تكيف الاوبترا بيفصل

**ADM** · 16-05-2010 06:08 PM

السادة الكرام
عربيتى أوبتر - التكيف بتاعها احيانا مش بيرضى يقوم خالص
يعنى لما ادور المروحة يلقط و يرجع يفصل تانى
ياترى ممكن يكون اية السبب

ولكم جزيل الشكر

**Nokiaxxx** · 16-05-2010 06:14 PM

كذا سبب

ضغط الفريون بايظ
السير فيه حاجة او عايز يتغير
الزرار بتاع ايه سي بيعللق
حاجة في كهربة التكييف
الحرارة بتاعت العربية عالية
زرار سرعات المروحة بايظ

بس كده

**hamadashedid** · 17-05-2010 01:31 AM

ضغط الفريون زيادة لو انت لسة شاحنة فريون
وممكن تكون سربنتينة التكييف عايزة تتنضف فى البنزينة بالماء والهواء(خرطوم الغسيل)
اخر سبب بس صعب شوية حساس التكييف اللى راكب على الماسورة الرفيعة اللى داخلة على جوة العربية فيها فيشة ثلاث اطراف الحساس بايظ او الفيشة بتهرب
تحياتى وارجو الرد

**ADM** · 17-05-2010 05:30 AM

أشكركم لاهتمامكم جدا
على الاقل الواحد لما يوديها لحد يعملها يبقى فاهم الى حا يتعمل
ان شاء اللة حا روح اعملها على اخر الاسبوع و ارد عليكم
لكن السوال بخصوص الفريون الزيادة
س - هو المفروض العربية بتاخد كام جرام فريون ؟ و بيكون مكتوب فين ؟ فى الكتالوج ولا فى البليتة الى فى صدر العريبة زى الفكترا ؟
حد يعرف ؟

تحياتى و أشكركم

**ADM** · 17-05-2010 05:39 AM

المشاركة الأصلية كتبت بواسطة nokiaxxx

كذا سبب

ضغط الفريون بايظ
السير فيه حاجة او عايز يتغير
الزرار بتاع ايه سي بيعللق
حاجة في كهربة التكييف
الحرارة بتاعت العربية عالية
زرار سرعات المروحة بايظ

بس كده

--------------------------------------
سيدى الفاضل اسمحى لى ارد على اهتمامك بالموضوع
- الفريون - جايز لانى لسة شاحن من شهرين فاأحتمال يون ذيادة ( هو المفروض يكون كام )
- السير - ما أعتقدش لان لو كان سير كانو لفتو نظرى و انا بظبط التكيف
- حاجة فى كهربة التكيف ؟ زى اية ؟
- الحرارة بتاعة العربية عالية ؟ - هى ملحوظة جديدرة بالمتابعة لان المرتين الى فصلت العربية فيهم و الكباس مكنش عاوز يلقط كانت درجة الحرارة مش طبيعية زى امبارح و المرة السابقة كانت برضو فى موجة الحر الى فاتت من اسبوعين تقريبا - لكن فى الحالة دى تفتكر التنظبف الردياتير و السربنتينة يكون الحل ؟ ولا مروحة الردياتير ؟ مع العلم ان العربية عاملة فقط 60 الف
- زر السرعات - سليم
--------------------------------------------- شكرا