لآلآلآ يابشمهندس إحنا منقدرش نستغنى عنك :E_braces[1]:
سيب حد تانى يكون جديد ويقول اللى فى نفسه ههههههههه
دلوقتي
حتى اللحظة مافيش رد ...
وده مش طبيعي ..لأن لو الشكوى مالهاش قيمة كانوا بعتولي قالولي انك تتابع مع الوكيل المحلي في بلدك أو على الأقل يبعتوا يقولولي امشي ياله العب بعيد ...
بس عدم الرد ...نهائيا أعتقد انه معناه under processing زي ما اتقال قبل كده No news....Good news
وواضح ان الوكيل فعلا عليه ضغط لقبول السيارة سواء بسبب شكوتنا أو غيرها ....لأنه بيدور على مخرج يقبل بيه العربية بس يحط العقدة في المنشار أو يكسب الطاق 10 ....
ده متابعة أو توقعي لسير الشكوى
لحد هنا و هاشد خط ...
___________________________
نيجي بقى للـ4000 تلاف عفريت اللي يركبوهم و التلاتين في المية و المية مية على الصيانة
ليه ...؟؟؟ خير ؟؟؟؟
دي قلتها أحسن
هو فاكر ان اللي عنده مش عند حد ؟؟؟؟
أنا فعلا في رحلة اصلاحي للعربية عرفت سكة تجيب (أي قطعة في العربية) تاني (أي ..قطعة) مهما كانت للسيراتو و الكوب و السورينتو و الريو و أي كيا
انا جبت الريلي بتاع السنسورز ...ودي من الحاجات الصعبة جدا
و لاقيت فتحة السقف و كبالن مش عند الوكيل اساسا و التمن 50 % من اسعاره أو تزيد شوية
و صلحت العربية عند صنايعية عاديين (شطار صحيح بس اسمه صنايعي في ورشة) صلحوا أعقد حاجة (كنترول التكييف) لأن ركبتي خبطته و أنا باتقلب ...
ولو حد مش غاوي ورش ..مش لاقي ورش
الميكانيكيون العرب موجود
عيسى موجود
و الناس دي مالهومش غرض يقولوك لأ ...ببساطة لأنه ما بيبيعش و الخليجي مش حابس نفسه ...
و على فكرة أنا عرفت معلومة عن سبب عملة الوكيل المتسرعة دي ...هاحطها في موضوع منفصل
يعني من الأخر ...
يفتح الله
مش رايح الا دخلت بحقي
مش هادخل و أنا متعلم عليا
علشان أنا مش خرنج
يا جماعة ....
احنا أقصى ممكن نوافق عليها ...
ندفع 1.5% من تمن العربية زي ما الجهاز بيقول ...
يعني للهاي لاين 1890 جنيه
وندخل زينا زي اي حد ...غير كده الف الف سلامة
و الخليجى هايكمل و هايبيع و بكرة الناصح اللي حط الإعلان يفوق انه كان أكسبله يصون الأساطيل اللي نازلة من المراكب بدا ما هو بيرمي اللقمة ...و لما الهوجة تخلص هايرجع يقول اتفضلو
لو لقينا مراكز تعرف تتعامل مع العربيات
ولقينا أماكن نقدر نلاقى فيها قطع الغيار - وبأسعار وجودة افضل
يبقى عاوزين ايه من الوكيل ؟
عشان الضمان ؟
على حسب ما شفت فى المنتدى فيه حالات كتيرة لما أى حد بيروح لأى توكيل عشان مشكلة ظهرت فى عربيته (يلبسوه العمة) ويقنعوه انه عيب استخدام مش عيب صناعة ... ويدفعوه فلوس كتير برضه ..
يعنى طالعين واكلين نازلين واكلين
اللى عاوز اقوله (مع ان عربيتى وكيل) هو انى مش عاوز احط صباعى تحت ضرس الوكيل
وياريت حضرتك وكل السادة الأعضاء تساعدونا كلنا وتدلونا على مراكز الصيانة وقطع الغيار اللى ممكن نلجأ اليها
متهيأ لى بالطريقة دى على الأقل نجبر التوكيل انه (يلم الدور شوية)
فعلا
احنا ممكن نتفق مع مركز صيانة معتمد ان عربياتنا تدخل عنده
و نتفق معاه اتفاق مكتوب ..وناخد خصم محترم
و خلي الوكيل يبيع عربياته و يحارب الخليجي اللي بينزل مصر "محروق" يعني هايحارب طواحين الهوا
+111111111111111111111
متهيألي ياجماعه الموضوع طالما وصل للأستغلال ده يبقي الوكيل بيعقدهلكم وأسمه عمل اللي عليه
قدام الشركه الأم أنا وافقت علي الصيانه في مقابل اني أعتمدها عندي مقابل مبلغ من المال نظير وكالتي
وانتم اللي ماوفقتوش فاأنا من رآي الشخصي انكم تشوفوا مراكز صيانه معتمده زي الميكانيكون العرب
او غيرها وتعملوا عندها الصيانه وزي ماأستاذ أحمد سامي عمل أعملوا وأي حاجه انتم عايزينها أسألوه
وهو مش هيتأخر عليكم وهيقولكم تجبوها منيين وبالطريقه دية الوكيل هيفقد نص الكعكه لأن العربيات
الخليجي ماشاء الله منتشره بصوره كبيره وبالتالي رغما عنه هيقبلها
بس الخوف من حاجه بالنسبه لمراكز الصيانه انهم هما كمان يغلوا أسعارهم نتيجة لغلو أسعار الوكيل
ده كان رآي الشخصي وياريت تتقبلوا مشاركتي ومروري علي الموضوع
أهم حاجة ممكن نعملها هى نشوف احنا ايه ؟؟؟؟؟؟؟
بالمختصر المفيد احنا ممكن باجتماعنا نعمل حاجة ؟؟؟؟ يعنى نعمل رابطة فيها المهندس والمحاسب والادارة والبيع ويتم تفويض مجموعة صغيرة تتكلم مع ... الوكيل ... مع كيا كوريا ... مع احد المراكز الصيانة التي نتفق عليها لعمل الصيانة .......... كده حنبقي حاجة أكبر ومؤثرة أكثر....
- عدد العربيات الخليجي اد ايه .
- قيمة عربياتنا اد ايه .
- وظائفنا ودورنا في المجتمع ايه .
ما رايكم دام فضلكم .:lurk5:
أحييك بشدة يادكتور أحمد على هذا المجهود الأكثر من رائع والأحترافى فى نفس الوقت . حضرتك فعلا ماسبتش حاجة ماعملتهاش وربنا يوفقك ويوفق أعضاء كيا الكرام ويارب تعب حضرتك مايروحشى هدر . بالتوفيق إن شاء الله
يا جدعان احنا لسة مشوفناش الوكيل هنا حيقول اية - احنا بنسبق الاحداث جامد - انا لسة متفائل خير ان الوكيل حياخد قرار سليم - كل اللي عملة دة حلاوه روح قصاد الخليجي ومبيعاتة فقط لكن اكيد حيوصل لحل يكسب بية صيانة العدد المهول دة
وزي ما قلت - الوكيل معندوش قرار حاسم ولا جاب سيرة المصاريف او الاشتراك بكام لما كلمتهم
احنا عارفين انه توكيل محترم وصاحبة محترم - واذا كان اخطا في قرار غبي منة فاكيد كوريا وهوه مش حيكملوا غباء
تفائلوا خيرا - ان شاء الله حيكون الحل مريح للخليجي كلة - احنا عارفين انة يعتبر احسن وكيل للسيارات في مصر ولا اية ؟