الموضوع: الخفايا المبهمه و دليل نجوم الرمرمه, فاست فود نايل موتورز!!!

المشاركة الأصلية كتبت بواسطة shnory

الف سلامه عليك يا ابو موجه
شفاك الله وعافاك
بس ايه يبني دا كله انت لسه صغير
بس سؤال يطرح نفسه
انت كنت تعبان قبل ما تاكل ولا الاكل هو اللي تعبك ؟؟؟؟؟؟؟؟؟؟؟؟؟
يعني انت اصلا كان عندك السكر ولا الاكل هو اللي جابهولك ؟؟؟؟؟؟؟؟؟
علشان انا شايف انك بتثني الناس عن جهودهم في مجال الرمرمه
ودا انا ناوي اجي قريب علشان ارمرم عندكم
وكما قال حكيم الطفاسه في يوم من الايام :
منعني الطبيب من تناول المسبك والمحبش لاشتباه في تصلب شرايين قلبي
فاين هي الحياه بعيدا عن قرون الباميه الخضراء وهي تسبح من الاسماك في بحر من السمن البلدي
وترقد بين ثنايا التسبيكه
وما يتبعها من قرون فلفل خضراء حراقه او خياره مخلله
-----
فالاموت ودمائي محقونه بالسمن البلدي والبط المحمر يجلس علي قلبي وسط شرائح الروستو
وستكون ميتته عظيمه وبامر من الله
ولا اني اموت بحسرتي وانا غارق في المسلوق والسوتيه
===================================
فالنصيحه يا اخ موجه
ان الاكل مش حيقتل حد
والواحد ياكل اللي في نفسه
العمر واحد والرب واحد
وانا احتمال كبير اجيلكم يوم الخميس
جهزوا قايمه الرمرمه بقي

والله ياشنر ياخويا انا كان عندي السكر الأول وده كان بسبب مؤمن بس كان تحت السيطره

بس لما أصدقاء السوق جروا رجلي لبيبو وشكل وملك الكبده وغيرهم

أصبحت مدمن للمحلات دية ولازم كل اسبوع أزورها 3 مرات

وأدي النتيجه اللي وصلتلها لأن تقريبا دواء السكر فقد مفعوله

جنب الأكلات دية ومبقاش يجيب نتيجه لأن الأكلات دية سرها باتع ومبيحوئش فيها حاجه

وبعدين بطل تجري ريقي حرام عليك انا مهري مسلوق وعيش سن

وجبنه قريش وحاسس اني لما باكل الحاجات دية اني بشرب ميه وباكل بقسماط

ونفسي في أكله من الأكلات دية أو اللي انتم هاتكلوها يوم الخميس بالهنا والشفا

وكان نفسي أكون معاكم بس مجبر أخاك لابطل لأني لو جيت

هقعد اتفرج عليكم ودموعي بتنزل غير اني عندي أعادة كشف

وهكون صايم 12 ساعه علشان تحليل الدهون الثلاثيه

هتنورنا وتشرفنا ياشنر والله وابقي رمرملي معاك بالنيابه عني