الموضوع: عايزين نسمع أرائكم في إعتمادية الأسكودا أوكتافيا.....

المشاركة الأصلية كتبت بواسطة Eng.M Mahran

ممكن اعرف هى مظلومة من ناحية ايه

دايما تلاقي واحد يقولك الفيكترا b دي برقبتها.واللي يقولك هي عربية كويسة بس جنب الفيكترا b لا حاسب ( كانت عندي و بيعتها والحمدلله إني خلصت منها ) .واللي يعصبك أوي بقي تلاقي واحد يقولك الأوكتافيا a4 دي متعبة في صيانتها وحاجتها غالية علي عكس البورا (( مع إن الإتنين توأم يا ناس و مفيهومش مشاكل )) لو واحد مثلا حطني في وضع مقارنة ما بين الأوكتافيا a4 والفيكترا b طبعا هختار الأوكتافيا..لييه..لأن إيه الحكمة في إني أركب عربية أنا عارف إنها تقفيل مصري ( وما أدراك ما التقفيل المصري ) وأقول للناس وسع للألماني..وأنا قصادي عربية تانية ألماني برده و تقفيل تشيكي ( مهما كان هما أحسن من المصريين ) وكل حته فيها vw,audi,seat,made in germany.إيه الحكمة في إني أركب عربية أنا عارف إن تكييفها إبن تيييييييييييت و في عيب شنيع وهو وجود الخراطيم بجانب شجرة الشكمان. وقصادي عربية تكييفها زي الفل ( مفتري ).وعندك بقي الناس الأفاضل اللي يقولك كماليات الفيكترا أعلي.وده بأمارة عدم وجود شبابيك كهربة في الخلف وكذلك عدم وجود فتحة سقف.ويقولك عندك إنت في الأوكتافيا الشاشة اللي موجودة في الفيكترا (علما بإن الشاشة دي لو سيبت العربية في الشمس يوم هتلاقيها باظت.وطبعا ميعرفش إن الأوكتافيا فيها نفس الشاشة دي بس علي أصغر وموجودة أسفل عداد الـ rbm.وتسمع فجأة إن عوامل الأمان في الفيكترا أعلي ( بأمارة عدم وجود الـ air bag ).وتسمع إن موتور الفيكترا أقوي من الأوكتافيا وبيحقق سرعة أعلي.وأخيرا واحد يقول إن توكيل سكودا وخدمته سيئة ( وهو ربنا مبتليه يا عيني بمنص الجبار ).كلااااااااااااااااام كتيييييير يوضحلك فعلا العربية مظلومة إزاي.