الموضوع: أحذروا من عمرو خالد ... مهم جدا" جدا

المشاركة الأصلية كتبت بواسطة wawoo

انا الحقيقية مش فاهم فين الاخطاء الفاحشة اللى حضرتك بتتكلم عليها دى .."ياريت قولى على خطاء واحد بس"

انا كنت اتمنى من العلاماء "الكبار" اللى حضرتك بتتكلم عنهم دول انهم يهتمو باخطاءهم " وهى كثيرة " قبل ما يتصيدو الاخطاء "الوهيمة " للاخرين ..

و السبب فى ذلك السبب واضح و هو ان عمر خالد قد نجح فى ما فشل فية هؤلاء العلاماء الكبار ..و هو انة يخاطب الشباب باللغة اللى يفهمها و يستوعبها ...

يبقى كان من باب اولى ان هؤلاء العلماء انهم بدل ما يهتمو بتصيدو الاخطاء "الوهيمية" انهم يدرسو طريقة عمر خالد و يحولو يجددو خطابهم الدينى و يطورو اسلوبهم بدل ما تدفهم الغيرة من نجاحة و تفوقة على انهم يركزو جهدهم لتلفيق و اختراع اخطاء لمجرد تشوية عمل و علم عمر خالد و تشكيك فى نجاحة و تفوقة باختراع اخطاء ليس لها اى اساسا من الصحة ..

لكن الحمد لله ان عمر خالد لم يلتفت لمثل هذا و هو فى تفوق مستمر بفضل الله...و فى نجاح مستمر عام بعد عام و برنامجة شهير كل عام فى رمضان يتابعة الملايين من المشاهدين و هو لم يتحقق لاى داعية من هؤلاء الكبار اللى ذكرتهم ..

سيستمر عمر خالد ان شاء الله فى طريق الدعوة اللى الله رغم كل شىء ...و الله لم ينصب هؤلاء العلاماء مصححون لغيرهم و لم ينصبهم اوصياء على الاسلام ..لكى يصححو و يتصيدو كلمات غيرهم ممن يعمل فى الدعوة اللى الله....

.و كل واحد حر فى النهاية انة يسمع اللى يعجبة ..انما اننا نهاجم من وفقة الله لدعوة للاسلام هذا و نفتعل اخطاء و اقاويل بدافع الغيرة و ما شبها من دوافع ..اعتقد حيكون لة مسائلة من الله يوم الحساب .

حضرتك اما يقول على ان الرسالة كان فيها فشل ..... ده مش سوء ادب؟

اما يتكلم بدون احترام و لا تبجيل على سيدنا موسى و زوجته و ابوها اللي هو نبي و زوجة نبي و في نفس الوقت ابنة نبي ..... ده مش مصيبة سودة؟

اما يحط بوسترات صناع الحياة فيها بنات بدون حجاب ..... ده مش دعوة للسفور؟

اما بنت تقول له انا مش محجبة يقول لها مش مهم بس ما تلبسيش ضيق .... ده مش بيحلل حرام؟

اما يروح الدنمارك بدون ما حد يدعوه و بدون اتفاق في عز الازمة و هما اللي غلطانين في سيدنا الرسول عليه الصلاة و السلام .... ده مش حب للشهرة و خلاص؟

اما شيوخ افاضل زي وجدي غنيم نصحوه في السر مرة و اتنين و عشرة و هو طنش و صهين ...... ده مش غلط؟

يا جماعة ...... الغاية لا تبرر الوسيلة نهائيا ..... مفيش حاجة اسمها عشان هدى ناس كتير يبقى قشطة

و بعدين من فضلكم كفاية بقى الاسطوانة المشروخة بتاعة الشيوخ غيرانة منه فبتقول كده

الشيوخ بتتكلم بأدلة ...... و انا مش شايف بصراحة انه على حق ......

المشاركة الأصلية كتبت بواسطة wawoo

انا رايى انك تتقى الله فى الاتهام اللى نسبتة لاستاذ عمر خالد و تستغفر الله عن هذا الاتهام الظالم ...

لو كان عمر خالد "ضال و مضل " كما تدعى و تقول ..

- لما سمحت لة السلطات فى المملكة العربية السعودية بتصوير 30 حلقة من امام الحرم المكى "فى شهر رمضان "..
- لما سمحت لة السلطات فى المملكة العربية السعودية بتصوير 30 حلقة من امام الحرم النبوى "فى شهر رمضان " ايضا ..
- لما سمحتة لة باقتراب من غار حراء او التصوير من جبل احد و جبل عرفات ....

- لو كان كما تقول وتدعى ظلما و بهتانا ..لما قام كبار شيوخ السعودية بدعوة عمر خالد للمشاركة فى غسيل الكعبة المشرفة ..

(مش غريبة ان اهل و شيوخ السعودية الكبار يستقبلوة هذا الاستقبال و يوفرو لة هذة الفرص فى الوقت الذى يقوم فية كبارعلماء مصر " اهل بلدة " كما تدعى بالهجوم علية و تلفيق الاخطاء و الاتهامت ) ..

اتقو الله فيما تكتبون و تقولون ...

شكرا على النصيحة بس على فكرة للمرة المليون احب اقول ان عمرو خالد لا رسول و لا نبي و لا منزل من السماء و لا مبعوث من الله و لا حتى عالم عشان يبقى ما ينفعش نتهمه و ننتقده

و اتهاماتي مبنية على ادلة واضحة و هي الكلام المتخلف عقليا اللي هو قاله بلسانه و موجود في فيديوهات بصوته و صورته

و سلم لي على السلطات السعودية اللي سمحت للوليد يبني سينيمات في السعودية و رفدت علماء مسلمين افاضل من هيئة العلماء عشان اعترضوا على الجامعة المختلطة اللي الملك بيعملها !!!!!!! السلطات السعودية ماهياش برضه منزلة من السماء يا جماعة !!!!!!!!!

المشاركة الأصلية كتبت بواسطة pro_samir

بصراحة مش عارف اقولك اية بس دة أكتر رد صدمني في الموضوع كلة

ويا ريت تفكر في معني الكلام قبل ما تقولة وتشوفة هيتفهم علي مين

بالظبط ...... لحوم العلماء مسمومة يا جماعة ....... انا بصراحة مسكت نفسي عن التعليق بس واضح ان الناس كمان خدت بالها

اما حضرتك تقول الكلاب تعوي ...... حتى لو انا و غيري من معارضي عمرو خالد قبلنا نتوصف بالكلاب فاحنا مش هنقبل ابدا ان شيوخ افاضل زي محمد حسان و وجدي غنيم و ابو اسحق الحويني يتقال عليهم كلاب .......