نغمه هترجعك 20 سنه لورا وكل اللى سمعها خدها منى

**for_ever** · 14-04-2010 08:37 AM

ياه رجعتنا لايام زمان :)
انا فاكر كمان اغنية "يا صباح الخير يا للي معانا الكروان غنا و صحانا"
معرفش دي بتاعت مين بس كنت كل يوم بسمعها و انا نازل الصبح للمدرسة :)

**mazagngi2010** · 14-04-2010 08:51 AM

اى خدمه ياجماعه ونورتوا الموضوع
بالنسبه لموضوعى اللى فات بتاع السباق
http://www.nilemotors.net/Nile/137302-a.html
وبالنسبه لاستفسار for_ever فدى ام كلثوم وكنت فاكرها لحد سنه 5 ابتدائى الفراشه بتاعت المدرسه هيا اللى بتغنيها -علشان كانت يتشتغل كل يوم عندنا فى اذاعه البلد (مكرفونات فى كل حته علشان لو حد مات او نجح او اعلان كانت اسمها اذاعه عدايل !!!!)- فكنت فاكر انها بتغنيها لينا واحنا رايحين المدرسه :)
الحمد لله ان الموضوع اثار شجنكم

**م.احمد زكريا** · 14-04-2010 09:50 AM

ياااااااااااااااااااااااا اااااااه

كأن فيلم اشتغل قدامي بذكريات المدرسة والصحيان بدري والنزول في البرد والبس بسرعة عشان الحق اتوبيس المدرسة

كانت ايام جميلة بس ماكنتش طايقها زمان وبقول امتى اكبر واشتغل واخلص من المدرسة وارفها

بقيت اصحى بدري اكتر من الاول وورايا مسئوليات وبيت وعيال وشغل

فعلا مفيش أجمال من قوله تعالى " وقل رب إرحمهما كما ربياني صغيرا "

**shaddadfalcon1** · 14-04-2010 10:29 AM

انا مش فاكر دي بس انا كنت فاكرها الموسيقي اللي كانت بتيجي علي الشرق الأوسط وكانت في وحده بتقول (بصبح عليك) - حد عارفها؟

**osama.m** · 14-04-2010 02:26 PM

ياااااااااه بجد ايام جميلة جدا جدا جدا
كنت بتأخر كل يوم عن المدرسة عشان اتفرج على توم و جيري
و قبل رمضان بكام اسبوع تلاقي اغنية اهلا رمضان
دلوقتي بيشغلوها لما رمضان يخلص :(

**shaddadfalcon1** · 14-04-2010 03:49 PM

المشاركة الأصلية كتبت بواسطة osamalover

ياااااااااه بجد ايام جميلة جدا جدا جدا
و قبل رمضان بكام اسبوع تلاقي اغنية اهلا رمضان
دلوقتي بيشغلوها لما رمضان يخلص :(

اه رمضان ده بقي اللي كانت بجد الأغاني القديمه بتفكرني بيه جامد وكان ليه اغاني قبليه وفي نصه وفي الأخر
دلوقتي بقي ليه ستايل جديد مش حلو خالص

وياسلام علي بوجي وطمطم وعمو فواد والف ليله وليله ومسلسل بور رينجرز

**FunnyMickey** · 14-04-2010 04:38 PM

المشاركة الأصلية كتبت بواسطة nabaster

ياااااااااااااااااااااااا ااااااااااااه

كنت وقتها بظبط ببقي واقف علي الكنبه مستني ماما او بابا يزررلي القميص ويقفلي زرار البنطلون ويلبسني الكرافته

وكنت دايما بسال ماما فردة الشراب دي يمين ولا شمال :)

ايااااااااااااااااااااااا ااااااااااااااااااااااااا اااااااااااااااااااااام

a.yakout

انا نفسي افهم احنا ليه كنا كلنا بنتربي تربيه واحده
وليه الابهات والامهات ليهم ستايل واحد
انا كنت بصحي علي نفس الموسيقي والبس عليها وابويا وامي يعملولي السندوتشات
ليه واشمعني الراديو عالقناه دي بالذات
ايه الفكره يعني

في نفس الوقت اللي احنا فيه طالعين غير كده
وعمري ما حفكر افتح الراديو اصلا الصبح وانا بصحي عيالي للمدرسه
مع اننا اتربينا علي ده وه عامل معانا ذكريات جميله
بس بردو ايه اللي حيخيليني افتح الراديو الصبح

حتقولولي الابهات والامهات من جيل واحنا من جيل

طب مالناس دي كان عندها تلفزيون وفيديو
وانا وانا صغير كنت بتفرج عالتلفزيون عادي
اشمعني الراديو اللي الصبح ولاز عالقناه دي ولازم الموسيقي دي

واكيد وهما عيال مش ممكن تكون الموسيقي دي كانت موجوده ايامها

شكرا بجد للي حط الفيديو
رجعنا لورا كتييييييييييير

-

-

الموضوع: نغمه هترجعك 20 سنه لورا وكل اللى سمعها خدها منى

LinkBack

أدوات الموضوع

عرض

-

-

المواضيع المتشابهه

عربية تمبرا بسعر على قد الايد , خدها وشدها

نغمه للموبايل ..يمكن تكون معامكم..بس عجبتني مووووووت

العربية بتتشفط لورا !!!

ملاك الياريس - هل عندكم العجلة اللى قدام شمال متأخرة لورا شوية ؟

يا جماعة فى معلوم جمدة لسه سمعها النهرده

الكلمات الدلالية لهذا الموضوع

المفضلات

المفضلات

ضوابط المشاركة