جالي جواب الضرائب العقارية ...نفدت المره دي !!!

**abogogo** · 16-04-2010 01:15 AM

جالي جواب من الضرائب العقارية بيقول ان هيعفوني من الضرائب العقارية عقبال كل الى قدم اقرار

**hugan** · 16-04-2010 01:30 AM

ممكن توضح الا عفاء كان ازاي يعني بتك او شقتك مواصفتها ايه علشان نقارن ونعرف ايه الحدود اللي الا عفاء بيجي فيها

**abogogo** · 16-04-2010 01:56 AM

المشاركة الأصلية كتبت بواسطة hugan

ممكن توضح الا عفاء كان ازاي يعني بتك او شقتك مواصفتها ايه علشان نقارن ونعرف ايه الحدود اللي الا عفاء بيجي فيها

اولا مرحب بالأخ محمود الاقرار جه عن بيت العيلة الى انا ساكن فيه عباره عن بيت خمس ادوار على شارع متفرع من جسر السويس مساحته 150 متر على شقة وحده ماعدى الدور الارضي شقة صغيرة وعدد 2 محل البيت لعدد 8 من الورثة
بس الى خايف منها عندي عمارة ورث 6 ادوار متأجره كلها دخلها الشهري 250 جنيه دي في عين شمس لسه مجاش الرد عنها معرفش هاتتقيم حسب حجمها وموقعها ولا عن دخلها المادي
بالنسبه لجواب الضرائب جواب ابيض وفيه جزء شفاف باين منه باركود وجوه الجواب بيانات الوحده المقدم عنها الاقرار ومكتوب ان العقار غير خاضع للضريبه العقارية بس حاجة شيك غير كل جوابات الحكومة ام ظرف بني

**abogogo** · 16-04-2010 02:02 AM

المشاركة الأصلية كتبت بواسطة gemy215

طيب انا عندي سؤال
هوا المفروض امتي اخر معاد للتقديم
عشان احنا لسه مقدمناش

على حد علمي آخر موعد كان 31 مارس 2010 بدون الغرامه والى سمعته ان غرامة عدم تقديم الاقرار هتكون عن العقارات الى فوق ال500000 الف جنيه يعني لو الوحده تقديرها اقل من النصف مليون واتأخر صحبها عن تقديم الاقرار مش هتكون فيه غرامه ده عن سمع من اشخاص لم اقرأها

**hugan** · 16-04-2010 03:31 AM

اهلا ابو جوجو انا ما خدتش بالي من التوقيع علشان انا عرفك بل اللوجو اللي فيه صورتك وانت غيرته تحياتي

**أحمد كمال** · 16-04-2010 03:56 AM

المشاركة الأصلية كتبت بواسطة abogogo

اولا مرحب بالأخ محمود الاقرار جه عن بيت العيلة الى انا ساكن فيه عباره عن بيت خمس ادوار على شارع متفرع من جسر السويس مساحته 150 متر على شقة وحده ماعدى الدور الارضي شقة صغيرة وعدد 2 محل البيت لعدد 8 من الورثة
بس الى خايف منها عندي عمارة ورث 6 ادوار متأجره كلها دخلها الشهري 250 جنيه دي في عين شمس لسه مجاش الرد عنها معرفش هاتتقيم حسب حجمها وموقعها ولا عن دخلها المادي
بالنسبه لجواب الضرائب جواب ابيض وفيه جزء شفاف باين منه باركود وجوه الجواب بيانات الوحده المقدم عنها الاقرار ومكتوب ان العقار غير خاضع للضريبه العقارية بس حاجة شيك غير كل جوابات الحكومة ام ظرف بني

مادام ايجار قديم و ايجار كل وحدة (شقة مش العمارة بالكامل) تحت ال 500 شهريا يبقى انسى ما عليكش مليم ضرايب

**أحمد كمال** · 16-04-2010 02:20 PM

المشاركة الأصلية كتبت بواسطة abogogo

شكرا اخي الفاضل ربنا يطمن قلبك عشان سامع كلام ان التقدير على قيمة العقار مش دخله الشهري
ملحوظة : الى عرفته ان مش كل المنطقه جالها نفس الجواب ده لان الموضوع عباره عن عينة عشوائيه والحمدلله كنت من العينة دي

لا يا باشا ..... على قيمة العقار لو مش متأجر ...... يعني لو مسكون او مقفول .... انما لو متاجر ايجار قديم يبقى على قيمة الايجار القديم لكل وحدة بشكل منفصل ..... و لو ايجار جديد يبقى ساعتها على قيمة الايجار او قيمة الوحدة ايهما اعلى ..... لان مش معقول واحد الحكومة جابراه انه يستضيف سكان عنده في ايجار قديم بملاليم - مش بمزاجه يعني - و تدفعه ضرايب عشرات اضعاف المبلغ بتاع الايجار !!!