الموضوع: اسعار قطع غيار سكودا فيفوريت

المراية الواحدة 100 جنية

انا اشتريت الحاجات دية من عند
عمرو وامجد سكودا
15 ش عبد العزيز المنوفي- فيصل- امام مدرسة الصنايع الثانوية
ت/ 37812913
وعندك برضة محلين في شارع المرور بين السرايات (ابو الحسن والتاني اسمة الصياد)

المشاركة الأصلية كتبت بواسطة hamahomo

انا كنت عملت عمرة في عربيتي اسكودا فيفوريت وعرفت اسعار حاجات في العربية وقولت لازم افيد بيها اخواني في المنتدى
6-فلتر زيت.............................15جنية
الاصلى..وللا ايه دانا شاريه ب 35 مكتوب عليه سكودا
19- طقم سير كتينة.....................80 جنية
هوا بيتغير كل اد ايه !!!
20- فلتر هواء.........................20جنية
عربيتى فيها حاجه غريبه جدا..ولاا فيها غطاء كربراتير ولا فلتر
21- فلتر كربراتير......................15 جنية
معلش برضو..معنديش..هوا ايه فايدته!!!
22- ردياتير............................140 جنية
هوا دا الومنيوم وللا نحاس..صينى طبعا!!
23- سلك كيلومتر(العداد).................30 جنية
طب انا عندى الحرارة ما بقتش بتشتغل رغم ان الثرموستات جديد!!!
27-غطا قربة مية........................20جنية
ايه الاسعار دى..دا الاصلى ب 80 جنيه!!
28- سير دينامو وتكييف..................27جنية
هوا انتا مركب تكييف..عامله ايه معاك..بتسخن!!
29- وش فانوس خلفي مصري.............10جنية
30- وش فانوس خلفي تشيكي..............25 جنية
هل فيه وش شفاف!!!
31- فانوس كامل صيني..................45جنية
32- مراية جانبية صيني (الواحدة)................115 جنية
33- مساعدين الشنطة (رفع باب الشنطة).........65 جنية
طقم وللا الواحده!!!

معلش دي اول مشاركة ليا وعذرا لسوء التنسيق[img]file:///c:/docume%7e1/family/locals%7e1/temp/moz-screenshot.png[/img][img]file:///c:/docume%7e1/family/locals%7e1/temp/moz-screenshot-1.png[/img]

فى النهاية معلش اعذرنى لسه جديد فى العربيات ومعرفش اى حاجه عنها..وعلى فكرة انا بتعامل مع سيد صلاح فى التوفيقية..بس اسعاره غاليه..او يمكن بيستكردنى انا بس..مش عارف

بص يا سيدي الفاضل
فلتر الزيت 15 جنية صيني وانا بغيرةمع كل تغيرة زيت
سير الكاتينة صيني ماركة فيكا وعموما السيردةجنزير فمش بيتغير زي باقي العربيات التانية انا كنت مغيرة لانة كانصوتة عالي لما باجي ادورالعربية والميكانيكي قالي محتاج يتغير
لازم يكون في غطا كربراتير
ردياتير صيني الومنيوم فرق بصراحة في الحرارة لانة بيبرد بسرعة والعربية مبقتش بتسخن وتركب ترموستات الفيات
مؤشر الحرارة مش شغال شوف حد بتاع عدادات اوكهربائي مش حقدر افيدك اكترمن كدة
غطا قربةالمية 20 جنية القربة نفسها الاصلي 90 والصيني فيكا 35 جنية
انا شاريها فيها تكييف بس مش مشغلة لانة عايز شحن ونفس الوقت مش حيكون مفيد وحمل على الموتور على الفاضي الموتور 1300 سي سي
مش عارف في وش شفاف للفانوس ولا لاء
مساعدين الشنطة الجوز (طقم) 65 جنية
كل الحاجات اللي اشترتها في العمرةمن عند عمرو امجد اسكودا في اول فيصل والراجل عندة ضمير وسعرة كويس وعندك كمان ابو الحسن في بين السريات

السلام عليكم ربنا بياركلك فيها
انا برده بتعاملمع ابو الحسن راجل كويس

المشاركة الأصلية كتبت بواسطة hamahomo

بص يا سيدي الفاضل
فلتر الزيت 15 جنية صيني وانا بغيرةمع كل تغيرة زيت
طب وبتستعمل زيت ايه وكل اد ايه !!!
انا شاريها فيها تكييف بس مش مشغلة لانة عايز شحن ونفس الوقت مش حيكون مفيد وحمل على الموتور على الفاضي الموتور 1300 سي سي
بس على حد علمى ما نزلتش فيفوريت بتكييف خالص..اكيد اللى انت شاريها منه مركبه عمولة ؟..طب انا ما بجريش يعنى حلمى انى اجيب 90 وانا سايق..برضو هايبئا التكييف حمل !!..طب لو ركبت rpm هايفيدنى اعرف لو فيه حمل عالموتور وللا لأ!!!
مش عارف في وش شفاف للفانوس ولا لاء
طب انا لو لقيت عند الاهرام لمنتجات البلاستيك اللى فى التوفيقية..برضو اسمع ان لازم الوش الاصفر اصفر..الاحمر احمر..والا فيها مخالفة او سحب رخص..ايه مدى صحة الكلام ده!!!
مساعدين الشنطة الجوز (طقم) 65 جنية
شفت واحد اجنبى مركب فى الكبوت زيهم..شكلهم تحفة بس مش عارف اتعملت ازاى
كل الحاجات اللي اشترتها في العمرةمن عند عمرو امجد اسكودا في اول فيصل والراجل عندة ضمير وسعرة كويس وعندك كمان ابو الحسن في بين السريات
ابو الحسن ده..غير الصياد اللى فى شارع المرور اما باب تجارة!!!

ويبرضو معلش اعذرنى على الاطالة والاسئلة الكتير لأنى زى ما قلت لك ماليش فى العربيات قبل كده

اولا الف مبروك على العمرة و ربنا يبارلك فيها
لكن انا ليا وجهه نظر اخرى و هى ليه بدلا من المصاريف ديه كنت تجيب مكنة استيراد و تريح دماغك و المكنة القديمه تخليها عندكم كقطع غيار فى المستقبل

ثانيا انا عاوز استفسر منك على ماتور مياه ( الصغير ر) بتاع رشاشات مياه الزجاج كم سعره هل هو غالى ام رخيص

ثالثا انا عاوز اقلك انه فعلا سير الكتينه عندنا فى الفيوفرت حديد لكن مع الوقت اول لما يعمل صوت لازم يتغير لانه ببساطة السير ده بيترخى و بيحك فى وش التقسيمه ( عن تجربة و انا بعمل طقم شنبر و تغيير الكتينه من حوالى 3 شهور ) ، و طبعا ده احسن من سير الكتينه الكاوتش زى اللى فى السيارات الكورى زى الدايو مثلا
لانه اول لما يتقطع بيبهدل الدنيا

لكن انا بعتب عليك نيابه عن السيارة انك مجبتش الكتينه الالمانى ليها ليه ؟ سيبك من الكورى و الصينى
و خلى بالك ان فيكا ديه صينى ( و ان كانت من الدرجه الاولى ) فهى فى الاول و الاخر صينى و انا ليا موضوع فى المنتدى بعنوان احذر قطع غيار فيكا

و انا اسف على التطويل عليك