الموضوع: الخفايا المبهمه و دليل نجوم الرمرمه, فاست فود نايل موتورز!!!

انا بما اني عايش لواحدي اكتر من 8 سنين دلوقتي
فا اكلي كلة من برة وياما الواحد رمرم عند ناس اشكالها اصلا تخليك تجيب كل ال كنت بتفكر تطلبة قبل ما تطلبة ومع ذالك برضوا بتطلبة . ما علينا , افتكر مرة كنا بناكل دايما عند كبابجي في شبرا الساحل تحت بيت صاحبي علي طول, كل يومين تلاتة نضرب من عندة كباب وكفتة. اخر مرة كنا طالبين مشكل ومستنين يخلص وفي ثواني حصلت كبسة علي المحل بنسئل في اية طلع الباشا بيبيع لحمة كلاب . ساعتها كل واحد فينا كان في ايدة ساندوتش كفتة اصطباحة من صاحب المحل علشان احنا زباينة يعني كملنا اكل عادي جدا ومشينا نهوهو في الشارع وكل ال كان بياكل من عندة (الشارع كلة اصل كيلو الكفتة كان ب 25ج) يرد علينا ال هوهوة هههههههههه. كان يوم مسخرة بصراحة.

المهم يعني ال عايز اقولة ان اكل الرمرمة دا مش حاجة الواحد يفتخر بيها والله . الاكل دا بيبهدل الواحد صحيا وبيجيب امراض كتيرة جدا ربنا يحفظنا منها .