حط صورة لوضع المؤشر و انا اقولك صح ولا لا
MMamdouh
عرض للطباعة
حط صورة لوضع المؤشر و انا اقولك صح ولا لا
MMamdouh
درجات حرارة التشغيل بتبقى فى حدود التسعينات
MMamdouh
موضوع كبير وزي ما نا شايف فيه جدال واسع
وجهة نظري المتواضعة بين العمالقة المشاركين هي:
مفيش سائل تبريد = مفيش قراءة مؤشر
والكلام ده - مع الأسف عن تجربة.
أنا عندي موؤشر حرارة ديجيتال (غير بتاع التابلوه) مركبه إضافي لقراءة حرارة سائل التبريد وله "صوبع حرارة" مستقل عن العربية كلها بصوابعها
ضرب عندي وش السلندر مرتين بسبب ارتفاع الحرارة والميه دخلت على الزيت وأنا مش شايف تغيير خطير في مؤشر السيارة ولا المؤشر الديجيتال الإضافي وفي المرتين الحرارة كانت قراءات عادية، وكمان العربيه فضلت ماشية عادي جداً لولا ستر ربنا.
المؤشر مش حيعطي قراءة إلا إذا كان في سائل تبريد في الدورة يخلي المؤشر يوصل لفوق ويظهر انه في خطر.
واللي عايز يصدق او ينكر بقى هو حر.......... .
يعنى أصدقك وأكدب الراجل الطيب دهاقتباس:
حصلت عندى مرره على فكره
الطبه اللى فى وش الموتور ضربت وفضت الميه كلها
ولاقيت المؤشر وصل لحد الاحمر
بس الحمد لله ماحصلش اى حاجه خالص لانى لحققتها بسرعه
الحقيقه أنا مصدقه هو ...ومش مصدق اللى حصل عندك
صباع الحراره ده بيحس بأى تغيير للحراره لو حتى كان لامس جسم المكنه بساقتباس:
واللي عايز يصدق او ينكر بقى هو حر..........
لأنه عباره عن مقاومه قيمتها بتقل مع زيادة درجة الحراره للحاجه اللى لمساه
لازم يكون فيه مياه تبريد عشان المؤشر يقوم بمهمته امال فايدة مؤشر الحرارة ايه لو الميه مش موجودة الحرارة هتزيد وبالتالى المؤشر هيطلع لفوق يعنى لمنطقة الخطر ولو الكلام ده محصلشى يبقا فيه مشكلة اما فى المؤشر او صباع الحرارة
هو صباع الحراره ده وظيفته أيه
مش بيحس بالحراره ولا علشان يتبل ميه
ماهو بيحس بالحراره اللى شايلاها الميه
تفرق أيه أنه يلمس ميه سخنه أو جسم المكنه السخن
ماهى كلها سخونه والسخونه مع عدم وجود الميه حتتنقله بالتوصيل الحرارى من جسم المكنه المولع نار
هو مش راكب على المكنه ولا محطوط فى جركل ميه جنب المكنه ....أو فى قربة الميه ( بعيدا عن لحم المكنه المولع نار )
مش كده ولا أيه
قلب الموتور ممكن توصل فيه الحرارة لأرقام كبيرة - سمعت انها بتوصل لحد 2500 درجة مع الحرق على الموتور خاصة لو موتور كبير
مع ذلك درجة حرارة سائل التبريد بيصل درجة حرارته لحد 200 درجة فقط وده لانه متحرك باستمرار بسبب طلمبة المياه ويحصل عليه تبريد
يعني الجسم الخارجي للموتور رغم انه مولع بيكون ابرد بكتير من اللي بيحصل جوا الموتور
لو صوبع الحرارة ممكن يقرأ من غير سائل تبريد كانو حطوه في حته تانيه مافيهاش سائل تبريد عشان على الأقل ميجنزرش وتضطر تفكه وتغيره
لازم سائل عشان الصوبع يشتغل صح
ثم يا ريت حد يقولي على اي موديل سيارة من اي ماركة فيها صوبع حرارة مش متصل بشكل او بآخر بسائل التبريد؟؟؟؟
مفيش سائل = مفيش صوبع = المؤشر مالوش فايده.
أرجو يكون كلامي مقنع.