الموضوع: ان شاء الله عايز اجيب لوجان

المشاركة الأصلية كتبت بواسطة mido_1010

معلش يا جماعة انا حابب اللوجان جدا وان شاء الله هاجبها بس انا لسه جديد فى السواقة
ممكن اعرف ايه المصاريف الى بتتصرف على العربية من صيانة و تغير زيت وكده يعنى ممكن عشان اقدر اعرف هل مصاريف العربية بتكون كبيرة ولا ايه
وعايز اعرف ايه الى بيتغير دايما
وجزاكم الله خيرا
ووحشنا يا اخ رنجو فينك من زمان

يا باشا الله يخليك وتحت امرك فى اى وقت
بص يا ميدو فى مصاريف انت بتخترعها لنفسك اول ما بتشترى العربية
1- واكس تلميع العربية
2- غطا
3- ادوات غسيل العربية من شامبو وغسيل زجاج وفوم للكاوتش وسوائل لداخل الصالون
4- جهاز انذار
5- فرش جلد
6- معطرات
7- استيكرات ، اسبويلر صغير ، لزوم الترويش
طبعا كل الحاجات اللى فوق دى انت مش بتعملها كلها لكن انت لما بتشترى العربية بتلاقى نفسك كدة اوتوماتيك رايح تشترى حاجات زى دى
وفى حاجات بينى وبينك بتكون ضرورية لكن مش شرط تكون موجودة زى فرش الجلد كدة
وكل واحد حسب نظرته واحتياجاته
.......................................
فى حاجات بتعتمد عليك وعلى كم المشاوير او عدد الكيلوات اللى بتقطعها . ودى المصاريف الاساسية اللى حتشغل بيها العربية
بالنسبة للصيانات فانت بيكون عندك اول صيانة على 5000 كيلو مجانا
وتانى صيانة على 10000 كيلو وبتتكلف فى حدود 450 جنيه بتغير الزيت
.......................................
بالنسبة للبنزين اللى حتمون بيه العربية ودا بيتوقف على عدد الكيلوات اللى انت بتعملها
واللوجان بتعمل فى المتوسط 750 كيلو لكل 50 لتر طبعا ممكن يزيدوا او ينقصوا على حسب الطرق اللى بتمشى عليها طرق سريعة او فى الزحمة
واى استفسار انا تحت امرك