الموضوع: خليك حريص من الردتير اوى اوى اختراع يا رب ينفع

انبارح بعد الشغل كدة عزمت ان فى خرطوم مشروم عندى قلى هو واصل ما بين الردتير والمتور من فوق المهم كنت هقطعة بالكتر وظبتة عادى يعنى بس للاسف وانا بقطعة كان راكب فى الردتير وللاسف اتكسر منى الردتير الزور بتاعة ولك ان تعرف ان الردتير بتعنا الومنيوم من الداخلى ومن الاطراف بلستك مادة اسمها البلومايت مادة بلستيكية بتستحمل الحرارة وللاسف اتكسر منى وانا كنت فى الحى السابع مع واحد صحبى كنا بنعمل عربيتة المهم بتوع الردتير قالو ان الجنب بيتغير موجود بس صينى بيقللى اضمنة شهر اثنين ثلاثة فبقلة سنة بلم وقلى لية قلتلة قلى فى العربية بقالة 13 سنة
المهم طبعا انا عارف حتى لو فية فى السوق حاجة نضيفة مش هيجبوة احتست خصوصا ان العربية وقفت ومش عارف احركهاء مفيش دورة مية خالص المهم صينى صينى مبتر طبعا كام يا معلمين 180 ج نهائى 150 ج بعد منهدة ولسة الفك والتركيب قلتلة طيب لو انا فكهولك قلى مش هتعرف على اساس انة بيفهم وعبقرى وقلى لو فكيتة هعملة ببلاش اى كلام يعنى قلى 140ج خت الكلمتين وسكت خالص
وقد عزمت على فك الردتير بنفسى ومعى العدة الخاصة بالفك وخلافة كانت الساعة 9 بليل خت العربية لاخر الشارع فى حتة فضية جنبها عمود نور انا وواحد صحبى وابتداء المشوار
الادوات المستخدمة
1- بيبة 8
2- بيبة 10
3- بيبة 13
4- مفك صليبة ناشف
5- كماشة حديد طويلة واخراى قصيرة
6-ومفك عادة ناشف
7- 1 كرسى صغير عشان هتتعب من الوقفة ويكون صغير عشان تريح علية

وابتداء المشوار بفك الاكسدام 2 مسمار جانبى ثم الفونيس6 مسمار ثم الشبكة2 مسمار ثم القنطرة 6 مسمارثم موسير البور الامامية ثم المروحة الخاصة بالسربنتينة 4 مسمار 10 ثم المروحة الداخلية 2 مسمار 10 ثم فصل فيش المراوح الاثنين ثم فك حساس الحرارة والترموستات وخلافة وبعض الاسلاك والقواعد الخفيفة وخراطيم الردتير (3 خراطيم ) واخيرا وصلت للردتير المشكلة كانت تكمن فى ان السربنتينة وخدة حدثة كلب وتلوحت لجوة فكانت زنقة الردتير بس نشكر ربنا طلعناء الردتير فى النهاية

وكان فى كشك سجاير جنبنا خدنا منة وصلة للكوياء عشان نلحم البلستك ومن خواص مادة البلمايت انة لما بيسيح على بعضة فى قلب بعضة مبيمسك جامد جدا جدا ودفعنا للكشك 2 جنية عشان استخدام الفيشة المهم خلصنا لحام بالكوية (كوية 100 وات) وبعد ذالك جبنا مادتين الحديد الامريكى مش الصينى لان فى فرق كبير فى الصلابة المهم ادنها وش بالمدتين وبعديها بنص ساعة وش تانى وبعديها بنص ساعة وش ثالث وسبنها تنشف بتاع 3 سعات ونص وفى خلال الفترة دية كنا بنرجع كل شىء لمكانة وفعلا تم تركيب كل شىء على خير وركبنا الخراطيم وكلة تمام وملينا مية فى الردتير وكلة تمام وجربنا المراوح كلة شغال والتكيف كلة تمام التمام انهردة الصبح كان مسك جامد اوى بس هل هتنفع الفكرة دية لا اعلم بصراحة بس على الاقل انا هقدر ادور على الردتير برحتى وجيبة بالسعر قلى على مذاجى انا

طبعا التكلفة كانت رهيبة وهى 8 ج انبوبة لحام الحديد + 2 ج خدهم الكشك قلى سلفنا فيشة الكهرباء
اى المجموع 10 جنيهات مصرية
وعلى الاغلب هجيب واحد استيراد نمرة واحد هيعمل 400 او جديد هندى 425 او الصينى وطبعا سعتها هصلح بتاعى اكيد

ما هو رئى العصابة فى ما حدث وما سوفا يحدث

وربنا يسهل هصور كل المراحل لفك الردتير والمراوح والكسدام والفونيس وحبت حجات كتير مدعمة بالصور والفديو ليستفيد الكل
انا من كل ما حدث الراجل بتاع الردتير عظنى انى معرفش افكة لونة مش قصة كلها مسمير بسيطة وسهلة انا عايز ارجعلة واخد منة لسانة قلى خلانى اعملها بنفسى برغم البهدلة
طبعا مش عايز اتكلم على بتاع الكشك قلى كان فكرنا صنيعية او ما شابة وعلى فكرة بتاع الكشك وحنا مستنين المادة تنشف صلحنالة الرديو بتاعة كان خردة اهو بنتسلة

عدد الساعات المهدرة = من 9 الى 3 ونص = 6 ونص ساعة
فك وتركيب = ساعة فى الفك و45 للتركيب الباقى كنا مستنين المادة تنشف على الردتير