المشاركة الأصلية كتبت بواسطة GMakram
اولا طبعا احب احيي افراد منتدى كيا بصفه عامله على التضامن اللى هما فيه ده واحب احيي كل اللى اتصرف بأيجابيه وتعب لحد لما طلعوا الشكوى بالصوره دى وعلى رأسهم دكتور احمد صاحب الموضوع بس انا لاحظت نقطه,انت طبعا يا دكتور ارفقت مع شكواك قائمه بأسماء اصحاب السيارات المتضامنين معك وكمان ارفقت تسجيل لمكالمه التليفون ودول تدعيم للشكوى ولكن ليا تعقيب صغير,اولا لا يوجد اى مستند يوضح موافقه الاعضاء اللى متضامنين معك على تقديم الشكوى بالنيابه عنهم حتى انك لم توضح ده فى شكواك,ثانيا مكالمه التليفون انا مسمعتهاش لكن قرأت نصها,المكالمه كانت بين حضرتك والمدعوه رانيا موظفه خدمه العملاء,طب مين رانيا دى؟ايه اسمها بالكامل؟ ايه اللى يثبت انها من خدمه العملاء لشركه eit؟هل ده اتقال فى المكالمه علشان لو حبت الشركه الام ترجع على الوكيل؟
فى النهايه اسمحلى اوضح انى مش بقول كدا علشان اقلل من المجهود الجبار اللى اتعمل وباين اوى وميختلفش عليه اتنين لكنى افكر معكم بصوت عالى كى لا تجد رد مخيب للأمال من الشركه الام وانا بجد معاكم جدا فى اللى عملتوه وربنا يكلل مجهودكم بالنجاح
تقبلوا مرورى وتحياتى جميعا