السلام عليكم و رحمه الله و بركاته

انا ليه اقتراح بسيط هيساعد اللي حابب يشتري اي عربيه...........مش ضمن العوامل المهمه في اختيار اي عربيه هيه اسعار قطع الغيار الاصليه............اللي احنا بنسمعه دلوقت ان اسعار قطع غيار الكوري بقت غاليه و مقربه ع الياباني...........و ان الياباني فيه منه اللي اغلي من الالماني........لكن مفيش بيانات سهله و بسيطه و دقيقه و منظمه للمقارنه

انا نفسي نعمل تقسيمه لقطع غيار العربيات ..........مثلا الصيني قدام الكوري قدام الياباني قدام الالماني قدام الفرنساوي و باقي الاوربي......الموضوع ده مهم ..........لان فيه سياسه تسعيريه لوكلاء بتعتمد علي بيع السياره بسعر تنافسي مقابل هامش ربح عالي من قطع الغيار و يانه دوريه غاليه ( و هنا العميل بيتفاجئ بعدين زي البروتون ) او عربيه رخيصه و قطع غيار رخيصه ( زي اللانوس) او عربيه غاليه و قطع غيارها غاليه ( زي الفرنساوي) او عربيه غاليه بس سعر قطع غيارها معقول ( زي السكودا)............انا لما بقوا غاليه او رخيصه.......بتكلم عن مقارنتها بالعربيات اللي في الكاتجوري بتاعها..........علي فكره الانواع اللي انا قلتها انا مصنفها ع السمع بس مفيش حاجه تخلينا نعرف نقارن

اتمني يبقي فيه مكان لمقارنات قطع الغيار..........هتفرق مع ناس كتير........انا منهم