الموضوع: اخلص فيها ولا ايه.....؟

بص يا أستاذ عمر دياب ، ولا كلمة توديك والا كلمة تجيبك ، وأنا شايف أنكم مكبرين الموضوع زيادة عن اللزوم
أولا
كون أن التابلوه نضيف جدا ده مش معناه أنه متغير، لان ببساطة جدا حضرتك لو أشتريت عربية جديدة وحبيت تحافظ عليها هتجيب فرش فرو وتحطه عالتابلوه وهيفضل جديد حتى لو قعد 20 سنة ، ممكن صاحبك ده يكون أشترى العربية وشال الفرش ولمع التابلوه بقى أحسن من الجديد
ثانيا
حتى لو كان التابلوه متغير أصلا(وده أحتمال ضعيف ) ، طلما دواخل العربية سليمة فده مش معناه أن التابلوه أتغير علشان العربية عملت حادثة والا حاجة ( خصوصا وانك بتقول انها فابريكة خوارج كمان )
ثالثا
الكيلو صغير والا كبير ، حقيقى والا ملعوب فيه ، دى مش قضيتنا ، اللى يهمنى لما أشترى العربية هوة حالة الموتور والعفشة والتكييف والحالة العامة للعربية، مش الكيلو القليل والا الكبير ، ياما عربيات ماشية بال 500 الف كيلو وحالتها جديدة ، وعربيات موديل 2009 ومتبهدلة وموتورها خفيف ، يعنى العبرة بنضافة العربية والاستخدام مش بالكيلو القليل
رابعا
بالنسبة للتكييف ، هوة مش محتاج كشف علشان يبان ازا كان كويس والا لا ، محتاج بس أنك تجرب العربية فى الضهر والحر وتشوفه بيسقع والا لا ( مع العلم أن أداء تكييف الأوبل مش قوى زى اليابانى ) بس عموما التكييف لو فيه مشكلة ( بالذات فى الاوبل ) مش هتحس أن فى تكييف شغال أصلا
خامسا وأخيرا
أنا شايف ( وممكن يكون رأيى غلط ) أن العربية مش فيها تناقض والا حاجة ، لأن حالة الصاج (فابريكة جوة وبرة زى ما بتقول) ماشية مع الحالة العامة للعربية ( الكيلو القليل والتابلوه الجديد والموتور السليم والتكييف القوى ) ، لأن ببساطة نادر جدا أن عربية بقالها 12 سنة تفضل بدهان المصنع داخل وخارج الا ازا كانت مشيها قليل وأستعمالها خفيف ونضيف

وشكرا لحسن أستماعكم

العربية دى مش مريحة نفسيا
و الله اعلم

المشاركة الأصلية كتبت بواسطة elshreef_hemo

ثالثا
الكيلو صغير والا كبير ، حقيقى والا ملعوب فيه ، دى مش قضيتنا ، اللى يهمنى لما أشترى العربية هوة حالة الموتور والعفشة والتكييف والحالة العامة للعربية، مش الكيلو القليل والا الكبير ، ياما عربيات ماشية بال 500 الف كيلو وحالتها جديدة ، وعربيات موديل 2009 ومتبهدلة وموتورها خفيف ، يعنى العبرة بنضافة العربية والاستخدام مش بالكيلو القليل

انا معاك فى النقطة ان الفيصل حالة العربية مش العداد بس دة فى حالة ان العداد حقيقى ايا كان قرايتة
انا ماشى بمبدأ اللى يغش فى حاجة يغش فى 10 وبالتالى لما بدأها غش من اولها (باعتبار انة فعلا متغير) يبقى متضمنش اية تانى مغشوش فية
وفى الاخر دة كلة ميمنعش انة لازم يكشف عند حد ثقة وفاهم فى العربية