الموضوع: كيفه ظبط الاستبراتير

جامد جامد و شرح وافي بجد
انا حجرب الناهرده في البريك و ابقي استشيرك

المشاركة الأصلية كتبت بواسطة sab3aawy

بالنسية لموضوع عقارب الساعة او ضد عقارب الساعة فهى بتختلف من عربية لعربية حسب اتجاه دوران المحرك ومكان الاسبراتير من المحرك، لكن دى ممكن تعرفها ببساطة لو فكيت وش الاسبراتير واديت العربية سنة مارش وشفت فى هذة اللحظة الشاكوش بيلف فى انهى اتجاه

ديلوقتى نتفق على ان تحريك وش الاسبراتير فى اتجاه دوران الشاكوش اسمه تأخير وفى عكس اتجاه دوران الشاكوش اسمه تقديم

اقصى مسافة ممكن نجرب فيها للتقديم والتأخير هى 1 على 8 من الدائرة الكاملة، يعنى نص ربع دايرة(يعنى من النقطة الى الاسبراتير فيها لنا نتحرك فى حدود 45 درجة، 22.5 درجة يمين و 22.5 درجة شمال ، لو اعتبرنا ان الدائرة الكاملة 360 درجة، دى الحدود التى لا يجب تحت اى سبب اخرج عنها، لكن مش معنى كدة انى لما هزود او أؤخر هزود ال 22.5 درجة كلهم مرة واحدة) بعد كدة هيحصل فرقعة والدنيا هترتبك سواء كان ذلك تقديما او تأخيرا

التقديم (فى الحدود المذكورة اعلاه) يؤدى الى تبكير الاشعال وبالتالى الاستفادة من طاقة شحنة الوقود كاملة، وتحسين سحب السيارة، لكنه يؤدى الى رفع قابلية المحرك للتسيق، والتأخير يؤدى الى عكس كل ما سبق، لذلك فأن افضل اسلوب لضبط الوضع الأمثل هو تقديم الشرارة قليلة ثم تجربة السيارة على مطلع او الكبس فى أول الغيار الثانى او الثالث، نفضل نكرر التجربة دى، كل مرة نقدم فى حدود من 5 الى 10 درجات ونجرب السيارة لحد ما نلاحظ انها ابتدت تسقف، فى الحالة دى نؤخر الاسبراتير فى حدود 2-3 درجات عن وضع التسقيف ده، ونربط على كدة

معرفة وضع المكبس فى السلندر رقم 1 بيكون عن طريق فك بوجيه السلندر رقم 1 (اقرب سلندر لطارة سير الدينامو )ودس مفك مكانه لاستعماله كمجس، ويتم تعشيق الرابع والسيارة مبطلة ودفع السيارة دفعات خفيفة وهى معشقة لتحريك المكبس وملاحظة وضعه بالمفك حتى يصل الى اعلى نقطة، فقط يجب ان نلاحظ ان فكرة ان الشاكوش يجب ان يواجه السلك رقم 1 عند وصول المكبس رقم 1 الى اعلى نقطة هى مجرد بداية للضبط لأن المفروض ان الحريق يبدأ قبل وصول المكبس للنقطة الميتة العليا بحوالى 5-10 درجات بحسب تصميم السيارة، لذلك انت ممكن تضبط الاسبراتير على الوضع ده ثم تبدأ التقديم وتجربة السيارة بعد كدة للوصول للوضع الامثل
هناك مشكلة اخرى تعترى فكرة ضبط الشاكوش مع المكبس، هى ان المكبس بيوصل للنقطة الميتة العليا مرتين كل ما الشاكوكش بيلف لفة واحدة لذلك الاعتماد على المكبس فقط ممكن يطلع صح وممكن يضلع غلط 180 درجة، علشان كدة انت قدامك حلين، اما انك تعمل علامة على طارة عمود الكامة(ساعات هى بتكون متعلمة)، قبل ما تفك الاسبراتير وترجع تظبط عليها(عادة فان طارة الكامة بيكون لها مكان او فتحة يمكن النظر منها من خلال غطاء الكامة) ، لو الأوبشن ده مش موجود يبقى انت بتضبط الاسبراتير على المكبس كما ذكرنا، لو دارت فبها ونعمت، لما مادرتش او ضبت مدافع من الشكمان حرر الاسبراتير من الترس اللى بيلففه ولف الشكوش 180 درجة(نصف دائرة) وركبه تانى وجرب

