أخيرا عطر مالهوش حل

**M!SHO** · 14-04-2010 01:54 AM

هو ده اسمه اسانس او حاجه زى كده ؟؟

**ابوهاشم** · 14-04-2010 02:01 AM

لا هو مش اسانس
هو معطر مركز ومش هتلاقيه غير عند بتوع الصابون
المفروض انه بيتخف بالماء ويتحط فى بخاخه
ويترش على الستاير والسجاد
لكن احنا بنحطه فى اى مكان فى العربيه مركز زى ماهو

**eng.octooo** · 14-04-2010 02:21 AM

شكرااا يا ابو هاشم على المعلومة الجامدة دى ....انا سمعت عنة من المنتدى قبل كدة وكل ما اروح لمحل اكسسوارات اسألة ما الاقيش غير بتاع المكييف بس ...
دة طبعا غير الشجرة والجيل

بس ان شاء الله بكرة هاروح اشوف مكان فية منظفات واسال وان شاء الله الاقى برائحة الياسمين او النعناع

**shouk_1987** · 14-04-2010 02:30 AM

هو فى محلات بتوع منظفات بس ؟؟؟
فين دوول ؟؟؟؟
أنا فى مدينة نصر

**eng.octooo** · 14-04-2010 02:39 AM

هو فى محلات بتوع منظفات بس ؟؟؟
فين دوول ؟؟؟؟
أنا فى مدينة نصر

انا ما اعرفش كنت هاروح ادور علية فى كارفور

بس بسال واحد صاحبى دلوقتى معايا فى التليفون قالى اة موجودين ومنتشرين جدااا فى الازهر والغورية والعطارين القدام وفية محلات مخصوصة للمنظفات بس

وان شاء الله هاخد لفة فى اكتوبر بكرة لو لقيت يبقى تمام ولو ملقيتش هاخلى اى حد من تحت يجيبها

وهاقولكم على النتيجة

**am79** · 14-04-2010 06:33 AM

المشاركة الأصلية كتبت بواسطة ابوهاشم

قوله عاوز المعطر السائل بتاع السجاد والستائر
بس للعلم هو بالجرام يعنى اشترى منه ب2جنيه
هما شويه صغيرين بس مفعولهم جبار
واكيد هو غير اللى عند بتوع العطر
لانه شبه الصابون السائل وله رغوه خفيفه

حضرتك متقدرش تعرف الشركه بتعته اسمها ايه او هو اسمه ايه اكيد هتلاقي منه انواع كتير علاشان لو هتجرب يبقي زي إل حضرتك جبته

**Ahmed Nouh** · 14-04-2010 07:46 AM

اللى عايز يجيب الحاجات دى فى بدايه شارع الجيش من ناحيه ميدان باب الشعريه فى محلات على اليمين وانت رايح العتبه بتاعت كيماويات ومنظفات هتلاقى عندهم

كنت زمان بجيب المعطرات دى واستخدمها بس مش فى العربيه وفعلا هى مركزه جدا وب 2 جنيه هتبقى كميه مش قليله , قوله عايز معطر سجاد زى ما قال استاذ ابو هاشم ولو مش عارفه قوله معطر بتاع صابون سايل

**w_abedelhakim** · 14-04-2010 11:07 AM

انا قولت اجرب
بس للاسف روحت لكذا حد بتاع منظفات ومحدش عارفة خالص
واضطريت اروح لبتاع العطور واديني حوالي 200 مللي اسانس مخفف بسبرتو ب 15 جنية و النتجية وحشة جدا ولا في اي ريحة اصلا
انا هحاول اوصل لبتوع المنظفات دي لو حد يعرف محل كويس في مدينة نصر او مصر الجديدة يقولنا عليه