الموضوع: لراكبى سيفيك 96 - 00: مقارنة بين السيفيك و الكورى الحديث

المشاركة الأصلية كتبت بواسطة m_nabil

هو سعر الحالات النظيفة اعتقد يبدأ من 58 و 60 ألف بس لو هتجيب حاجه نظيفة وهتدفع فيها زيادة شويه ليك مانصحكش تبيعها بعد فترة قريبة خصوصاً بعد ماتكون صرفت عليها عشان أكيد مش هتجيب اللى دفعته يعنى لو ناوى تخليها معك لمدة كذا سنه يبقى تمام وفي الأخر سعرها هيكون موقعش كثير لو حبيت تبيع، ولو ربنا كرمك بحالة كويسة هتحس انك راكب عربية موديل حديث ومش هتفكر تبيعها غير لو هتركب زيرو مثلاً وبالتوفيق يا باشا

كلام جميل كلام معقول مقدرش اقول عليه حاجة :) متشكر اوى يا باشا على تعبك معايا، و ان شاء الله لما اشوف العربية اجى احكيلكم على التجربة و ربنا يكرم..

المشاركة الأصلية كتبت بواسطة kazzaz

و انا مش قصدي اقولك علي السوبارو علي فكره ابدا ... انا بقولك في حاحاجات كثير في حدودالمبلغ ده يعني فتح شويه جال البحث ممكن تلاقيي حاجه افضل .. ( علي فكره انا كنت اول ما فكرت اركب كنت بفكر في السيفيك 92 الي ان استقريت علي السوبارو بعد بحث )

يا باشا هوا انا اطول اركب سوبارو :) متشكر لاهتمامك و فعلا لو ما لقيتش هوندا حالتها نضيفة و فى نفس الوقت سعرها معقول هفتح مجال البحث..

سؤال فنى يا رجالة، ال vtec اللى فى موديل ال vti بيفتح عند كام لفة.. و هل بيفرق فى سحب العربية زى ال SiR؟ يعنى العربية بتتحول ولا مش اوى كده، واحد صاحبى كان بيقولى كأنه SiR صغير :)
و ياريت لو حد عارف كود الموتور يقول، عشان على النت فى كذا كود و مواصفتهم قريبة من بعد زى d16z7 و d16y8 و انا معرفش اللى بتنزل مصر بتنزل بايه فيهم..

بعد ما دورت على النت، لقيت ال vtec بيفتح على 5500 rpm، و هو فعلا baby SiR :)