ما هو وجه استفادتك الشخصيه من الانترنت(استخدامات الانترنت بالنسبالك)

**nabaster** · 15-04-2010 04:31 AM

موضوع خطر علي بالي وانا بتكلم مع واحد صاحبي

ايه استخدامات كل واحد فينا للنت

انا عن نفسي بعتمد عليه اعتماد كلي

في شغلي واساسي جدا (لان ادارتي في مكان مختلف ولازم ابعت واستلم الشغل عن طريق النت)

في كلامي مع ناس قرايبي في دول تانيه(بصفه شبه يوميه يعني يستحيل يحصل لو مفيش نت)

داونلود لملفات باحجام عبيطه وكبيره

في حياتي لو محتاج اي معلومه في اي موضوع يخطر ببالكم بجيبها من النت (بس طبعا مع التاكيد علي مصدرها)

ده طبعا غير الاخبار والذي منه

نقطه كمان صاحبي كلمني فيها

وهيا نقطة اشتراكك الشهري

وهل انتا حاسس انك بتحقق الاستفاده القصوي من الاشتراك ده؟؟

انا كانت اجابتي اني بستفاد باكتر بكتيييييييييييييييييير من اشتراكي الشهري

ولو هيتضاعف لضعفين وتلاته هبقي برضه لسا باستفاد استفاده كامله وقصوي

لو النت فصل عندي ساعه كل حاجه بتتاثر

ومستحيل اقدر استغني عنه يوم

عايز بقي اسمع راي كل واحد فيكم

A.Yakout

**pro_samir** · 15-04-2010 04:48 AM

كل حاجة بقت أونلاين يابوحميد

حتي الحياة الأجتماعية بقدر كبير للأسف

**د.أحمد سمير** · 15-04-2010 05:15 AM

الموضوع ده كان رسالة الماجستير بتاعتي
"استخدامات الجمهور المصري لشبكة الإنترنت "
سجلت الرسالة 1999
وأجيزت 2003
وجاءت في 850 صفحة من القطع المتوسط
وللعلم كانت أول رسالة جامعية يتم تسجيلها في الإنترنت
وبما إن الموضوع كبير
فللأسف مش هاقدر اختصره في مجموعة جمل
تقبلوا خالص مودتي

**Ahmed Nouh** · 15-04-2010 05:37 AM

فى دراستى لأن الجامعه عندى بتعتمد بشكل كبير على الدراسه عند بعد سواء فى التواصل مع الدكاتره او مقررات معينه او تسليم مشاريع و ابحاث وخلافه على النت

فى شغلى سواء كان مع منشورات لأنه اسرع واسهل فى توصيل الشغل او على مواقع على النت شغال عليها

بعتمد عليه بشكل كلى فى شغلى ويعتبر مصدر معلوماتى الاول والاكثر اهميه

وسيله الترفيه الاولى من افلام لبرامج لمسلسلات لصور بجانب الاخبار اليوميه وليه دور كبير فى حياتى الاجتماعيه وعرفت من خلاله فعلا احسن ناس عرفتهم فى حياتى ومن خلاله كونت عده صداقات اعتز بيها جدا

اخيرا فرصه متاحه للتواصل مع اقربائى خارج مصر كل حين واخر وفرصه للتواصل مع اصحابى حين الحاجه ( على فترات متباعده جدا )

بستفيد منه طبعا كل الاستفاده وكام ساعه من غيره أزمه بالنسبه لى وفى اوقات معينه ممكن يبقى كارثه

**haitham_tetsh** · 15-04-2010 06:04 AM

أول مابدأت استخدم النت كان فى الشات على الهوت ميل والياهو وما الى ذلك . وبعد كده استخدمته فى دراستى وكنت بدور على أبحاث معينة وبعد كده توسعت فى استخدام النت فى معرفة كل شيئ يحدث حول العالم من اقتصاد وتكنولوجيا ورياضة وتاريخ مصر والعالم (وعلى فكرة أنا بحب أوى اعرف تاريخ العالم أيام الحرب العالمية الثانية وتاريخ مصر أيضا فى فترة الملك فاروق والريس جمال عبد الناصر لحد العصر الذى نحن فيه الأن وأى شيئ أستفيد منه فى زيادة معلوماتى العامة والدينية وبجد يا جماعة أنا استفد جدا جدا جدا من النت فى أشياء كثيرة كنت أجهلها

**nabaster** · 15-04-2010 11:40 PM

شكر للجميع علي الاهتمام

وعذرا لتاخري في الرد بس ده لظروف شخصيه

المشاركة الأصلية كتبت بواسطة د.أحمد سمير

الموضوع ده كان رسالة الماجستير بتاعتي
"استخدامات الجمهور المصري لشبكة الإنترنت "
سجلت الرسالة 1999
وأجيزت 2003
وجاءت في 850 صفحة من القطع المتوسط
وللعلم كانت أول رسالة جامعية يتم تسجيلها في الإنترنت
وبما إن الموضوع كبير
فللأسف مش هاقدر اختصره في مجموعة جمل
تقبلوا خالص مودتي

شرف ليا كبير يا دكتور تشريفك لموضوعي وياريت لو حضرتك تكلمنا ولو علي جزء صغير من رسالة حضرتك

لان اكيد النت من 10 سنين يختلف عن دلوقت

A.Yakout

**aif** · 16-04-2010 12:02 AM

انا باستخدم النت في كل شيء
ارسال واستقبال كافة شيء يتعلق بالشغل .....
معرفة كل جديد في مجال العمل
البحث عن كل حاجة
بأكلم قرايبي صوت وصورة ( ده اصلا اللي خلاني ادخل عالم النت من كام سنة )
باعرف الاخبار
... بادخل على نايل موتورز ...... طول مانا ع النت
...
لكن بصراحة انا بسبب النت فقدت كتير من علاقاتي الاجتماعية خارج النت
بقيت شبه منطوي وقاعد اكتب واكلم شوية الحديد والبلاستك دول طول الوقت .... هو كدة مش جنون برضه ؟؟؟؟

**ahmed_h_g** · 16-04-2010 12:09 AM

النت مفيد جدا" جدا" للناس اللى بتستخدمه صح .
فى الدراسه وفى كل شئ .

-

-

الموضوع: ما هو وجه استفادتك الشخصيه من الانترنت(استخدامات الانترنت بالنسبالك)

LinkBack

أدوات الموضوع

عرض

ما هو وجه استفادتك الشخصيه من الانترنت(استخدامات الانترنت بالنسبالك) - انشر الموضوع فى :

-

-

-

-

-

-

المواضيع المتشابهه

خبراء الانترنت

بطاقة الانترنت من بنك مصر

شركات الانترنت في مصر

بطء في الانترنت النهارده؟

الكلمات الدلالية لهذا الموضوع

المفضلات

المفضلات

ضوابط المشاركة