زيت موتو الانوس

**drsharra** · 13-04-2010 02:02 AM

بناءا على نصيحة أحد الزملاء اشتريت بالأمس زيت موبيل super action ب 65 جنية يعمل 1000 كيلو فهل هو جيد أم لا ؟

**dentist2future** · 13-04-2010 02:46 AM

أنا بجيب موبيل الابيض الالف وهو كويس

**drsharra** · 13-04-2010 02:51 AM

شكرا على الرد بتعمل به ألف كيلو ولا 2000و الى اشترينة جركن أبيض أيضا

**dentist2future** · 13-04-2010 03:58 AM

أنا عن نفسي بعمل بيه 1000 او 1200
وهو اه جركن أبيض

**احمد المصرى** · 13-04-2010 11:33 AM

وليه بتجيب النوع دا متجيب ابو 95 جنيه بيعمل 3000 الاف كيلو او اكتر ودا اكيد هيوفر معاك

**shaddadfalcon1** · 13-04-2010 02:44 PM

حضرتك قصدك علي الموبيل سوبر الأبيض؟
انا كنت بحطه من سنتين وبغيره علي 1500 واخر مره غيرته علي 1800 وبعدين حطيت موبيل xhp وعلي قد معرفتي ده بيتغير علي 3000

بس اللي محيرني ان احد الأعضاء كان بيقول انه بيغير الموبيل سوبر علي 5000 في الموضوع بتاع الزيوت وده السبب اللي خلاني اطول شويه علي الغيار الأخراني

**sameh127** · 13-04-2010 06:19 PM

الأوفر لك تحط زيت موبيل-1 (زيت تخليقي)بيتغير كل 10000كيلومتر والحقيقة انه يستطيع الصمود فى المكنة وفي ظروف قارية الى 40000كيلومتر بكفاءة تزييت و تنظيف وحماية من الصدا وتبريد و رفع الكفاءة للأداء وتوفير وقود واحكام الإحتراق للمحرك بنسبة 100% لأخر لحظة وب 240 جنيه
و طبعا حتغير فلتر الزيت مع تغييرة الزيت (بالبسيط كده حقولك ان الزيت ده خلاك تغيره وتغير الفلتر عند 40000كم)و بالثمن ده
يبقى مين الأوفر و الأحسن. حسيب لكم الرد وخصوصا بعد ما تحطه في الموتور و حتعرف الفرق بينه و بين مويبل xhp او سوبر موبيل او الزيوت المعدنية التقليدية و الرخيصة.
وحاجة اخيرة عايز اقولها ان الزيوت التخليقية بتحمي الموتور من التفويت لو بتحرق على المكنة كتير وبتحافظ على درجة حرارته من الزيادة . في حين الزيت المعدني هو بسيط في تركيبه و خواصه محدودة في الحفاظ على المكنة و يقل خواص التزييت و التبريد مع عدد لفات عالية للموتور(rpm5500الىrpm7500) و بالتالى حتلاقى اللى بيقرس كثير على مكنة بها زيت معدني فينتظر ان الكبس يخف و المكنة ممكن تفوت فى خلال عامين او اقل تبعا لظروف القيادة القاسية مع الأجواء الحارة خصوصا.
اما بالنسبة للى مش بيقرس ولا بيحرق على المكنة فحيحس بفرق بين الزيتين (التخليقي و المعدني) في سرعة تشغيل المحرك و قلة او عدم مدة تسخين المحرك و قلة استهلاك الوقود داخل و خارج البلد في السرعات المنخفضة و العالية بالإضافة الى سرعة استجابة المحرك للدعسات المفاجئة و التسارع.
الزيت المعدني بيحتوى على نسبة من الشموع والمساعدة على التزييت وتغطية اجزاء المحرك الداخلية بخلاف الزيت نفسه بس الشموع دي في الفجر و البرودة القارسة بتحتفظ بقوامها و بتخلي الزيت قوامه ثقيل وبيعيق حركة المحرك في الدوارة و يخليك تدور العربية بالزق.
الزيت المعدني مابيعملش الكلام ده خالص
جميع سيارات السباقات بتستخدم زيوت تخليقية.

**Ahmed Galal** · 13-04-2010 06:23 PM

المشاركة الأصلية كتبت بواسطة احمد المصرى

وليه بتجيب النوع دا متجيب ابو 95 جنيه بيعمل 3000 الاف كيلو او اكتر ودا اكيد هيوفر معاك

تمام كده كلام جميل

**drsharra** · 13-04-2010 07:08 PM

شكرا أستاذ سامح على الرد أنا رجعتة و جبت أبو 3000 كيلو ب 100 جنية وحطيطة عند الميكانيكى و للأسف قرأت مشاركتك بعد ما رجعت إن شاء الله فى المرة القادمة أجربة ولى سؤال هل الزيت التخليقى دة لة مدة محددة بمعنى لو معملتش 100000 كيلو فى 6 شهور لازم يتغير ولا ممكن يستمر مدة أطول ؟ ولكم جزيل الشكر