أسئلة عن ال Optra & Elantra ?!!

**backman** · 15-04-2010 12:25 AM

السلام عليكم و رحمة الله
دي أول مشاركة لي في المنتدي الرائع بجد , فشوية سعة صدر منكم لو سمحتوا
الموضوع مش مكرر أنا بس عندي بعض الاسئلة عن الاوبترا و الانترا لاني بقارن بينهم و ربنا يسهل كده و أجيب واحدة فيهم.
كل معلوماتي عنهم من المنتدي بس لما لقيت تعارض حبيت أتاكد بشك قاطع بالرد علي الاسئلة دي
و يا ريت مستر حسام أوبتراوي يكون موجود معانا لاني بجد معجب بي جدا مش بس لدقة معلوماتة ولكن كمان لاسلوبة السلس المقنع, و يريت يكون في حسام ألنتراوي كمان عشان يشارك معانا ",)

1)الانترا:
أ)هي فعلا بتهبط أوي و بتحك في كل مطبات البلد لو أربعة ولا خمسة ركبين "بدون أحمال أضافية في الشنطة"؟!!
ب)هل قطع الغيار متوفرة خارج التوكيل " كان في موضوع مكتوب فية أن الكبالن مش موجودة غير في التوكيل وب 5000 جنيه"؟
ج)ما مدى أتزان السيارة مع السرعات -لغاية 150 مثلا لان متهيالي أكثر من كدة أنتحار-مقارنة مع الاوبترا.

2) الاوبترا:
A) هل فعلا أستهلاك الوقود للاوبترا " و شفرولية عموما" أكثر من الهيونداي ألنترا؟
b) هل فعلا قطع غيار الاوبترا "دائمة الاستهلاك زي تيل الفرامل وفلاتر البنزين والهواء " في شفرولية عموما" أغلي من الهيونداي ألنترا؟
c) هل فعلا عفشة الاوبترا أفضل من الالنترا؟

شكرا لكم مرة تانية علي سعة صدركم و مسني ردودكم بالجواب اليقين أن شاء اللة ...

**just_magdy1** · 15-04-2010 01:47 AM

انا امتلكت السيارتين كان معايا اوبترا 2009 وبعتها فى يناير 2010 وجبت النترا 2010 واقدر اجاوبك لانى جربت الاتنين
بداية ماحدش ينكر ان الاوبترا عربية كويسة جدا وصدقنى كاداء انا شايف انها ماتقلش عن البوما اللى ماليه الدنيا .
انما بعد قيادة الالنترا لمدة 4 شهور الالنترا افضل كتير من الاوبترا

**Hosam_Optrawy** · 15-04-2010 02:39 AM

وعليكم السلام ورحمة الله وبركاته

1)الانترا:
أ)هي فعلا بتهبط أوي و بتحك في كل مطبات البلد لو أربعة ولا خمسة ركبين "بدون أحمال أضافية في الشنطة"؟!!

ايوه فعلا ودى حاجه كل ملاك الالنترا أجمعوا عليها

ب)هل قطع الغيار متوفرة خارج التوكيل " كان في موضوع مكتوب فية أن الكبالن مش موجودة غير في التوكيل وب 5000 جنيه"؟

والله معنديش معلومه أكيده , بس المفروض انها عربيه منتشره وبتتباع من سنة 2006 وكل قطع غيارها منتشره برا التوكيل فى كل حته

ج)ما مدى أتزان السيارة مع السرعات -لغاية 150 مثلا لان متهيالي أكثر من كدة أنتحار-مقارنة مع الاوبترا.

دى يجاوبك عليها ملاك الالنترا , وبالنسبه للاوبترا ثباتها معقول على السرعه دى

والثبات فى الاول والاخر مسأله نسبيه ترجع لتقديرك ويتدخل فيها عوامل كتير زى الطريق واتجاه الهوا والعربيه نفسها طبعا

2) الاوبترا:
A) هل فعلا أستهلاك الوقود للاوبترا " و شفرولية عموما" أكثر من الهيونداي ألنترا؟

معرفش اكتر من الالنترا ولا لأ

بس الاوبترا استهلاكها عادى زى اى عربيه 1600

انا عربيتى اوتوماتيك بتعمل متوسط 100 كم لكل 10 لتر

وعلى الطرق المفتوحه مع سرعه مش عاليه ممكن توصل لاكتر من 130 كم لكل 10 لتر

b) هل فعلا قطع غيار الاوبترا "دائمة الاستهلاك زي تيل الفرامل وفلاتر البنزين والهواء " في شفرولية عموما" أغلي من الهيونداي ألنترا؟

اعتقد ان الاوبترا هى اللى قطعها أرخص

اغلى تيل فرامل للاوبترا موجود فى التوكيل ب 220 جنيه وممكن تجيبه من برا ب 160 تقريبا

