الموضوع: استكمالا لموضوع تركيب فلتر هواء اسبور للسيريون (للمهتمين يعني )

المشاركة الأصلية كتبت بواسطة XXXMEMOXXX

طيب تمام ,,فهمت حضرتك
بس في سؤال,,
ليه الشركات بتنزل فلاتر سبور وبتنزل برضو فلاتر استوك مادام دي ودي مش محتاجه تظبيط ؟؟
عشان كده ان فاهم ان الفلتر الاسبور محتاج تظبيط مع تركبيه ,, واللي عايز فلتر من غير تظبيط يركب الاستوك بتاعه.
لو ان فاهم النقطه دي غلط , ياريت توضحها , لو مافيش ازعاج
تحياتي

ياباشا فيه ناس مش عاوزه تلعب في العربيه وتشيل وتركب ومش عايزه الصوت الرياضي بتاع الفلتر الرياضي

ولكن عايزين خامه نضيفت تتحمل وتعيش
فلاناس دي الشركات نزلتلها ال الفلتر زي الاستوك(replacement filter) يعني نفس الشكل بالظبط يركب مكان الاصلي بدون فك وتركيب ومواسير وده بيكون لكل عربيه الفلتر بتاعها يعني بتاع السيريون مثلا ميركبش على الكورولا او لانسر لانه نازل للسيريون
لكن طبعا مبيديش صوت واعتقد اداءه اقل من اداء الفلاتر التانيه الاسبور الفرق عن الاصلي انه خامته انضف ومش بيحتاج يتغير لانه بيتنضف ويتغسل ويتركب تاني

اما بقه الناس اللي عايزين اداء وصوت رياضي جامد ومش مشكله عندهم انهم يشيلو العمه والكلام الفاضي ده
فالشركات نزلت لهم الفلتر الاسبور )universal(
وده بقه بيدي صوت جامد عند الحرق وكمان بيظبط الاداء شويه نوعا ما يعني وده بيركب على كل العربيات عشان كده اسمه يونيفرسال يعني يركب على اي حاجه
وده صوت واداء وكمان مش بيتغير وبيتنضف ويركب تاني