باركولي لسه مستلم من 4 ساعات و ليه إستفسار هام ؟

**waelgabr** · 17-04-2010 12:33 AM

أنا لسه مستلم من 4 ساعات من الطارق إللى في العجوزة ، و أنا بتشك على العربية لقيت إن نور الصالون ما بيولعش و لما قولتلهم الولد إللى بيسلمني عمل حاجة في علبة الفيوزات إللى جنب باب السواق و اشتغلت و بعد ما مشيت لقيت إن لمبة لو الببان مفتوحة بترعش و ساعات تفضل شغالة على طول و لقيت إن لما بقفل أو بفتح بالريموت أنوار الإنتظار مابتنورش زي ماأنا شوفتها في المعرض قبل كده ، أنا مش عارف أعمل إيه حد يدلني ينوبكوا ثواب .

**DOCTORBADRAN** · 17-04-2010 12:58 AM

انتا لسه مرخصتش ارجع المعرض و استلم واحدة تانية , انتا دافع فلوس تاخد حاجة كويسة

**amr.elsayed** · 17-04-2010 01:52 AM

المشاركة الأصلية كتبت بواسطة waelgabr

أنا لسه مستلم من 4 ساعات من الطارق إللى في العجوزة ، و أنا بتشك على العربية لقيت إن نور الصالون ما بيولعش و لما قولتلهم الولد إللى بيسلمني عمل حاجة في علبة الفيوزات إللى جنب باب السواق و اشتغلت

عادى ماتقلقش دة هو تلاقيه ركب الفيوز بتاعها

و بعد ما مشيت لقيت إن لمبة لو الببان مفتوحة بترعش و ساعات تفضل شغالة على طول

افتح علبة الفيوزات اللى فى جنب التابلوه وتبت عليهم ممكن يكون الفيوز اللى راكبه الولد مهزوز او عايز يركب كويس ويستحسن تركب واحد مكانه من الفيوزات الاحتياطى حتلاقيهم فى باب الفيوزات ديه

و لقيت إن لما بقفل أو بفتح بالريموت أنوار الإنتظار مابتنورش زي ماأنا شوفتها في المعرض قبل كده ،

اكيد فيه باب مفتوح ومش مقفول كويس .. افتح واقفل البيبان كلها وجرب

أنا مش عارف أعمل إيه حد يدلني ينوبكوا ثواب .

لا تقلق يا باشا بسيطة ان شاء الله
والف مبروك وربنا يباركلك فيها ويعطيك خيرها ويكفيك شرها

**aturkia1** · 17-04-2010 08:12 AM

بالنسبة لنور الصالون كده هوه حلهالك خلاص ودى مالهاش اى علاقة بالمشكلتين التانيين

نيجى بقه لموضوع لمبة بيان الابواب ومشكلة عدم اضاءة الاشارات اثناء قفل العربية بالريموت المشكلتين هما ظاهرتين لمشكلة واحدة وهى ان زرار القفل فى احد الابواب بيعلق (زى زرار باب الثلاجة)

علشان تتاكد استعن بصديق يقعد على كرسى السواق يراقب لمبة بيان فتح الابواب بينما انت تكون خارج السيارة وتقوم بفتح احد الابواب ثم الضغط اليدوى باصبعك على حساس فتح الباب الموجود فى الباب نفسه (زى زرار باب الثلاجة) وتقوم بتكرار ذلك مع جميع الابواب بالتناوب وعندما تنطفىء لمبة بيان فتح الابواب فى التابلوة يكون هذا الباب هوه اللى فيه مشكلة