Mostafa80** · 13-04-2010 12:48 AM

بولو 2001 أحسن من العيون

**iso_loma** · 13-04-2010 05:31 PM

شكرا على الرد بس ممكن اعرف ايه السبب اللى يخلى 2001 احسن من العيون مع الرغم انها احدث واجمل فى الشكل

**M.Mostafa80** · 13-04-2010 07:52 PM

بكل بساطه وأيجاز ان البولو العيون برازيلى ودا سبب يكفى بانك متاخدش العربيه
غير ان فى البعض منها موتورو 3 سلندر ودا العن وادل
قطع غيار مش من السهل تلاقيها بره التوكيل وخصوصا الهياكل والقطع الكبيره لأن تجار الأستيراد ما بيجيبوش شغل البرازيل قليل قوى

**iso_loma** · 14-04-2010 04:08 PM

طب بالنسبه لاسعار قطع الغيار ايه اخبارها طبعا انا لسه شاب ومش عايز قطع غيار غاليه وانا سمعت انها نار

**M.Mostafa80** · 14-04-2010 10:31 PM

قطع الغيار كونها عربيه المانى المنشاء معقوله جدا ولو اغلى نسبيا من الكورى واليابانى بس عمرها اطول وعن تجربه عندنا الكورى ومعايا البولو

**iso_loma** · 14-04-2010 10:41 PM

شكرا على الرد بس اغلى كتير عن الكورى الكيا مثلا ولا ايه اتوكل على الله واطمن ولا انت شايف انى فى الحدود دى ممكن اجيب حاجه احسن

**M.Mostafa80** · 15-04-2010 11:29 AM

لو حضرتك من مناصرى مبدأ الغالى ثمنو فيه يبقى توكل على الله لو حاسيس أنها هتبقى حمل عليك يبقى خليك فى الكورى
بس بصراحه عايز أقولك لو تقدر تجرب دا وتجرب د
قبل ما تشترى يبقى أفضل عشان تعرف تاخد قرارك

**elshrpeny** · 25-04-2010 07:06 AM

محمد مصطفى جابلك من الاخر فعلا انت لو بتسوق وليك فتره فى السواقه مش شرط تكون كبيره بس على الاقل مارست السواقه على عربية ما وجيت تركب الكورى فليكن البيكانتو وبعدين روح بقى أركب عربيه بولو 2001 بس تكون حالتها نظيفه عشان انت طبعا هتكون مجرب واحده بيكانتو زيرو من حد تعرفه جايبها قريب ولا حاجه وشوف الفرق يا باشا
دا من حيث الوسع والقعده و الثبات والقوه والمناوره والامكانيات والتحكم دا غير التسارع خلى كدا بولو تشد مع بيكانتو واتفرج .

انا واحد صاحبى معاه ابيزا 2000 ركب بيكانتو قالى تحس انك سايق لعبه كدا فى إيدك بس هو قالى أحلى حاجه فيها الباور بتاعها هههههههههههه دا غير طبعا ما هو معروف عن الكورى ان ماتورها بيبقى ناعم .

**iso_loma** · 27-04-2010 05:40 PM

ايوه طبعا البولو احسن بس البولو ولا هوندا سيفيك 93

الموضوع: ايهما احسن فى البولو

LinkBack

أدوات الموضوع

عرض

-

-

-

-

المواضيع المتشابهه

لمتخصصين البولو من فضلكم بولو 95 احسن ولا 99

ايهما افضل و احسن

ايهما افضل و احسن

مين احسن فى مواتير البولو قبل موديل 2000؟؟؟

ايهما أفضل البولو ام الاوبل او الابيزا

الكلمات الدلالية لهذا الموضوع

المفضلات

المفضلات

ضوابط المشاركة