شرح ميكانيكى لعضة المارشيدير فى اللوجان

**hobby10** · 16-04-2010 03:20 AM

شكرا لنقل التجربة

**Egyzizo** · 16-04-2010 03:42 AM

تجاربكم بتقول أن لما كانت القطعة متوفرة كانوا بيرحبوا بتركيبها من أقل إشارة إذن هم مش بيركبوها دلوقتى لأن فعلاً فيه نقص فيها والكمية الموجودة مخليينها للحالات القصوى والمعلومات اللى عندى بتقول ان فيه طلبية كبيرة للقطعة دى فان شاء الله المسألة مسألة وقت.

وبديهى إن الدفعات الحديثة جداً من العربيات اللى بتنزل يكونوا عالجوا فيها العيب ده ، بعد ما ظهر فى الدفعات الأولى وسَمَّع عندهم ، وإلا هيبقوا بيعملوا طبيخ مش عربيات.

علامة الاستفهام اللى عندى هى ازاى شركة بعراقة رينو تسمح بنزول عربيات فيها عيب واضح جداً زى ده .. أنا أقدر أتفهم ان وارد تكون فيه عيوب صناعة فى كل الشركات ، لكن بتبقى عيوب خفية ، زى تسارع عارض مثلاً وحاجات زى دى من اللى مش بتكون باينة ، لكن العيب بتاعنا واضح جداً جداً .. فاذا كانت رينو سمحت به فهذا ذنب كبير ، واذا كان عدى عليها فى اختبارات الجودة فهذا عذر أقبح من ذنب.

أما المخاوف اللى بتخلى الفار يلعب فى عبى ، هى ليه المهندس ماقاليش مباشرة ان فيه قطعة المفروض تركب هنركبها فى الصيانات القادمة لأنها غير متوفرة الآن. يعنى جملة قصيرة كنت أنا أو أى حد هيتفهمها كويس خصوصاً ان العيب ده مش موقف الدنيا وليه حلول تانية مؤقتة.
لكنه بدأ بمحاولة اقناعى ان مافيش عيب ، ولما ضيقت عليه ، قال انه يمكن التغلب عليه بالانتظار 3 ثوانى علشان الزيت خفيف ، ولما ضيقت أكتر ، قال ان فيه قطعة بتركب فعلاً وهنركبها لك فى صيانات قادمة.
الموضوع فيه علامة استفهام ؟؟؟!!!!

**hobby10** · 16-04-2010 06:00 AM

المشاركة الأصلية كتبت بواسطة egyzizo

لكنه بدأ بمحاولة اقناعى ان مافيش عيب ، ولما ضيقت عليه ، قال انه يمكن التغلب عليه بالانتظار 3 ثوانى علشان الزيت خفيف ، ولما ضيقت أكتر ، قال ان فيه قطعة بتركب فعلاً وهنركبها لك فى صيانات قادمة.
الموضوع فيه علامة استفهام ؟؟؟!!!!

بالظبط وهى دى المشكلة وهو ده اللى بيضايق الواحد ...... ربنا معانا

**best2010** · 16-04-2010 11:11 AM

المشاركة الأصلية كتبت بواسطة egyzizo

وهذا يحدث بسرعة فى السيارات الأخرى لأنها تستخدم زيت فتيس عالى الكثافة ، ولكن فى اللوجان يحتاج إلى بعض الوقت (وهو الـ 3 ثوانى التى ينصح بها بعد الضغط على دواسة الدبرياش) لكى يقف تماماً ثم يدور فى الاتجاه العكسى والسبب فى هذا هو ميزة فى اللوجان ، وهى أن زيت الفتيس هو زيت تخليقى غالى الثمن جداً لذلك فإن عمر فتيس اللوجان طويل بالمقارنة بالسيارات الأخرى .. ولكن هذا الزيت منخفض الكثافة ، فلا تستطيع كثافته إيقاف هذا العمود بسرعة ويستلزم الانتظار بعض الوقت حتى يقف بالقصور الذاتى.
وتلك القطعة المسماة قطعة البريك وظيفتها إيقاف العمود مباشرة بعد فصل الحركة بالضغط على دواسة الدبرياش.

.

بصراحة انا شاكك فى حكاية الزيت التخليقى الغالى جداً دية .. لأن سياسة تصنيع اللوجان هى ان تكون سيارة اقتصادية وتباع بسعر رخيص نسبياً .. يعنى كل العربيات الغالية بيستخدموا زيت فيتيس ارخص من اللوجان؟؟!!!!!!
وعلى مستوى رينو زيت الميجان ارخص من اللوجان؟!!!
واللا المشكلة فى الفتيس؟؟؟؟؟
ويا ترى الدفعات الجديدة بيبقى فيها زيت عالى الكثافة (الرخيص) واللا ركبوا بريك ؟