المشكلة من تاني في النوبيرا حد يلحقني عشان هتجنن!!!!

**elayat** · 16-04-2010 03:26 PM

المشاركة الأصلية كتبت بواسطة mrsailor

ربنا يوفقك و كنت اتمنى تكون من اسكندرية علشان اوضح لك اكتر بس ان شاء الله انت ادها

وأنا والله كنت أتمني أكون من إسكندرية عشان أتشرف بحضرتك

المشاركة الأصلية كتبت بواسطة romeo_6887

هي لمبه التشيك منوره ؟

مش منورة يا بشمهندس

المشاركة الأصلية كتبت بواسطة sherif khalifa

مستنين النتيجة

وأنا كمان مستني النتيجة

**elayat** · 16-04-2010 05:45 PM

المشاركة الأصلية كتبت بواسطة mrsailor

جرب تفصل حساس الايديل .. و امشى شوية .. لو العيب راح يبقى عيب الايديل .. و لو ماراحش افصل حساس الtps .. لو العيب راح يبقى منه لو مارحش ممكن تكشف على حساس ال mab بس لاحظ ان حساس ال mab لو فصلته العربية حاتبطل على طول فلازم تكشف عليه بالكمبيوتر .. و لاحظ عند فصل الحساسين الايديل و الtps الموتور بيعلى فما تقلقش

معالي الباشا فصلت حساس الإيديل وصوت الموتور على أوي ومشيت بيها شوية ومفصلتش خالص عشان الأر بي أم عطول عالي ...ولا حظت أن العربية سخنت أوي وقربت المياه المية إللي فيها بتغلى وبتكب بره كمان .... ركبت فيشة الأيديل تاني وعملت إيديل ليرن ومشيت بيها شوية العربية متحسنة أوي...ولا حظت كمان إن لما بشغل التكييف الأر بي إم بيرقص(بيطلع وينزل مش ثابت) فى رينج الألف...هو إيه إللي بيحصل بالظبط

**D.Tarek** · 16-04-2010 09:04 PM

السلام عليكم
انا واحد صاحبي عنده نوبيرا 2 موديل 2001
كان عنده مشكله في حساس الاكسجين والميكانيكي غيره
طبعا عرفه بالكمبيوتر والميكانيكي ده في سوهاج
اسمه حسن لو تسمع عنه الورشه بتاعته في الحويتي هو معروف جدا هناك وامين جدا ومصنعيته ممتازه وعنده قطع الغيار الاصلية للنوبيرا روحله هيفيدك كتير وانا تحت امرك.

**mrsailor** · 16-04-2010 11:53 PM

المشاركة الأصلية كتبت بواسطة elayat

معالي الباشا فصلت حساس الإيديل وصوت الموتور على أوي ومشيت بيها شوية ومفصلتش خالص عشان الأر بي أم عطول عالي ...ولا حظت أن العربية سخنت أوي وقربت المياه المية إللي فيها بتغلى وبتكب بره كمان .... ركبت فيشة الأيديل تاني وعملت إيديل ليرن ومشيت بيها شوية العربية متحسنة أوي...ولا حظت كمان إن لما بشغل التكييف الأر بي إم بيرقص(بيطلع وينزل مش ثابت) فى رينج الألف...هو إيه إللي بيحصل بالظبط

كده يبقى اتأكدنا انه حساس ايديل .. دلوقتى قدامك خيارين
(1) تنظف الايديل وتعمل ايديل ليرن و الموضوع ده موجود فى قسم الدايو
(2) تغير الحساس و تريح دماغك
بس فى معظم الاحوال بيتظبط بعد تنظيفه

**mrsailor** · 16-04-2010 11:57 PM

المشاركة الأصلية كتبت بواسطة d.tarek

السلام عليكم
انا واحد صاحبي عنده نوبيرا 2 موديل 2001
كان عنده مشكله في حساس الاكسجين والميكانيكي غيره
طبعا عرفه بالكمبيوتر والميكانيكي ده في سوهاج
اسمه حسن لو تسمع عنه الورشه بتاعته في الحويتي هو معروف جدا هناك وامين جدا ومصنعيته ممتازه وعنده قطع الغيار الاصلية للنوبيرا روحله هيفيدك كتير وانا تحت امرك.

حساس الاكسجين عيبه يبان بعد ما تعدى 90 او 100 انما قبل السرعة دى بيبقى مش ملاحظ اوى

**elayat** · 17-04-2010 02:16 AM

المشاركة الأصلية كتبت بواسطة d.tarek

السلام عليكم
انا واحد صاحبي عنده نوبيرا 2 موديل 2001
كان عنده مشكله في حساس الاكسجين والميكانيكي غيره
طبعا عرفه بالكمبيوتر والميكانيكي ده في سوهاج
اسمه حسن لو تسمع عنه الورشه بتاعته في الحويتي هو معروف جدا هناك وامين جدا ومصنعيته ممتازه وعنده قطع الغيار الاصلية للنوبيرا روحله هيفيدك كتير وانا تحت امرك.

