الموضوع: أحذروا من عمرو خالد ... مهم جدا" جدا

معلش ليا اضافه تانيه ....انا مش مغرمه اوي باي حد من الدعاه الجدد
لا عمرو خالد ولا محمد حسان ولا وجدي غنيم
انا قديمه شويه لما احب اجيب معلوماتي بجيبها من اللي طول عمره درس فقه وسنه وشريعه
مشايخ ازهريه بجد
بس الحق يقال لكل واحد منهم طريقه علرفت تجتذب فئه معينه
ولهم جزيل الشكر

حاجه اخيره احب اضيفها
في طرق الدعوه هناك اسلوبين الترغيب والترهيب
الترغيب ....دائما ياتي مع الناس مرهفه الحس ...لما تحب تجذبها للاسلام تكلمها اكتر عن مشاعر الرسول
زي موضوع الطائف ...اللي اثار كل هذه المشكله
قد ايه الرسول واجه موقف صعب عدائي لا يتحمله اي انسان ويقوم منه.........
والدعاء الرائع اللي كلنا بنردده في اشد حالتنا ضيق....موقف انساني
لرجل رائع ....وفي نفس الوقت هو موقف دنيوي نقدر نستفيد منه
ان فشل خطوه علي الطريق ليس معناها اني الف والرجع
لا .....اتوقف واراجع حساباتي ...ثم اكمل الطريق بقوه اكبر
.......................
الكلمه اللي ضايقت ناس كتيير انا اعرف ناس برضه كتير اثر فيهم الموقف ده جدا.....وحست بقرب وحب شديد للرسول اكتر
لانهم كانو دايما بيعتبرو الرسول عليه الصلاه والسلام حياته حاجه مقدسه جدا وفي نفس الوقت لا يشعرون به
لما سمعو الموقف ده ..........واحده قالتلي بجد تخيلت الموقف وتخيلت الرسول وبكت بشده .........ياه تعبت قوي كده علشاني وانا ما بحاولش اعمل حاجه وعند اي موقف تضيق الارض عليا
................
لو الكلام باسلوبه اثر في 10 اشخاص بس زيها
يبقي ربنا يبارك فيه
.......................
اما الترهيب للي قلبهم جامد شويه من الاخر لازم تخوفهم علشان قلبه يوجعه........وكان مشهور ان فيه حكايات كتيره قوي ....ليس لها اي اساس من الصحه ...لكن هناك دعاه ابتكروها كاسلوب دعوه
من ضمنهم حكايات كثيره عن عذاب القبر والبرزخ لو دورت وراء نصفها لن تجد اساس لها
ومع ذلك اقر العلماء هذا الاساليب التي لا تدخل في العقيده ولكنها تتدخل في نفسيه الاشخاص والبشر اللي يعزو قاعدة الحكاوي زي عنيهم

من الاخر لا تنصبو انفسكم مشايخ استمع لمن تحبه ولكن شغل عقلك
وقلبك ....ودور علي صحه المعلومه
وهدانا الله ايانا واياكم

جزاك الله خيرا يا استاذة ايناس....
هدوء,,منطق...
مشكورة....


تحياتى.....

المشاركة الأصلية كتبت بواسطة dr ahmed abdelghany

يارجالة إسمحوا لى أقول رأيى

عمرو خالد زى الجراح اللى على قد حاله واللى عمل عمليات لناس كتير وشفاها الله لكنه أوقع نفسه فى عمليات لا يحيط بها علما فأضر بأصحابها فأثار ذلك كبار الجراحين فحذروا الناس من جراحاته.
.

انا مش فاهم الحقيقية اية علاقة الجراحين بالدعوة اللى الله ..و لا دى محاولة ذكية لتشتيت الحوار ...؟ّّ!!!

احب اقولك حاجة انا بقى اتعلمتها من شيخى الكبير فعلا ..قال مافيش حد يقدر يتكلم فى "قال الله و قال رسول الله" الا باذن من الله ...بمعنى ان التوفيق فى الدعوة اللى الله دى اختيار من الله ..و اللى بيوفق لانجاز هذا الامر دة بيكون باختيار من الله ..مش شطارة من العبد ...اعوى تفتكر ان عمر خالد كان حيصل لقلوب الناس من كل الاعمار إلا بأذن من الله ....

الله هو اللى بيختار من يتكلم عنة و عن رسلة .. و هو اللى بيوفق و هو اللى بحبب القلوب لكلامة و علمة ...لو كان عمر خالد ضال مضل كما يدعى البعض كان انتهى من زمان و لم يلتف احد الية...

و الجراحين الافاضل اللى بيهجمو عمر خالد افضل ليهم انهم يعرفو ان الله هو اللى بيختار و هو اللى بيقيم الناس فى المقمات اللى بيقدرها ليهم ..كلها ارزاق الله بيوزعها على عبادة ...و العلم و الوصول للناس و حب الناس دة كلها ارزاق الله هو اللى بيوهبها لعبادة مش شطارة منهم او من غيرهم ..

و الله لم ينصب احد الجراحين اوصياء على الجراحين الاخرين و اوصياء على طريقتهم فى العلاج ..
و الناس مش سزاج ولا ناقصى اهلية عشان يكون فى اوصياء عليهم ..و اظن يعنى منطقى لو كان بعض الناس تضررو من احد هذة الجرحات كانت النتيجة ان هذا الجراح حينتهى من تلقاء نفسة ..انما انة يحقق نجاح تلو الاخر اعتقد دة عكس منطق الجراحين اللى بتقولة ...

لماذا لم نسمع الشيخ القرضاوى يهاجم عمر خالد ..لماذا لم نسمع الشيخ على جمعة يهاجم عمر خالد و غيرهم الكثير من العلماء الكبار الذين لا يظهرون فى قناة الرحمة او قناة الناس .. ولا هؤلاء علمهم اقل من انه يكتشف الاخطاء المزعومة والجرحات الخاطئة فى طب عمر خالد ...!!!!

هناك مثل صينى جميل بيقولك " الشجرة المثمرة هى من تقزف بالحجارة "و لو كان عمر خالد غير مؤثر و غير مثمر لما التفت لة هؤلاء الشيوخ او عبرو باى اتهمات او اخطاء مزعومة ..انما هى ضريبة النجاح اللى عمر خالد عارف انه لازم يتحملها راضيا و هو دة دائما مصير الناجحين و المتفوقين فى كل مجال ..لان حزب اعداء النجاح لا يكل ولا يمل حتى فى مجال الدعوة اللى الله ..

حلو اوى كلام بعض الاخوة اللى عمالين يقولوا ( فئة بتسمع عمرو خالد ) و بيكرروها كتير .

من غير تعليق كل واحد يسمع اللى يعجبه و محدش يتاثر بكلام المشككين .

الرجل ده رجل ايجابي و عايز يعمل حاجات كتيرة للشباب و للاسف الكلام ده مبيعجبش بعض الناس اللى مش عايز اوصفهم علشان محدش يزعل .

انا شاركت فى كذا حملة عملها عمرو خالد و باذن الله اشارك و اعمل اللى اقدر عليه .

و هبقي اقوله يطخن صوته ان شاء الله علشان يعجبكم .