ازيكم .... معلشي اصبرو شويه معايا في الموضوع ده
طبعا انا زي زي الكثيرين من شباب المحروسه نفسي في عربيه بي ام اخر موديل بس مش معايا تمنها
يادوب اللي معايا كورولا ١٩٧٨ - انا بحب العربيه دي جدا و بحب اعدل فيها حجات بادي
فدلوقتي ركبت فيها سنتر و زجاج كهربا (انا اللي ركبتهم بايدي ) وكام اسبوع كده حغير فرش الابواب بفرش نيسان صني ١٩٩٥ اللي فيه زراير الكهربا (لما ركبت الزراير علي الفرش القديم كان شكله وحش اوي )
المهم
في اطار استمرار حمله الترويش علي عربيتي كنت عاوز اغير التابلوه بتاعي علشان شكله كلاسيك اوي بتابلوه هوندا سيفيك ١٩٩٢ (انا بحب الموديل ده جداا اكتر من موديلات السيفيك الاجدد) و كمان التابلوه ده فيه زراير للمرايات الكهربا (في الخطه اني اركبها عندي ) - و فيه فتحات للتكيف كبيره (الفتحات اللي في التابلوه بتاعي صغيره علشان كانت مخصصه للمروحه - و لما ركبت التكيف بقي يطلع منها الهوا مندفع اوي)

بس ياريت حد يكون جرب يعمل الحوار ده قبل كده و يقولي العيوب و المشاكل اللي ممكن تحصل بدل ما ارمي فلوسي في الارض (التابلوه يتهيآلي ممكن يوصله ل ١٠٠٠) خاصه اني انا اللي حركب التابلوه الجديد برضه

و هو انا لما اشتري التابلوه الجديد هل حيجي بالعدادات بتاعته و الزراير بتاعت التابلوه و الكونسوله ؟؟
عرض عربيتي ١٦٣ سم و عرض السيفيك ١٧٠ سم ... يعني فيه ٧ سم فرق في الطول مما حينعكس برضه علي الفرق في التابلوه و بالتالي حطر اقطع بس في الاطراف
الاول اوريلكم صور التابلوه بتاع الموديل بتاعي



كلاسك اوي .... مش كده

اما تابلوه السيفيك







ياريت حد يجاوب علي اسآلتي او حد يكون عمل حركه مشاببه للي عاوز يعمله و ينصحني