أنا سمعت عن حسن ده كتير وشهرته حسن دايو بس محدش عارف مكانه أصلاً ..ياريت لو توصفلي مكانه بالظبط وأكون لك من الشاكرين

المشاركة الأصلية كتبت بواسطة mrsailor

كده يبقى اتأكدنا انه حساس ايديل .. دلوقتى قدامك خيارين
(1) تنظف الايديل وتعمل ايديل ليرن و الموضوع ده موجود فى قسم الدايو
(2) تغير الحساس و تريح دماغك
بس فى معظم الاحوال بيتظبط بعد تنظيفه

نضفته ولسه المشكلة موجوده بس إتحسنت شوية مش عارف بأه المشكلة دي من إيه ...وكان معايا ميكانيكي قالي الحساس بتاعك بيعلق وسكت مكملش كلامه...وقلتله على الإيديل ليرن قالي النوبيرا ملهاش الكلام إللي بتقوله ده مش عارف أنا إحترت أوي

المشاركة الأصلية كتبت بواسطة mrsailor

حساس الاكسجين عيبه يبان بعد ما تعدى 90 او 100 انما قبل السرعة دى بيبقى مش ملاحظ اوى

فعلاً مش أكون ساحب أوي ممكن أكون ماشى بالراحة وتفصل مني برده لما أسقط غيار أو أدوس عالدبرياج أو أمورها حتي

**caysersosaih** · 17-04-2010 07:05 PM

حساس الأيدل هو المشكلة غيره
بالنسبة لموضوع التكييف في حاجة اسمها الفاكيوم ده اللي بيعلي rpmلما التكييف يشتغل محتاج يتنضف

**د.محمود صلاح** · 17-04-2010 08:44 PM

ياريت تحط مشاركة في قسم الدايو عشان الخبير / محمد ممدوح يقدر يوصلك ويفيدك في المشكلة دي

بس واضح ان الكل اجمع على حساس الإيدل اللي زمان كان بيقوم مقامه بيك السلانسيه

**SAMEH_FOUAD** · 17-04-2010 09:14 PM

من عيوب حساس الايدل :
1:والسيارة باردة تماما مابتسخنش بسرعة
2:الاربى ام مابيعلاش وهية باردة وبعد كدة ينزل تدريجيا مع ارتفاع درجة الحرارة
3:رجرجة فى السلانسية ,ومؤشر الاربى ام طاله نازل بس دية مش بتبان غير لما بيكون جايب اخرة
4:اول لما بتشغل التكييف السيارة مممن تبطل او الاربى ام ممكن ينزل الى 100 لفة يعنى كأنها هاتبطل
5:مع تحريك الدركسيون لو طلمبة الباور هيدروليك هاتلاقى الاربى ام بينخفض
6:مع الفرملة سواء دوسة خفيفة او قوية هتلاقى الاربى ام بينزل

دية كلها عيوب الايدل
عشان تتاكد ان الايدل يعمل بكفاءة :
1:فك الايدل وخرجة من العربية
2:وصل فيشة خارجية زى الموجودة فى السيارة بالظبط ,ويكون فى نهاية طرفها سلكتين
3:وصل السلكتين دول بالبطارية
4:حط شوية مزيل صدأ wd-40 عليها ووصل الايدل بالبطارية بس بصورة متقطعة يعنى شيل طرف كل ثانيتين ووصلها تانى انت كدة بتقوم بتنشيط الايدل لحد ماتسمع صوت السخان بوضوح وانت موصلة بالبطارية رش علية منظف كتير لحد ماينظف وبكدة انت جيبت ايدل جديد

-

الموضوع: المشكلة من تاني في النوبيرا حد يلحقني عشان هتجنن!!!!

LinkBack

أدوات الموضوع

عرض

-

-

-

-

-

-

المواضيع المتشابهه

فيدوني عشان هتجنن و معنوياتي تحت الصفر

مقارنة يا جماعة عشان انا هتجنن ومش عارف اعمل ايه

أغيثوني الله يكرمكم عشان انا خلاص هتجنن

حد يلحقني يا جدعان عندي مشكلة انا هتجنن

استطلاع: عشان خلاص هتجنن.. شارك ولا النترا

الكلمات الدلالية لهذا الموضوع

المفضلات

المفضلات

ضوابط المشاركة