بالنسبة لموضوع هباب سن البوجيه فده معناه انه-لما كانتش المشكلة من مصدر آخر مثل كاربراتير تالف او بوجيهات تالفة- انك مأخر الاشعال اكثر مما ينبغى، وده منطقى لو انت كنت ظابط السبراتير على النهاية العليا للمكبس بالظبط لأنه مفروض يكون سابق ب 5-10 درجات زى ما قلنا

اما بالنسبة للاسبراتير النصف الكترونى(اللى فيه مشط بدلا من الأبلاتين والكوندنسر) فمش هيفرق معاك فى حاجة فى مسألة الظبط، هو بس هيريحك من غيار الأبلاتين والكوندنسر كل شوية
بالنسبة للاسبراتير الالكترونى بالكامل (اللى مافيهوش شاكوش) فده معتقدش ان فيه منه موديلات للتبديل مكان اسبراتير عادى لأنه بياخد بياناته من كومبيوتر المحرك عن طريق حساس الكرنك، يعنى لازمة العربية يكون فيها كومبيوتر مؤهل لتشغيل هذا الاسبراتير

المشاركة الأصلية كتبت بواسطة sab3aawy

بالنسية لموضوع عقارب الساعة او ضد عقارب الساعة فهى بتختلف من عربية لعربية حسب اتجاه دوران المحرك ومكان الاسبراتير من المحرك، لكن دى ممكن تعرفها ببساطة لو فكيت وش الاسبراتير واديت العربية سنة مارش وشفت فى هذة اللحظة الشاكوش بيلف فى انهى اتجاه

ديلوقتى نتفق على ان تحريك وش الاسبراتير فى اتجاه دوران الشاكوش اسمه تأخير وفى عكس اتجاه دوران الشاكوش اسمه تقديم

اقصى مسافة ممكن نجرب فيها للتقديم والتأخير هى 1 على 8 من الدائرة الكاملة، يعنى نص ربع دايرة(يعنى من النقطة الى الاسبراتير فيها لنا نتحرك فى حدود 45 درجة، 22.5 درجة يمين و 22.5 درجة شمال ، لو اعتبرنا ان الدائرة الكاملة 360 درجة، دى الحدود التى لا يجب تحت اى سبب اخرج عنها، لكن مش معنى كدة انى لما هزود او أؤخر هزود ال 22.5 درجة كلهم مرة واحدة) بعد كدة هيحصل فرقعة والدنيا هترتبك سواء كان ذلك تقديما او تأخيرا

التقديم (فى الحدود المذكورة اعلاه) يؤدى الى تبكير الاشعال وبالتالى الاستفادة من طاقة شحنة الوقود كاملة، وتحسين سحب السيارة، لكنه يؤدى الى رفع قابلية المحرك للتسيق، والتأخير يؤدى الى عكس كل ما سبق، لذلك فأن افضل اسلوب لضبط الوضع الأمثل هو تقديم الشرارة قليلة ثم تجربة السيارة على مطلع او الكبس فى أول الغيار الثانى او الثالث، نفضل نكرر التجربة دى، كل مرة نقدم فى حدود من 5 الى 10 درجات ونجرب السيارة لحد ما نلاحظ انها ابتدت تسقف، فى الحالة دى نؤخر الاسبراتير فى حدود 2-3 درجات عن وضع التسقيف ده، ونربط على كدة

معرفة وضع المكبس فى السلندر رقم 1 بيكون عن طريق فك بوجيه السلندر رقم 1 (اقرب سلندر لطارة سير الدينامو )ودس مفك مكانه لاستعماله كمجس، ويتم تعشيق الرابع والسيارة مبطلة ودفع السيارة دفعات خفيفة وهى معشقة لتحريك المكبس وملاحظة وضعه بالمفك حتى يصل الى اعلى نقطة، فقط يجب ان نلاحظ ان فكرة ان الشاكوش يجب ان يواجه السلك رقم 1 عند وصول المكبس رقم 1 الى اعلى نقطة هى مجرد بداية للضبط لأن المفروض ان الحريق يبدأ قبل وصول المكبس للنقطة الميتة العليا بحوالى 5-10 درجات بحسب تصميم السيارة، لذلك انت ممكن تضبط الاسبراتير على الوضع ده ثم تبدأ التقديم وتجربة السيارة بعد كدة للوصول للوضع الامثل
هناك مشكلة اخرى تعترى فكرة ضبط الشاكوش مع المكبس، هى ان المكبس بيوصل للنقطة الميتة العليا مرتين كل ما الشاكوكش بيلف لفة واحدة لذلك الاعتماد على المكبس فقط ممكن يطلع صح وممكن يضلع غلط 180 درجة، علشان كدة انت قدامك حلين، اما انك تعمل علامة على طارة عمود الكامة(ساعات هى بتكون متعلمة)، قبل ما تفك الاسبراتير وترجع تظبط عليها(عادة فان طارة الكامة بيكون لها مكان او فتحة يمكن النظر منها من خلال غطاء الكامة) ، لو الأوبشن ده مش موجود يبقى انت بتضبط الاسبراتير على المكبس كما ذكرنا، لو دارت فبها ونعمت، لما مادرتش او ضبت مدافع من الشكمان حرر الاسبراتير من الترس اللى بيلففه ولف الشكوش 180 درجة(نصف دائرة) وركبه تانى وجرب

