الموضوع: لراكبى سيفيك 96 - 00: مقارنة بين السيفيك و الكورى الحديث

الف شكر يا باشا على النصايح االغالية، و ان شاء الله ساعة الشراء هبقى اكلمك للاستشارة :)

سمسم و نبيل باشا و رجالة الهوندا كلهم، انا كلمت صاحب ال vti 97 اللى عاملة 190 الف كيلو و اتفقت معاه اشوفها يوم الجمعة ان شاء الله، بس عايز اخد رأيكو فى سعرها قبل ما اروح اتفرج عليها عشان لو عجبتنى اعرف اتكلم مع صاحبها.. هوا طالب 65 نهائى، هيا فابريكا جوع بالكامل و عربية بيتى كل حاجة فيها original و صالون الفابريكا، و على كلام صاحبها هوا كان لسه صارف عليها 7000 جنيه رش بيهم العربية و غير العفشة كلها و على كلامه برضه ان العربية مش محتاجة اى مصاريف عشان هوا كان شاددها لمزاجه و بعد كده جاتلو فلوس و حابب يغير.. العربية لونها الأصلى كان زيتى و هوا رشها سلفر و ثابتها على الرخصة، و هوا تانى مالك للعربية من الزيرو و الرخصة باسمه..
انا حاسس 65 كتير عليها حتى لو حالتها نضيفة عشان العداد عالى و عشان مغيره لون، 65 ال vti 97 تجيبهم لو فابريكا بالكامل و حالة شاذة ولا ايه، انتو ايه رأيكو؟ يعنى لو العربية عجبتنى و الراجل هاود معايا اتكلم معاه فى كام؟

المشاركة الأصلية كتبت بواسطة houbaz

سمسم و نبيل باشا و رجالة الهوندا كلهم، انا كلمت صاحب ال vti 97 اللى عاملة 190 الف كيلو و اتفقت معاه اشوفها يوم الجمعة ان شاء الله، بس عايز اخد رأيكو فى سعرها قبل ما اروح اتفرج عليها عشان لو عجبتنى اعرف اتكلم مع صاحبها.. هوا طالب 65 نهائى، هيا فابريكا جوع بالكامل و عربية بيتى كل حاجة فيها original و صالون الفابريكا، و على كلام صاحبها هوا كان لسه صارف عليها 7000 جنيه رش بيهم العربية و غير العفشة كلها و على كلامه برضه ان العربية مش محتاجة اى مصاريف عشان هوا كان شاددها لمزاجه و بعد كده جاتلو فلوس و حابب يغير.. العربية لونها الأصلى كان زيتى و هوا رشها سلفر و ثابتها على الرخصة، و هوا تانى مالك للعربية من الزيرو و الرخصة باسمه..
انا حاسس 65 كتير عليها حتى لو حالتها نضيفة عشان العداد عالى و عشان مغيره لون، 65 ال vti 97 تجيبهم لو فابريكا بالكامل و حالة شاذة ولا ايه، انتو ايه رأيكو؟ يعنى لو العربية عجبتنى و الراجل هاود معايا اتكلم معاه فى كام؟

بص يا باشا انا كمان بدور و ماسمعتش ال65000 الف دول فى اى عربيه خالص
حاول تنزلها معاه لاواخر الخمسينات و على اعتبار ان العربيه مش محتاجه اى حاجه

المشاركة الأصلية كتبت بواسطة Kazzaz

انا شايف بال65 ممكن تجيب ياباني موديلات فوق ال 2000 بدل ما تجيب حاجه قديمه و تتعبك ... شوف مثلا السوبارو بس موتورها مش بتاع شد او مثلا اللانسر... و في اختيارات افضل و ده من وجهه نظري

وجهة نظرك تحترم طبعا يا Kazzaz باشا، بس انا بعشق حاجة اسمها هوندا و بفضلها على كل اليابانى، بحب السوبارو جنب الهوندا بس قطع غيارها اغلى و مش ماشية اوى فى البيع فى مصر..