ناشيونال موتورز فين الحقيقة ؟؟؟

**mezo_1978** · 13-04-2010 10:22 AM

فى اعلان ناشيونال موتورز الاسبوعى بجريدة الاخبار الاسابيع الماضية تم كتابة ان السيارت خليجى بمواصفات كويتية وبالضمان وعن الاستفسار بالتليفون يتضح ان الضمان بمبلغ 1700 جنية لدى شركة امان الشرق

ويوم السبت الماضى بنفس الجريدة اعلان انه يوجد تخفيضات للكيا سيراتو يومى السبت والاحد والاثنين 1000 جنية وبقية الايام من الاسبوع 500 جنية وعند الاتصال للاستفسار يقال ان الخصم للون الابيض فقط
اين محاسبة هذه الشركات التى تكتب اعلانات بمواصفات واسعار لجذب انتباه العميل وعند السؤال يتبين غير ذلك
يرجى الافادة من تعامل من قبل مع هذه الشركة ؟

**nab!l** · 13-04-2010 10:23 AM

يعم كبررررررر

**aromr** · 13-04-2010 10:51 AM

ده طبيعي في الاعلانات
مثلا موبيينل تقولك الدقيقة بكذا وبعدين لمزيد من المعلومات تتصل
ولما تتصل تلاقي السعر ده بالليل بس او انه لموبينيل بس او انه من الدقيقة الخامسة
او انك لازم تتدفع اشتراك شهري 50 جنيه
في شركات كتير كده

**LeperMessiah** · 13-04-2010 12:18 PM

اللون الابيض بس لأن اساسا هو المتوفر عندهم بالكماليات المكتوبه و هينزلوا حاجه ارخص بكامليات اقل بعد كده
و زى ما الاخوه قالولك ده بقى عادى فى كل حاجه و فى اعلانات تانيه كتير يكتبلك مقدم قليل و قسط قليل اوى و لما تسأل تلاقى القسط القليل ده بمقدم عالى جدا او العكس

**ehab_osman** · 13-04-2010 12:23 PM

المشاركة الأصلية كتبت بواسطة mezo_1978

فى اعلان ناشيونال موتورز الاسبوعى بجريدة الاخبار الاسابيع الماضية تم كتابة ان السيارت خليجى بمواصفات كويتية وبالضمان وعن الاستفسار بالتليفون يتضح ان الضمان بمبلغ 1700 جنية لدى شركة امان الشرق

ويوم السبت الماضى بنفس الجريدة اعلان انه يوجد تخفيضات للكيا سيراتو يومى السبت والاحد والاثنين 1000 جنية وبقية الايام من الاسبوع 500 جنية وعند الاتصال للاستفسار يقال ان الخصم للون الابيض فقط
اين محاسبة هذه الشركات التى تكتب اعلانات بمواصفات واسعار لجذب انتباه العميل وعند السؤال يتبين غير ذلك
يرجى الافادة من تعامل من قبل مع هذه الشركة ؟

انا متفق معاكم 100 % بس......... اساس الموضوع ثمن العربية والكماليات موجودة ولاه لالالالالالالالالالا .
انا اخدت عرض سعر من ..........( عرض سعر للمرة الثالثة )

وجبت امر توريد من البنك له ( اليوم الثلاثاء 13-04-2010 ) ........ وحقولكم ايه ال لاقيه صح في الاعلان وايه الغطأ ...

لما استلام ان شاء الله ..... يا مسهل

**M.Mosaad** · 13-04-2010 02:45 PM

الناس دي عايزة حد فاضي زي مرتضي منصور كدة يهريهم قضايا غش لحد ما يتظبطوا لان دة يعتبر غش اعلاني و حاجة مش موجودة

**TofyGuy** · 14-04-2010 11:07 AM

مش كده و بس , انا شوفتهم عملين اعلان عن سياره سيراتو كامله بصمه , جنط 17, ب 105
ولما كلمتهم قالو دي موديل 2009 مش 2010..؟؟؟؟؟؟

**hobaz** · 14-04-2010 11:19 AM

النصب والغش وقلة الضمير والجشع ملا البلد بطريقة مخيفة ربنا يسترها معانا ويعديها على خير يارب....

**Cutevampire** · 14-04-2010 03:37 PM

الموضوع ده بيغيظني جدااااااااااااااا
بحسه نوع من النصب
لان الناس اللي فاهمه شوية في العربيات هتعرف الفرق بين اللي مكتوب في الاعلان و الحاجة الحقيقية
انما الناس اللي مش فاهمه قوي هتقول ان دي فرصة . الكلام ده للاسف مش موجود في العربيات و بس بقي في كل السلع .
حسبي الله و نعم الوكيل