الحقونىىىىىى بتبطل لسه

**haitham83** · 19-01-2008 08:18 PM

اولا احب اشكر كل من ردو على استفسارى الاول ( العربيه بتبطل لوحدها ) و قالولى ان لازم انضف الكربيراتير و اقوللكم الموضوع تانى انا عندى عربيه هيونداى اكسيل 96 1300 اللى هيه بشنطه مش هاتشباك العربيه ادور فى اى وقت العربيه يا دوب تلقط و الاقيها تبطل لوحدها و و كمان و انا ماشى تبطل لوحدها و قالولى نضف الكربيراتير رحت اولا توكيل هيونداى قالولى لا مش كربيراتير دة هنظبط بس الموتور ظبطوة و بعد ما طلعت بطلت تانى رحت رايح منضف الكربيراتير و طبعا غيرت فلتر البنزين و بحط 92 بعديها بطلت برضو قالولى كهربه رحت غيرت الفيوزات و المارش زى ما قالى الكهربائى رحت مغيرهم مش عارف اعمل ايه بعد كدة انااااااااااا زهقت خالص حد يقولى على حل و كمان ميكانيكى يكون ابن حلال فى الاسكندريه انقذو اخوكم

**kimo** · 19-01-2008 08:28 PM

الرابط دههيفدك
http://www.nilemotors.net/Nile/showthread.php?t=13569

**haitham83** · 20-01-2008 07:43 AM

شكرا ياباشا على الاهتمام بموضوعى بس يعنى كدة العيب فى ايه و لو عندك ميكانيكى 100 100 فى اسكندريه قولولى عليا

**ahmed1981** · 20-01-2008 09:25 PM

اللي نضف الكربيراتير نضفه إزاي ؟؟
المفروض يفكه من العربية ويفكك أجزاؤه بره ويغسله ببنزين أو جاز كويس جداً
ويركبه ويغير فلتر الهواء
لو معملش كده ياريت تخليه يعمل كده ولكن بعد لما تجاوب على سؤالي:

العربية بتطفي ورجلك على البنزين ودايس ولا لما ترفع رجلك فجأه مثلاً ؟؟

لو العربية بتبطل لما تكون رافع رجلك عن البنزين ولكن لما تكون مزود بنزين أو ماشي وساحب ودايس مبتطفيش . يبقى إغسل الكربيراتير بالطريقة التي قلتها

لو الطفي بيكون في حالة تانية يا ريت توضحها عشان نفكر فيها

**ahmedsrs** · 20-01-2008 11:25 PM

فى سائل تنظيف للعربيات الكربراتير بيضاف على البنزين اشتريته مرة من بنزينة موبيل حاول تجربه

**haitham83** · 21-01-2008 08:14 AM

انا متشكر جدا على الردود و احب اقول لاخى م/ احمد انا نضفته عند راجل فكه و طلعة و جاب بنزين و نضفة اوى برة

و العربيه بتطفى و انا رجلى على البنزين و دايس سواء و انا ماشى او و انا واقف

و بالنسبه لسائل التنظيف دة هل افيد من تنضيف الكربيراتير زى ما فكه كدة و غسله؟؟؟

**ahmedsrs** · 21-01-2008 08:05 PM

السائل ده اسهل من فك الكربيراتير ولو معندكش وقت للفك والتركيب واعتقد انه افضل لتنظيف دورة الوقود

**ahmed1981** · 21-01-2008 08:33 PM

المشاركة الأصلية كتبت بواسطة haitham83

احب اقول لاخى م/ احمد انا نضفته عند راجل فكه و طلعة و جاب بنزين و نضفة اوى برة
و العربيه بتطفى و انا رجلى على البنزين و دايس سواء و انا ماشى او و انا واقف
و بالنسبه لسائل التنظيف دة هل افيد من تنضيف الكربيراتير زى ما فكه كدة و غسله؟؟؟

في هذه الحالة يبقى الكربيراتير إحتمال يكون بريء من مشكلة التبطيل
والمشكلة عندك ممكن تكون:
- إحتمال طرمبة البنزين باظت (وبالذات لو كانت العربية بتبطل لم تشد أو تسحب)
- إحتمال إن خرطوم البنزين الداخل للكربيراتير مسدود أو فلتر البنزين مسدود
- إحتمال إن خرطوم البنزين الراجع للتانك مسدود (إحتمال ضعيف)
- راجع على فيش المشط الإلكتروني ونظفها
وعشان نتأكد إنه مش عطل كهرباء لابد من إختبار الشرارة الخارجة من أي سلك بوجيه (تفك السلك من البوجيه وتصوب طرفه إلى أى جزء معدني في الموتور وواحد يدور السيارة وتراقب الشرارة بعينك لازم تطلع التردد بتاعها منتظم وتتأكد إنها منتظمة)

- حاول تظبط الكهرباء (الاسبراتير) والكربيراتير كويس

**emadno1** · 21-01-2008 08:40 PM

انا حصل معايا موضوع شبه دة قبل كدة و كان خرطوم البنزين فيه شرخ خفيف و مكانش حد عارف ليه العربيه بتبطل و بعدين فى مره قطعت معايا و حلفت ماهى دايره اصلا و سبتها و تانى يوم جبت ميكانيكى و هوا اللى ورانى الخرطوم اللى خارج من التنك كان مشروخ من عند القفيز اللى بيربط الخرطوم بالتنك.