الصيد فى مارينا

**hany_mohamed** · 16-04-2010 12:43 AM

ان شاء الله بكرة الجمعة سأذهب مع مجموعة من الاصدقاء لرحلة صيد فى مارينا و سنذهب بسيارتين علشان الامان وبنصطاد من أحد الالسنة اللى على الشاطىء والممتدة داخل البحر
و طبعا دى مش اول مرة أحيانا بيكون الخير وفير والسمك ما شاء الله طعم حكاية
واحيانا بنرجع فاضيين على بياعين السمك اللى فى المكس
واهو برضه بيكون سمك كويس
مش عارف يا ترى فيه حد فى المنتدى بيحب الصيد وبيطلع رحلات صيد

**hany_mohamed** · 17-04-2010 12:29 PM

المشاركة الأصلية كتبت بواسطة hany_mohamed

ان شاء الله بكرة الجمعة سأذهب مع مجموعة من الاصدقاء لرحلة صيد فى مارينا و سنذهب بسيارتين علشان الامان وبنصطاد من أحد الالسنة اللى على الشاطىء والممتدة داخل البحر
و طبعا دى مش اول مرة أحيانا بيكون الخير وفير والسمك ما شاء الله طعم حكاية
واحيانا بنرجع فاضيين على بياعين السمك اللى فى المكس

واهو برضه بيكون سمك كويس
مش عارف يا ترى فيه حد فى المنتدى بيحب الصيد وبيطلع رحلات صيد

الرحلة كانت تمام والسمك كان بطاطا و مرمار
بس هو مفيش حد هنا ليه فى صيد السمك والا كله أكيله بس ؟

**hany_mohamed** · 17-04-2010 01:37 PM

المشاركة الأصلية كتبت بواسطة mmffor

متعملنا عزومه في مارينا دي نعرف شكلها ايه!

بقولك ايه . هوا سمك البطاطا ده شكله ايه؟

يا باشا تنور استنى بس المحلات و باقى الانشطة تشتغل فى مارينا و نعمل عزومة محترمة

سمك البطاطا (أو الصافى عند أهل الخليج )
يتميز بعدم وجود قشور و حجمة اصغر شوية من بلطى النيل ومشهور جدا فى اسكندرية لان طعمه ممتاز خاصة اذا طهى بالزيت والليمون .... مش عارف شنورى عامل حسابه علية فى مقابلة الجمعة القادمة ام لا ... وان ماكنش اصبر لما تشرفنا فى مارينا و هنجهزلك مما لذ وطاب

**ZALABANY** · 17-04-2010 02:52 PM

والله ياباشا انا قعدت اصطاد فتره طويله وعندي مكنه فعلا بس بقالي فتره مبطل عشان اتجوزت وغيرت محل اقامتى وطبعا سيبت الشله اللي كنت بطلع معاهم

**the-hero** · 17-04-2010 03:34 PM

احلى حاجة موضوع الصيد ده حتو لو مفيش سمك بس بيبقي فيه منافسة والحياة لذيذة

أخر مر كنا بنصطاد كان بليل والعملية ظلمة كحل واتنين معاهم سنانير حدافات وانا معاية العادية بالفسفور بتاع الليل ده وكنا بنصطاد من ترعة كبيرة اوى عندنا فى الشرقية بيقولوا عليها البحر
فعملت نفسى ابوعلى وخت الكرسي ونزلت تحت جمب المية وهما من فوق وعمالين يحدفوا بقي وكدا
وانا قاعد لوحدى والفران عمالة تتحرك حولية وخرفشة وظلمة وشغل فلم رعب بس انا مبيهمنيش
فجاه الاقى حاجة جاية من وسط البحر وبتقرب علية وانا مش مصدق ههههههههههههههههههه وبقول ده انعكاس ضوء العربيات من بعيد وفضلت تقرب تقرب وانا ابرق واركز .قولت لأ ده بجد ورجعت ورا واتخضيت ههههههههههههههههههههههههه ههه

اتارى واحد من اللى فوق سنارتة شبكت فى كيش نيلون كبير ابيض وهو عما يسحب براحة فاكرها سمكة

وكنا هنموت من الضحك

**hany_mohamed** · 17-04-2010 07:56 PM

المشاركة الأصلية كتبت بواسطة zalabany

والله ياباشا انا قعدت اصطاد فتره طويله وعندي مكنه فعلا بس بقالي فتره مبطل عشان اتجوزت وغيرت محل اقامتى وطبعا سيبت الشله اللي كنت بطلع معاهم

والله على رأيك الجواز بينهى على انشطة كتييييير كان الواحد بيقوم بيها و منها الرياضة سواء كرة قدم او غيره ... بس بعد الاولاد ما تكبر شوية والجواز يستقر الواحد بيخطف لنفسه شوية وقت كدة

**hany_mohamed** · 17-04-2010 08:05 PM

المشاركة الأصلية كتبت بواسطة mmffor

حبيب قلبي دا انت راجل قمه في الاحترام ! انا اعرف الصافي علشان كنت في الامارات و فعلا سمك في اللزيز بس انا من سكان القاهره فمليش في السمك اوي زي بتوع وجه بحري يعني اخري بلطي بوري قشر بياض قراميط سلمون تونه سردين كابوريا جمبري سبيط

يا باشا انا اتشرف بمعرفتك و شرفنا بس فى اسكندرية وان شاء الله هنغير فكرتك عن الاسماك خالص وخاصة السمك الحر (( يعنى مش بتاع المزارع))
يا ترى هتحضر عيد ميلاد المنتدى فى اسكندرية ؟؟