إيه الحكايه .. الواحد شكله حسد العربيه ( التكييف مش قد كده)

**mexmarine** · 13-04-2010 04:22 AM

سلام الله عليكم .. عندى حاجه خايف اقول عليها مشكله..

كان فيه يوم حر من حوالى 3 ايام و انا رايح اجيب بنتى من المدرسه الساعه 12 ظهرا و علشان عارف انها لما بتطلع و تلاقى العربيه سخنه من الصالون ما بترضاش تركب و بتفضحنى
و انا اقول فى سرى الله يرحم ابوكى اللى كان بيروح المدرسه بعجله ..

المهم قلت اشغل التكييف اللى مشتغلش بقاله فتره كبيره .. سخنت العربيه شويه و بعدين بدات اشغله على الهادى انما لقيت التبريد مش قد كده لانه المفروض صوابعى بتتاثر من التكييف و انا ماسك الدركسيون .. روحت رفعت درجه التكييف الى 2 و3 و حتى4 (هو غير الهواء الخارجى من ناحية البروده لكن مش ساقع كالعاده .. !!

برجاء التكرم بموافاتنا ( إيه هى المشكله علما بان كل حاجه شغاله ) و شكرا مقدما للردود القيمه

**lancerevolution** · 13-04-2010 04:26 AM

ما أفتيش فى التكيف عشان لسة ما جربتوش الصراحة

**nourco123** · 13-04-2010 07:47 AM

نفس المشكلة اللى حصلت معاى .. بعد فترة ان التكييف لايعمل وبيجيب هواء ساخن
حتلاقى فى تنفيس فى الكمبروسور ادى الى تسريب الفريون

شكلك حتحتاج طقم اصلاح واعادة شحن لو شحن فقط حيتكلف حوالى 150 جنية لو دخلت فى طقم واصلاح وجوانات حتدخل فى 450 جنية لو مكنش ركب مروحة سقف

ربنا معاك