تيل الالنترا فى التوكيل ب 315 معرفش برا بكام

الاوبترا فلتر بنزين ب 39 فلتر هوا ب 48

الالنترا فلتر بنزين ب 80 وفلتر هوا ب 45

c) هل فعلا عفشة الاوبترا أفضل من الالنترا؟

دى حاجه مقدرش أحكم عليها

اللى اقدر اقوله ان العربيتين نفس نظام التعليق وهو نظام محترم

والاوبترا بصفه عامه عفشتها قويه والعربيه عموما اعلى من الالنترا ومش بتوطى زيها

________________

رأيى النهائى

الفرق بين العربيتين حاليا حوالى 5 او 6 الاف

لو مايفرقش معاك فرق المبلغ , ومايفرقش معاك ان الالنترا هاينزل منها شكل جديد

هات الالنترا

مش باقولك كدا عشان هى افضل من الاوبترا , لأ عشان هى عربيه احدث كتصميم واقوى كموتور وشكلها احلى اكيد من جوا وبرا

وبصراحه مقارنتها بالاوبترا ظلم للاوبترا لان الاوبترا مصممه من 2003 لكن الالنترا من 2006 يعنى فى فرق اجيال

المفروض الاوبترا تتقارن بالالنترا القديمه

بالتوفيق

**zahaan** · 16-04-2010 07:47 AM

النترا افخم واسرع واشيك بكتير....بس برضه بص على الكروز

انا موافق حضرتك على نص الراى بس فى الانترا بس مش موافقك فى الكروز مع انى عارف انها عربيه محترمه و ثابته و شيك جدا بس موتورها ضعيف شويه بالنسبه لحجمها و السببين الاساسيين كترة الشكاوى منها فى انها بتبطل و هى ماشيه وانها تغور من وش منصور

**mmffor** · 16-04-2010 08:40 AM

الاوبترا تغور من وش منصور و الانترا تغور من وش غبور!!!

كيا سيراتو او رينو فلونس او ميتسوبيشي شارك او فيات لينيا بدائل كويسه للعربيتين دول و في فاو بيسترن عربيه بشاسيه و عفشة مازدا 6 ( مش 3 ) و موتور الجيتا ال 1600 و ب 99 الف مايوال و 109 الف ستيبترونيك!! ( عربيه في الجون و جووجل عنها و توكيلها في المعادي و مش حتندم و الله ) ممكن تدور FAW Besturn

**mmffor** · 16-04-2010 08:42 AM

ده رابط بيشرح الشركه المصنعه
China FAW Group Corporation - Wikipedia, the free encyclopedia

**mmffor** · 16-04-2010 08:44 AM

دي تفاصيل موجزه عن البيسترن
FAW Besturn (Chinese: 一汽奔腾; pinyin: Yīqì Bēnténg) is a sedan series of First Automobile Works.
The Besturn B70 made its debut in 2006. It shares the chassis, powertrain, suspension and a lot of components with Mazda 6 MKI. It had a facelift in 2009.
The Besturn B50 model made its debut in 2009. It is derived from the B70 model while retaining the chassis and suspension design, but the powertrain has been replaced by the Volkswagen products with a 1.6L L4 engine and MQ200 5 speed manual gearbox/6 speed automatic gearbox to lower the price.

**ahmad--ezzat** · 16-04-2010 02:12 PM

المشاركة الأصلية كتبت بواسطة zahaan

انا موافق حضرتك على نص الراى بس فى الانترا بس مش موافقك فى الكروز مع انى عارف انها عربيه محترمه و ثابته و شيك جدا بس موتورها ضعيف شويه بالنسبه لحجمها و السببين الاساسيين كترة الشكاوى منها فى انها بتبطل و هى ماشيه وانها تغور من وش منصور

الصراحه بحبها عن السيراتو....

لا هو الموضوع ان مش كل الكروز بتبطل ولا كلها بينطبق عليها العيب دة...دى حجات فرديه...السيراتو ياما اتقال عليها كلام مش تمام....وفى ناس بتشكر فيها كتير...والكروز سحبها حلو جدا وموتورها كويس مش ضعيف والثبات ممتاز

**tigernet** · 16-04-2010 06:59 PM

على فكرة ماتور الكروز مش صغير عليها و هو تقريبا 107 و دة الصافى
و انما السيراتو 124 و دة المجمل بتاع الماتور لو حسبوا الصافى هيطلع زى الكروز و يمكن اقل
لان اغلى العربيات الكورى بتحسب مجمل قوة الماتور مش الصافى زى اليابانى و الالمانى علشان تحلى عربيتها

-

مشاهدة نتائج الإستطلاع: أوبترا ولا ألنترا؟!!

الموضوع: أسئلة عن ال Optra & Elantra ?!!

LinkBack

أدوات الموضوع

عرض

-

-

-

-

-

-

المواضيع المتشابهه

Sunny- Elantra- Grande Punto-Optra

optra vs megan2 vs elantra 2006 vs sunny 2006 vs lancer 2006

Optra || Lancer || Elantra (All 1600cc Automatic)Plz Advise

optra or nissan or elantra or lancer (1600)

cerato or optra or elantra or yaris or city or lancer old shape

الكلمات الدلالية لهذا الموضوع

المفضلات

المفضلات

ضوابط المشاركة