ارجو المساعدة ( مونديو 98 )

**derprofi** · 14-04-2010 08:48 PM

انا شوفت عربية مونديو 98 مانوال 1600ccوبصراحة العربية عجبانى جدا وعايز اشتريها ياريت اى حد من حضرتكم يقولى ايه هى عيوب و مميزات العربية دى واسعار قطع الغيار واستهلاك البنزين واماكن قطع الغيار والتصليح يعنى من الاخر كل حاجة عن العربية من أ الى ى ، واكون متشكر لكم جدا جدا .

**egytamer** · 15-04-2010 12:08 PM

اسعار قطع الغيار مش اغلي كتير من الاسكورت يعني ممكن نقول زي الفرنساوي والالماني واغلي بشوية من الياباني والكوري وبكتير جدا من الفيات وقطع غيارها موجودة جديدة واستيراد وتصليحا عادي عند ميكانيكي فورد كويس وهي عربية جميلة ويسلام كمان لو جيا 2000 سي سي اتوماتيك عيش اللحظة

**derprofi** · 16-04-2010 08:24 PM

متشكر جدا ياباشا معلش هتعبك معايا شوية فين احسن مكان اصلح فيه العربية لو لاقدر الله حصل حاجة علشان بس مش عايز اجرب فى العربية وياريت لو تكتبلى العنوان وياريت تقولى على مكان كويس اكشف فيه على العربية .

**aYaBooY** · 18-04-2010 11:48 AM

فيه موضوع لاماكن قطع الغيار و اماكن الصيانة و فيه التوقيع بتاعي كمان مواضيع تهم الكل

**MohamedSotohy** · 29-05-2010 08:32 PM

انا الأن بصدد شراء مونديو جيا وهي عامله 130000 وفتيسها متغير في التوكيل جديد ب 17 الف جنيه وهي زي الفل بس عاوزه طقم مساعدين كامل وبطاحات وستبليزر وكاوتش جديد
وانا عجباني اوي العربيه بس صاحبه طالب 50000 جنيه وهوا دكتور
وكان بيعمل كل صيانتها في التوكيكل ايه رئي الساده الأفاضل المحترمين
ارجو الرد باسرع مايمكن
sotohy@diamondegypt.com

**ASHAALAN** · 29-05-2010 09:52 PM

الحاجات دي من غير الكاوتش تعمل في حدود ١٧٠٠-٢٠٠٠ لو أصلي، الكاوتش قول كمان ١٢٠٠-١٥٠٠ يعني بتكلم في ٥٣
ألف كتير إلا لو إنت متأكد إن مغير الفتيس في التوكيل مش جيب إستيراد و انها فعلاً مشية ١٣٠ ألف كم
. عشان الرقم
دة مش منطقي على عربية بالها ١2 سنة

**MohamedSotohy** · 30-05-2010 01:34 AM

انا شايف انها حاله الصالون فبريكا وده دليل علي انها مامشيتش كتيير
طب نفرض ان كلامك صح وان عددها ملعوب فيه
هل ينفع؟
وازاي اقدر اعرف ان العداد ملعوب فيه
وازا كانت تمام وموش مشغوله هل كده تساوي المبلغ ده؟
لو سمحتم الرد بسرعه علشان ها خلص مع الراجل بكره

**MohamedSotohy** · 30-05-2010 11:28 AM

يا جماعه مفيش حد يرد عليا لو سمحتم

**reamoz** · 30-05-2010 01:06 PM

ياباشا لو العربية كويسة وفي التوكيل قالولك هيا تمام توكل على الله لأن واضح إنها عاجباك
وبالنسبة للسعر ده محدش يقدر يتكلم فيه يعني غير الشاري والبايع
صاحبها شايف إنها تستاهل كدة لو إنت كمان شايف كدة يبقى ربنا يوفق
لو شايف إنها متستاهلش دور على غيرها

ورأيي الشخصي لو العربية كويسة فعلا وعاجباني مش مشكلة إني أدفع ألفين تلاتة أغلى من سعر السوق لو عندي المقدرة بدل التدوير والفرجة والمشاوير من أول وجديد لأن الوقت غالي بردة

**MohamedSotohy** · 31-05-2010 05:10 PM

للأسف صاحبها طلع راجل موش كويس (قال رسول الله لا بيعه علي بيعت اخيك)وبعد ما اداني وعد راح بعها علشان 3 الاف جنيه اكتر معا انهة لو قلي كنت دفعتهم له لاكن مفيش نصيب
انا كنت زعلان شويه بس دلوقتي خلاص
ربنا يعوضني بأحسن منها