تحزير من استخدام النور العالى فترات طويلة فى الكورولا من 2003 لـ 2007

**loay** · 14-04-2010 06:38 PM

الاخوة الكرام
احب الفت نظركم الى مشكلة تتكرر باستمرار فى الكورولا من 2003 لـ 2007
وهى احتراق مفتاح النور عند اضائة النور العالى باستمرار

انا دائما اسافر فى الليل واستخدم النور العالى طوال الطريق واخر مرة كنت مسافر - ذراع رعاش النور العالى عمل قفلة وعلق وفضل منور النور العالى علطول ومش بيطفى - المهم حاولت معاه كتير لغاية ما طفى وطلعت نمت ولكن الذراع اللعين عمل الدنيئة ونور النور العالى لوحده لما نمت وفضل منور طول الليل وطبعا خلص على البطارية وفضيت على الاخر والمصيبة ان البطارية ما استحملتش وجابت ربع وباظت خالص واضرت اشترى بطارية جديدة بـ 260 جنيه
انا غلطان علشان مفلصلتش الفيوزات من الاول وقعدت احاول واللصم فى الذارع علشان يطفى

المهم

ولما رجعت القاهرة المهم بعد صولات وجولات مع يتوع قطع الغيار والكهربائية كلهم اجمعوا ان دى عيب مشهور اوى فى الموديل دا ودائما بتحرق ذراع رعاش النور العالى ويعمل قفلة زى ما حصل معى واضرت اشترى ذراع نور جديد بـ 220 جنيه علشان اتفادى ان النور ينور لواحده تانى ويبوظ البطارية -

ملحوظة : الرجل بتاع قطع الغيار ورانى انه عنده فى المخزن 20 قطعة ال الذراع دا علشان عليه طلب كتير علشان العيب دا

ولتفادى هذا العيب يجب عدم اضائة النور العالى لفترات طويلة
يعنى لو مسافر باليل بلاش تفضل تنور العالى طول الطريق
اطفيه وحول على النور العادى على فترات علشان الكونكتور يبرد وميعلش قفلة