الموضوع: سؤال للناس اللى استلمت النترا من غبور

الحمد لله هانت

امبارح كلمونى (غبور) علشان اروح ادفع المبلغ كامل النهارده وقالولى انه خلال اسبوع ح استلم العربيه ورحت ودفعت واخدت كمان رقم الشاسيه ورقم الماتور

ياترى المده دية اللى بيقولو عليها صح ولا حتكون اطول من كده

بالمناسبه انا كنت حاجز يوم 28 / 2 2007 وعلى كلامهم ده ح استلم يوم 28 / 5 /2007
يعنى 3 شهور بالتمام....

أولا أنا أسف لتأخرى فى الرد

يا باشا لا شكر على واجب ... إحنا كلنا إخوه

بص يا سيدى بالنسبه للأشياء التى سوف تستلمها مع السياره فهى كالأتى:-
1. كتيب الضمان الخاص بالسياره.
2. كتالوج السياره.
3. شهادات الضمان الخاصه بالكاسيت و الكاوتش)
4. خطاب الأفراج الجمركى و ورقة المبايعه .
5. عده كامله للسياره .
6. عدد 2 ريموت بالمفتاح.

و الحقيقه المره إنها فعلا بتتسلم من غير دواسات .

بالنسبه للتليين يفضل أتباع ما هو مكتوب فى كتالوج السياره ... بأختصار شديد عدم الحرق على النقلات يعنى لحد ما الRPM يوصل بالكتير إلى 3000 على كل نقله و عملية التليين دى بتستمر فترة ال 1000 كم الأولى و ما تحاولش تزود السرعه عن 100 كم ... و بعد كده بقى براحتك خالص :D :D :D
و خد بالك كويس قوى إن السياره ناعمه جدا و خداعه بمعنى إنك ممكن تلاقى نفسك وصلت 130 أو 140 بدون ما تحس أو تشعر ... رجاء تخلى عينك على عداد ال كم فى الأول لحد ما تتعود على تسارع و سرعات السياره

و يا سيدى أنا تحت أمرك فى أى وقت و أشكرك على ثقتك فى ... و على فكره أى حد من الأعضاء لو كان شاف رسالتك و كان عنده معلومه عن الأجابات أكيد كان هايرد عليك