الموضوع: الحمد لله جبيت المرايات

الحمد لله جبيت المرايات
الحقيقة انا كنت فاكر سرق المرايا الشمال بس لكن الحقيقة المرة اكتشفتها اول امبارح لما شلت الغطاء ومشيت بالعربية --> المرايا اليمين مسروقة كمان
وبالمقارنة بين الاتنين --> لاقت الموتور مختلف لانى من سنة كدة كان المرابا الشمال اكسرت بالكمال و رحت جبت مرايا كاملة تيوانى
المرايا التيوانى --> لا يوجد لها زجاج يباع لانها بتتلزق فكان الاختيار ياما اجيب واحدة جديدة كاملة تيوانى ب 300 ج او اروح لبتاع الزجاج يحاول يعملها زجاج مناسب ويلزقة فطبعا اخترت الحل التانى و لاقيت بتاع الزجاج طبعا عندة الاسطبة بتاعتها و عملى زجاج مرايا مقعر زى الاصلى تمام ب 40 ج شامل التركيب و كان قالى ممكن زجاج مرايا عادى ب 10 ج لكن مش مقعر بس انا رفضت طبعا
المرايا اليبانى الاصلى --> يوجد لها كف زجاج اصلى ودة مش بتلزق ولكن بيركب بالكبس لكن تمنة غالى قوى 250 ج وبالعافية خدة ب 200 ج بس كانت جديدة ..الراجل طلعها من علبتها قدامى

الملحوظة الاولى --> الغريب ان اول مدخلت شارع دمشق لاقيت كذا بياع متجول فى الشارع بيقولى ---> مرايات ياباشا .. طبعا توقعت انهم يبعوا الحاجات المسروقة لان مافيش محل محترم هيبعت شوية عيال يدللوا على بضاعته و لحب الاستطلاع كنت عايز اعرف فين محلاتهم ورحت مع واحد فيهم للمحل اللى تابعه و قالى 175 المرايا الاصلى بس الحقيقة انا كنت مغلول منهم ومرضتش اشتريها لانى من داخلى كنت مقنع انها مسروقة
الملحوظة التانية --> الراجل بتاع الزجاج قالى احنا ممكن نشيل الموتور بتاع المرايا الاصلى اليبانى ونركب واحد تانى زى التيوانى وطبعا هيبقى صينى فى حدود 100 ج و نعمل بعديها زجاج ب 40 ج وهو قالى كدة هبيقى احسن و ناس كتيرة بتعمل كدة علشان لو اتسرقوا تانى يبقى التكلفة ارخص ( 40 بدلا من 200 للمرايا الواحدة) بس برضة مرضتش لان اكيد الموتور هيبوظ بسرعة مش زى الاصلى طبعا

الخلاصة علشان ان طولت عليكم
1-التكلفة النهائية --> 40+200 = 240
2- محلات كتير عندهم مرايات الماذدا
3- ركنت العربية فى جراج و ريحت بالى و الحمد لله بالرغم ان الجراج 10 دقائق مشى

شكرا ليكم كلكم
وربنا يبعد ولاد ال.... عننا جميعاً