الموضوع: إيه الحكايه .. الواحد شكله حسد العربيه ( التكييف مش قد كده)

ازيك ياطناني باشا العربيه فعلا مع عميوبتبقي معايا 3 ايام في الاسبوع وعلي فكره مفيش تيجو 1600 4x4 كله 4x2

المشاركة الأصلية كتبت بواسطة tananybasha

انا واحد صاحبى جاب تيجو 1600 قاللى اركب و اتكيف و اسمعوا الحوار ده و قسماً بالله العظيم بمنتهى الدقة
انا : بسم الله ما شاء الله مبروك يا حوده
هو: الله يبارك فيك يا طنانى و عقبالك
انا : الله يخليك بس انا العربية اللى معايا مريحانى - خلصتها على كام
هو : 84000 و خدوا العربية القديمه النوبيرا و عايزه فتيس على 40000 و دفعت الباقى
انا : والله سعر حلو على عربية 4*4
هو : اركب بقى و قللى رأيك ايه
انا : بسم الله الرحمن الرحيم - سبحان الذى سخر لنا هذا و ما كنا له بمقرنين و انا الى ربنا لمنقلبون
هو : خد المفتاح و اتكل على الله
خدت المفتاح و فتحت العربية بالريموت و ركبت
انا : هى الطارة دى ملوحه ليه مش العربية جديده
مش موجوده حكايه اللوحه دي
هو : هيظبطوها فى صيانة ال 1000
اتكلت على الله و دورت صوت الموتور مش عاجبنى
انا : هو الموتور خشن قوى كده ليه
هو : فى التليين و فى صيانة ال 1000 هيغيروا الزيت و اكون خلصت تليين
فعلا الموتور صوته خشن
انا : ماشى الله اعلم
و باقفل الباب مش عايز يقفل غير لما رزعته جامد
فعلا ابواب العربيه دي محتاجه تزبيط وما بتتقفلش غير بالرزع وهي زيرو كانت الابواب اللي وراء بتلق
هو : معلش الأبواب هيريحوها فى صيانه 1000 كم
ماشى يا عم مش مشكله
بادوس دبرياج الدبرياج عالى قوووى و فصله بعيد قوى و العربية الغيارات بتعض
انا : هو الفتيس بيعض ليه
فعلا الفتيس بيعض جامد وفيهرجرجه موجوده علي كل الغيارات وبتظهر جامد جدا في التاني وتقريبا الفتيس ده بتاع الموتور ال 2000 علشان نسبه مش ماشيه ابدا مع الموتور ده ده انا باستخدم الفتيس علي الطريق اكتر من الدريكسون
هو : لما الأسطوانه و الدسك يطبعوا هيظبطوها فى صيانة ال 1000
ماشى العربية بترج فى الطلعه قلت فى عقل بالى يمكن عشان مش متعود على الدبرياج و شكلى هيبقى وحش اسايس الدبرياج مفيش فايده كل غيار اديه للعربية برزعه لما قلت الواد هينزلنى و يضربنى
الحتة اللى احنا فيها فيها مطلع رذل اول مره احس انه رذل

انا : هى العربية تقيله قوى كده
فعلا العربيه تقيله بغباء وسحبتها غبيه
هو ( بضحك ) : العربية 4*4 ولازم تبقى تقيله
ماشى يا عم بالرغم ان شكلها ميديش طن على بعضة يعنى عربيتى اتقل 350 كجم
ما علينا اتكلت على الله و لقيت حتة رمل كده قلت اجرب الفرامل طبعاً فرامل اليد فى الضياع و قال هتترجلش فى صيانة ال 1000 كم
فرامل العربيه فيها فراغ في اول الدواسه حوالي 2 سم وبعدين فرامل مش جامده عامله زي فرامل اللانوس والعربيه معانا ليها 6000 كم وال abs ما بحسش انه موجود او شغال ابدا
ادوس فرامل مفيش جديد لا رجه و تخبيط ال abs ولا الهوا
انا : محمد مش العربية فيها ABS
هو : ايوه بس قالوا لما استلمت العربية مبيشغلوهش غير بعد صيانة ال 1000 عشان مقرصش على العربية؟؟؟؟؟؟؟؟؟؟؟؟؟؟؟؟؟؟ ؟؟؟؟
انا : الله اعلم
هو : جرب بقى التكييف
التكييف بتاعها كويس جدا علي فكره بس لما بتشغله بتبقي عندك خيارين يا اما تستغل موتور العربيه علشان تشغل التكييف او تخليه يمشي العربيه لأن التكييف لما بيشتغل بيخلي العربيه بطه بلدي وممكن تاخد معاك5 دقايق علشان توصل من صفر لمايه
انا : شغله انت
و راح مشغله نسمه هوا بارد مش اكتر من كده
انا : يا عم زود التبريد شوية
هو : لما اروح الصيانه هيزودوا الفريون عشان مش عايزين التكييف يحمل على الموتور و عشان كده ضعيف جربة لما يتشحن شحنه كامله
انا : ماشى يا عم
و رجعنا عند الشركة و وقفت ابص على العربية
1. الشنطه فارقه من الناحيتين
فعلا الشنطه والكبوت مفارقين جدا جدا
2. رفرف قدام شمال طالع لبره من فوق وداخل لجوه من تحت
مش عندي
3. بوجه عام مفيش سوكه و لا باب مطبع صح و الكلمه اللى على لسانه هتتظبط فى صيانة الألف كأنهم هيعيدوا تصنيعها تانى
مش عندي بس عيوب التقفيل باينه جدا
4. الدهان فى حتت كتير عامل بقاليل صغيره كأن تحته ذرات تراب و خشن بغبا قاللى هيلمعوها فى صيانة الألف
5. عفشة العربية شخليله بمعنى الكلمه و هيربطوها فى صيانة الألف
العفشه كويسه ومريحه بعض الشيء بس علي الطريق بتلاقي العربيه بتعوم معاك جامد بعد ال 100 والدريكسيون يلعب في ايدك يمين وشمال وطرمبه الباور صوتها عالي جدا جدا جدا
6. تجهيزات العربية من جوه لا يمكن ان تكون اكتر من بلاستيك معاد تدويره 100 مره قبل كده على الأقل و كله جوه بيزيق
فعلا الخامات سيئه لكن مفيش عندي التزييق ده
7. الكاسيت حلو قوى و صوته عالى بس السى دى بيعلق جوه و هيغيروه فى صيانة الألف
اجمل ما فيه العربيه دي الساوند سيستم بصراحه تحفه ومفيش حتي الان مشاكل مع الكاسيت
8. تارة الدركسيون بتزيق يمين و شمال و بتلق جوه و بره و هتتربط فى صيانة الألف

لا مش عندي الحكايه دي

والله العظيم ده اللى حصل بالحرف
انتا تعتقد ارد اقله ايه

بوجه عام العربيه منظر خارجي بس (منظر العربيه ال 4x4الغير مألوف اننا نشوفه مع اي حد وده الللي خلاها تنتشر علشان الناس متعوده ان الفئه دي غاليه جدا )