ربنا يوفقك
بإذن الله
عرض للطباعة
ربنا يوفقك
بإذن الله
يا باشا بس اللى حضرتك بتقوله ده صعب حدوثه وأصعب تصوره
يعنى المقاومة باظت وثبتت عند النقطة دى وحالتها مدهورتش بعد كده
لاحظ يا باشا كمان ان بعد وصول المؤشر للنقطة اللى بيثبت عندها - حركته لفوق او لتحت بتبقى يطيئة جدا جدا لان المؤشر بيوصل عند النقطة دى وحرارة المياه بتكون تقريبا 87 ولما بتوصل 93 الكونترول يونت بتشغل المراوح على السرعة البطيئة ولمل توصل 97 على السريعة كل ده والمؤشر ثابت فى مكانه يعنى درجة حرارة المياه عمالة بتتغير 10 درجات كاملة لفوق وتحت والمؤشر ثابت فى مكانه
وانا استفدت من تحليل حضرتك حاجة مهمة اوى وهى ان المراوح وهى شغالة على السرعة العالية قدرت تثبت المؤشر مكانه وتتغلب على نقص المياه 1 لتر اللى هو طبعا نقص بالتدريج مش فجأة والعربية ماشية بليل والجو مش حر على مدار نص ساعة رايح ونص ساعة جاى وبينهم فترة توقف لمدة ساعة
لذلك انا متصور ان لو دورة مياه التبريد محكمة ومضبوطة ومفيش اى تسريب والمراوح عطلت لاى سبب المؤشر هيتجه للشرطة الحمرا مباشرة ومش هيستنى
يا ترى تصورى ده صح ولا غلط؟؟؟
عارف يامحسن باشااقتباس:
وانا سايق وجاى الشغل حسيت بخشونة خفيفة فى صوت الموتور اثناء السحب
الحته دى فى كلامك اللى قلقانى من دايرة قياس الحراره
وخايف لتكون المكنه بتسخن منك من غير ماتحس
وموضوع مقاومة ساعة الحراره وارده جدا وبقوه
لأن الحساس ده ليه فكره هندسيه فى الكهرباء حساسه شويه
وممكن معدل تغيير مقاومته مع الحراره يختل
وميخليش الحراره تبان معاك فى وضع غير طبيعى يقلق
___________________________________
وعلشان تبقى مرتاح
لازم تكون مطمن لشغل المراوح وثبات مية المكنه فى القربه
لأن السخونيه الزايده يعنى رعشه فى عمل المكنه
زى مايكون الواحد عنده دور سخونيه وبيتكتك من الرعشه والسخونيه
ومعلش أنا مش بهولك الأمور
بس كون أن فيه أحتمال الحراره تضرب من غير ما أحس
ده مش كويس على المكنه
وتركيزك
يبقى شغل المراوح + ثبات مستوى الميه فى القربه + تطمن أن خط الميه اللى رايح للردياتير شغال تمام
بجس خرطوم السخن بعد فتره من بداية شغل المكنه علشان تطمن أن الثرموثتات فاتح ميه للردياتير
غير كده بأه
نسيبها على الله
على فكره
أنت ممكن تستغنى عن 30 ج
وتشترى صباع حراره جديد
وتركبه مكان الحالى
ومش مهم حتى لو كان القديم سليم
أهم شىء تبقى مطمن وحاطط فى بطنك بطيخه صيفى
أن مؤشر الحراره شغال تمام
وبكده تبقى عارف أن فيه حد ( صباع الحراره )
بيشوفلك اللى بيحصل فى المكنه ويوريهولك قدامك على التابلوه
_______________________________________
ماهو صباع الحراره تشبهه بترمومتر الأطباء
الترمومتر هو اللى بيحدد للطبيب وضع الحراره الصح لجسم المريض
والطبيب ميقدرش يعرف الحراره بتاعة المريض وصلت لحد حرج ولا لا على صحة المريض
من غير الترمومتر
فهل أنت مسمعتش عن ترمومتر ممكن يبوظ ويقف عند شرطه محدده وميزدتش عنها
ويكون بيرفع برضه فى الأول شويه
بس مبيعبرش عن قراءه صح لحراره المريض
طيب انا عندى مؤشر الحرارة على النص بالظبط مش قبل النص بشرطة زى مبتقولوا بس هو ثابت على كده مش بيزيد ياترى ده طبيعى والا لا؟
طالما سلوك دايرة التبريد تمام وآداء المراوح تمام
يبقى متشغلش بالك
لأن وضع التدريج على مؤشر الحراره بيختلف من مكنه لمكنه
حسب متغيرات كتير
المهم أنك تكون بعيد كل البعد عن المنطقه الخطره
أنا عندى الحراره تقريبا زى نظامك
من عنيا يا هندسه بس أدينى فرصه أركب للساعه حجر
وأظبطهالك على قدر ما أستطيع
هذا هو الصباع أو الساعه أو حساس مؤشر الحراره
كله نفس المعنى
http://i728.photobucket.com/albums/w...ensor_6235.jpg
وهذا هو مكان وجوده بمحرك السياره الانوس ( على مانيفولد الهواء )
ومشار اليه على الرسم بالقطعه رقم 5
http://i728.photobucket.com/albums/w...titled-120.jpg
بصراحة مجهود رائع يا بشمهندس سمير ولجميع الاخوة الاعضاء الي عمرهم مابيبخلوا بمعلومة علينا
وجزاكم الله خيرا
الله يخليك