الموضوع: إيه الحكايه .. الواحد شكله حسد العربيه ( التكييف مش قد كده)

المشاركة الأصلية كتبت بواسطة tananybasha

انا واحد صاحبى جاب تيجو 1600 قاللى اركب و اتكيف و اسمعوا الحوار ده و قسماً بالله العظيم بمنتهى الدقة
انا : بسم الله ما شاء الله مبروك يا حوده
هو: الله يبارك فيك يا طنانى و عقبالك
انا : الله يخليك بس انا العربية اللى معايا مريحانى - خلصتها على كام
هو : 84000 و خدوا العربية القديمه النوبيرا و عايزه فتيس على 40000 و دفعت الباقى
انا : والله سعر حلو على عربية 4*4
هو : اركب بقى و قللى رأيك ايه
انا : بسم الله الرحمن الرحيم - سبحان الذى سخر لنا هذا و ما كنا له بمقرنين و انا الى ربنا لمنقلبون
هو : خد المفتاح و اتكل على الله
خدت المفتاح و فتحت العربية بالريموت و ركبت
انا : هى الطارة دى ملوحه ليه مش العربية جديده
هو : هيظبطوها فى صيانة ال 1000
اتكلت على الله و دورت صوت الموتور مش عاجبنى
انا : هو الموتور خشن قوى كده ليه
هو : فى التليين و فى صيانة ال 1000 هيغيروا الزيت و اكون خلصت تليين
انا : ماشى الله اعلم
و باقفل الباب مش عايز يقفل غير لما رزعته جامد
هو : معلش الأبواب هيريحوها فى صيانه 1000 كم
ماشى يا عم مش مشكله
بادوس دبرياج الدبرياج عالى قوووى و فصله بعيد قوى و العربية الغيارات بتعض
انا : هو الفتيس بيعض ليه
هو : لما الأسطوانه و الدسك يطبعوا هيظبطوها فى صيانة ال 1000
ماشى العربية بترج فى الطلعه قلت فى عقل بالى يمكن عشان مش متعود على الدبرياج و شكلى هيبقى وحش اسايس الدبرياج مفيش فايده كل غيار اديه للعربية برزعه لما قلت الواد هينزلنى و يضربنى
الحتة اللى احنا فيها فيها مطلع رذل اول مره احس انه رذل
انا : هى العربية تقيله قوى كده
هو ( بضحك ) : العربية 4*4 ولازم تبقى تقيله
ماشى يا عم بالرغم ان شكلها ميديش طن على بعضة يعنى عربيتى اتقل 350 كجم
ما علينا اتكلت على الله و لقيت حتة رمل كده قلت اجرب الفرامل طبعاً فرامل اليد فى الضياع و قال هتترجلش فى صيانة ال 1000 كم
ادوس فرامل مفيش جديد لا رجه و تخبيط ال abs ولا الهوا
انا : محمد مش العربية فيها ABS
هو : ايوه بس قالوا لما استلمت العربية مبيشغلوهش غير بعد صيانة ال 1000 عشان مقرصش على العربية؟؟؟؟؟؟؟؟؟؟؟؟؟؟؟؟؟؟ ؟؟؟؟
انا : الله اعلم
هو : جرب بقى التكييف
انا : شغله انت
و راح مشغله نسمه هوا بارد مش اكتر من كده
انا : يا عم زود التبريد شوية
هو : لما اروح الصيانه هيزودوا الفريون عشان مش عايزين التكييف يحمل على الموتور و عشان كده ضعيف جربة لما يتشحن شحنه كامله
انا : ماشى يا عم
و رجعنا عند الشركة و وقفت ابص على العربية
1. الشنطه فارقه من الناحيتين
2. رفرف قدام شمال طالع لبره من فوق وداخل لجوه من تحت
3. بوجه عام مفيش سوكه و لا باب مطبع صح و الكلمه اللى على لسانه هتتظبط فى صيانة الألف كأنهم هيعيدوا تصنيعها تانى
4. الدهان فى حتت كتير عامل بقاليل صغيره كأن تحته ذرات تراب و خشن بغبا قاللى هيلمعوها فى صيانة الألف
5. عفشة العربية شخليله بمعنى الكلمه و هيربطوها فى صيانة الألف
6. تجهيزات العربية من جوه لا يمكن ان تكون اكتر من بلاستيك معاد تدويره 100 مره قبل كده على الأقل و كله جوه بيزيق
7. الكاسيت حلو قوى و صوته عالى بس السى دى بيعلق جوه و هيغيروه فى صيانة الألف
8. تارة الدركسيون بتزيق يمين و شمال و بتلق جوه و بره و هتتربط فى صيانة الألف
والله العظيم ده اللى حصل بالحرف
انتا تعتقد ارد اقله ايه

طيب اشترى دلوقتى لية كان استنى لما تعمل صيانة الالف
الناس دى بتستعبط

- مووضوع العضة هتلاقيها فى كل الصينى غالبا العربيات الوحيدة اللى فيها اسطوانة وديسك بيطبعوا !!!
- فاصلين ال abs علشان متقرصش غير بعد الصيانة , باعتبار ان ال abs استاندرد فى عربيات مصر واية علاقة ال abs بالقرص !!!
- هو لما الفريون بيبقى ناقص كدة الحمل بيقل !!!!!!
- طيب العفشة المخلعة مالها بالصيانة مش المفروض العربية طالعة من المصنع ولا يمكن سايبينها مفككة علشان يخاف يجرى بيها غير بعد صيانة الالف !!!!!

المشاركة الأصلية كتبت بواسطة tananybasha

الله اعلم
بس حلوه يشتريها بعد صيانة الألف

ماهو طالما هيستلم العربية بعد صيانة الالف مكانش استعجل ودفع الفلوس دلوقتى كان استنى صيانة الالف !!