بالنسبة لموضوع هباب سن البوجيه فده معناه انه-لما كانتش المشكلة من مصدر آخر مثل كاربراتير تالف او بوجيهات تالفة- انك مأخر الاشعال اكثر مما ينبغى، وده منطقى لو انت كنت ظابط السبراتير على النهاية العليا للمكبس بالظبط لأنه مفروض يكون سابق ب 5-10 درجات زى ما قلنا

اما بالنسبة للاسبراتير النصف الكترونى(اللى فيه مشط بدلا من الأبلاتين والكوندنسر) فمش هيفرق معاك فى حاجة فى مسألة الظبط، هو بس هيريحك من غيار الأبلاتين والكوندنسر كل شوية
بالنسبة للاسبراتير الالكترونى بالكامل (اللى مافيهوش شاكوش) فده معتقدش ان فيه منه موديلات للتبديل مكان اسبراتير عادى لأنه بياخد بياناته من كومبيوتر المحرك عن طريق حساس الكرنك، يعنى لازمة العربية يكون فيها كومبيوتر مؤهل لتشغيل هذا الاسبراتير

شكرا لك جزيل الشكر على الشرح المفصل ، حقيقة استفدت منة كثيرا ،
بس ليه سؤال : في الشاهيين 1400 الكربراتير باشعال الكتروني (مشط الكتروني)
التقديم مع عقارب الساعة ولا عكس عقارب الساعة

المشاركة الأصلية كتبت بواسطة khsalama

شكرا لك جزيل الشكر على الشرح المفصل ، حقيقة استفدت منة كثيرا ،
بس ليه سؤال : في الشاهيين 1400 الكربراتير باشعال الكتروني (مشط الكتروني)
التقديم مع عقارب الساعة ولا عكس عقارب الساعة

خطاء شائع ... عندك فى الشاهين مشط الكترونى = اشعال نصف اليكترونى
و بالتالى بتتظبط عادى بنفس اسلوب الاسبراتير العادى بالظبط بدون اختلاف
الاختلاف لو كان اشعال اليكترونى كامل ( اسبراتير اليكترونى بياخد اشارته من كمبيوتر العربيه ) و ده مش بيتظبط اساسا بيبقى مقفول على نفسه

المشاركة الأصلية كتبت بواسطة khaled_sabry

خطاء شائع ... عندك فى الشاهين مشط الكترونى = اشعال نصف اليكترونى
و بالتالى بتتظبط عادى بنفس اسلوب الاسبراتير العادى بالظبط بدون اختلاف
الاختلاف لو كان اشعال اليكترونى كامل ( اسبراتير اليكترونى بياخد اشارته من كمبيوتر العربيه ) و ده مش بيتظبط اساسا بيبقى مقفول على نفسه

صح كل الانت قلتة ، بالضبط (اسبراتير عادي + مشط الكتروني ) ولا يوجد بلاتين

بس السؤال على اتجاه التقديم والتاخير
اتجاه عقارب الساعة يقدم ام يأخر

المشاركة الأصلية كتبت بواسطة khsalama

صح كل الانت قلتة ، بالضبط (اسبراتير عادي + مشط الكتروني ) ولا يوجد بلاتين

بس السؤال على اتجاه التقديم والتاخير
اتجاه عقارب الساعة يقدم ام يأخر

زى ماقال عمنا الكبير سبعاوى
مالهاش علاقه بعقارب الساعه ... ليها علاقه بتجاه دوران شاكوش الاسبراتير
لو فى عكس اتجاه دوران الشاكوش يبقى تقديم
لو فى اتجاه دوران الشاكوش يبقى تأخير

على العموم لو انتا مش عارف اتجاه دوران الشاكوش شيل غطاء الاسبراتير و بص على موضع الشاكوش و بعد كده اديها سنه مارش و بص تانى على الشاكوش شوفه اتحرك فين