الموضوع: ارجو المساعدة ( مونديو 98 )

طيب تعالى نشوف مين الناس المشهورة الي بتشتغل بفورد
احمد فرج جسر السويس
ايه امكانياتة و بيعمل ايه و متعلمها فين و بيشتغل ازاي
اولا هو كان شغال في ورشة في عين شمس او النعام مش عارف مكانها بالظبط بتاعت واحد اسمه الاسطي سيد و ده بيشتغل فورد بس انا معرفش متعلم يتعامل مع العربية ديه فين
كل بتوع الاستيراد بيشكرو فيه علشان اكتر واحد بيغير مواتير و بينفعهم و طبعا مبيعمرش و نادرا ما بيصلح او بيتعب نفسة في تصليح حاجة
انا عن نفسي لما اتعاملت معاه في الاول انبسط من طريقة شغلة بس فعليا هو بوز عربيتي و فضلت ماشي بيها سنة متعفرتة تقريبا
ثانيا رمضان بتاع الحرفيين
كان شغال في التوكيل رجب و بعدين راح رامي فكرى و قبلهم توكيل متسوبيشي و اعد فترة في العراق على ما اذكر
راجل شغلة ممتاز بس مصنعياتة معالى فيها و مصلحتة من محل قطع الغيار فورق مصلحة زبونة و ده عيب وحش جدا
ثالثا الاسطى حمدي بتاع مدينة نصر راجل محترم و كان شغال في توكيل رجب و سابه لما اتسحبت منه فورد و فاتح في مدينة نصر
شغلة جيد جدا بس شغال بدون امكانيات يعني عندك مشكلة كذا تبقي اكيد من كذا و طبعا هو خبرة بس اكيد اوقات بتفلت منه
مشكلتة في نظري تكمن في تقفيل الشغل النهائي يعني كانت عربيتي عطل فيها مساتر دبرياج و غيرتهم عنده و كله تمام ما
عدا عصاية الفتيس اعد يظبط فيها ساعة و متعملتش كويس في الاخر
رابعا الاسطي قطب و ده حبيبي الصراحة
كان شغال في رجب و سابه قبل ما يقفل و خريج معهد ثقريبا يعني مش متعلمها في ورشة
قبل ما يقول هانغير حساس فيه عنده كمبيوتر يشوف بيه
مشكلة تانية عنده لما تروحلة بعيب يشوف ايه اصل المشكلة و يصلح من الاول مش بس الجزء الي باظ يعني مؤخرا الريدياتير عندي اتخرم قبل ما يغيره اعد يدور على سبب الخرم و طلع عندي مشكلة محترمة في وش السلندر و عملتها علشان احافظ على الريدياتير الجديد طبعا ناس كتير بتزم فيه خصوصا انه بيلزمك تجيب قطع اصلية في بعض الاحيان و طبعا ده بيكون ليك انت

المشاركة الأصلية كتبت بواسطة mohamedsotohy

يا باشا الأسكنر (الكومبيوتر)موش هو المهم لأن انا عندي سكانر وكمان بعرف اشتغل عليه
بس المهم هوا الصنعه والتعامل المادي
وانا رحت لقطب علشان يكف علي عربيه كنت ها اشتريها
واعرفه
وهوا عارفني
بس حسيت انه مغالي اويييييي في المصنعيات
يعني ايه ياخد مصنعيه تغيير مساعدين ومقصات 700 جنيه
ده غالي جدا جدا جدا

نعم ؟؟؟؟؟

700 جنيه لييييييييييه؟

أكيد قصدك 70 جنية ودة يادوب مينفعش أكتر من كدة

دا إنت لو عملتها في التوكيل مش هتدفع نص المبلغ ده

في فيصل ياباشا
العفشجي بتاعي 100% والله وأسعارة حنينة

المشاركة الأصلية كتبت بواسطة MohamedSotohy

يا باشا الأسكنر (الكومبيوتر)موش هو المهم لأن انا عندي سكانر وكمان بعرف اشتغل عليه
بس المهم هوا الصنعه والتعامل المادي
وانا رحت لقطب علشان يكف علي عربيه كنت ها اشتريها
واعرفه
وهوا عارفني
بس حسيت انه مغالي اويييييي في المصنعيات
يعني ايه ياخد مصنعيه تغيير مساعدين ومقصات 700 جنيه
ده غالي جدا جدا جدا

الاسكانر مش دايما مفيد مع الفورد علشان هيا ليها برنامج اسمه ids و ده المستخدم في التوكيل و اوتو ماجد و قطب
موضوع الـ 700 جنيه ده مش معقول يا باشا اكيد فيه غلط او انك سمعت غلط او انه كان قاصد حاجة تانية
علشان العمرة كاملة مصنعيتها 800 جنيه فمش معقول ان تغير مقصين و مساعدين يكلفو المبلغ ده