انا من الناس اللي بيحبو يعملو صيانه للعربيه بنفسهم

المهم انا اخت بالي اني لما بغير طقم الكهرباء عند الميكانيكي الموضوع بتاعها هايف و بسيط اصلا مافيهوش اي فن غير في ظبط الاسبراتير

انا دلوقتي لما بدور الاسبراتير في اتجاه عقارب الساعه بلاقي العربيه ابتدت ماتبقاش منتظمه و ترعش
و لما ادورها فر الاتجاهه المعاكس تنتظم و الصووت يهدي بس العزم بيبقي وحش لما بطلع مطالع علي التاني او الثالث
مع العلم اني ممكن ابقي ظابطها (تبقي هاديه اوي و عزمها كويس ) لكن لما انزل من الشغل الاقيها ياما عزمها خف يآما بقيت تنتش علي خفيف و مش ببقي عارف هل كان عزمها وحش كده من الاول و لا ايه
فياريت حد يقولي طريقه محدده بدل موضوع الاحساس ده .. ؟؟
انا قريت في منتدي ثاني انك المفروض تظبط الشاكوش قدام كابل اول بوجيه لما اول بستم يبقي منغلق بشكل كامل و بتعرف هو منغلق و لا لاء من العلامه اللي علي ترس الحدافه ... طيب اللي اعرفه ان ترس الحدافه بيبقي جوه و مش ظاهر .. فانا مش حفك فر الموتور علشان اظبط كهرباء
انا بيتهيآلي ان المشكله في مسمار تثبيت ظبط الاسبراتير لآنه بيخلي حديد يضغط علي حديد و بالتالي سهل اوي ان الاسبراتير ينزلق بسبب البقايا الزيوت و خلافه لآنه متركب فوق الموتور

و علي فكره بعد كده فكيت البوجيه اشوف السن بتاعه لاقيته كله هباب اسود و كمان استهلاك البنزين زاد ... يعني واضح اني عاكك الدنيا في ظبط الكهرباء

و علي فكره انا كنت بفكر اني اغير الاسبراتير ده بواحد اليكتروني .... هل اسلوب ظبطه اكثر سهوله و برضه بعد مده تلاقيه لخبط ؟؟