جهاز فيه كاركيت بلوتوث وفلاشه وريموت يقلب الطاره مالتى فنكشن

**spirit5** · 13-04-2010 01:15 AM

اشتريت جهاز جديد وجميل عباره عن اف ام ترانسميتر عادى جدا بس فيه اوبشنز زياده
فيه بلوتوث ومايك بيشغل كروت الميمورى والفلاشات عادى mp3 wma بس الصوت انقى من الترنسميتر القديم صوته ستيريو نقى جدا
واشد حاجه انه فيه 2 ريموت واحد عادى وواحد بيركب فى الطاره يقلبها ملتى فنكشن بيقلب الاغانى ويرد ويقفل المكالمه ويغير اليكولايزر ويتحكم فى الصوت
الجهاز فى المول فى اكتر من محل ب 300 جنيه
ديه الصور

**HeMa_LanCeR** · 13-04-2010 01:29 AM

الصور مش باينه

**spirit5** · 13-04-2010 01:43 AM

ياباشا باينين عندى ممكن تجرب افتح الصفحه ببرنامج تانى ب كروم او فوكس
على العموم اللنكات اهه
View image: 1.jpg
View image: 1 (3).jpg
View image: 2 copy (21).jpg

**3ateef** · 13-04-2010 02:18 AM

مبروك عليك يا باشا...
بجد شكله قيم عن الترانسميتر العادى...

الف مبروك...

**dr-mohamed** · 13-04-2010 03:19 AM

انا جايب جهاز فيه نفس المواصفات ما عدا البلوتوث ماركته انفينيتي ب60 جنيه بس وممتاز لغاية دلوقت معايا

**spirit5** · 13-04-2010 01:22 PM

بص يا باشا انا جربته و فليت الكاتلوج وديه مواصفات الجهاز وتقرير صغير عنه

المميزات
جودة الصوت ممتاز والفرق بينه وبين صوت الكاسيت ممكن نقول 10%
بيشغل mp3 & wma
7 ايكولايزر و سوبر بيز super bass
بيشغل فلاشه وكارت ميمورى (جربت فلاشه 8 جيجا وكان تمام)
الكاركيت صوته نقى وواضح وفيه مايك حلو واللى بكلمه كان سامعنى كويس جدا لدرجة انى جربت وكلمت واحد صحبى وصوت اللى فى الكنبه اللى ورا كان مسموع حتى وانا ماشى والشباك مفتوح.
ستيريو بلوتوث وبيشغل الاغانى اللى على الموبايل
لما يجيلك تليفون او لما تعمل اتصال الاغانى تقف لحد لما المكالمه تخلص وبعدين تشتغل تانى
سهل التشغيل والتعريف مع الموبايل ولما تمشى من العربيه وترجع تانى بيعمل كونكت اتوماتيك بس لازم تكون فاتح البلوتوث طبعا
يظهر رقم المتصل (بس مش الاسم)
اشد حاجه فى الجهاز ده هوا ريموت الدريكسيون بجد حكايه بيقلب اغانى ويغير الايكولايزر ويعلى ويوطى الصوت ويرد على المكالمه ويقفل الخط

العيوب
فى المطبات ساعات بيفصل بس حشرت ورقه بينه وبن الولاعه واشتغل تمام
بيظهر الرقم فقط بس عملت حاجه ظريفه قوى خليت الموبايل ينطق الاسم وبقى تمام
الشاشه بتظهر اسم الاغنيه ورقم المتصل بس صغيره شويه
ديه الصور وانا موجود لو حد عايز اى معلومات عنه