الكيا سيراتو والاخ الملتحى

**amgomaa** · 17-04-2010 12:36 AM

انا بكتب اول مشاركه ليه النهارده فى هذا الموقع الجميل جدا انا اسمى د.احمد ونفسى اتكلم معاكم فى موضوع مهم جدا وهو تدنى مستوى الاخلاق تماما وعلى كافة المستويات من الصغير للكبير فى المجتمع المصرى بالامس كنت ماشى بعربيتى السيراتو الجديده وفجاة وبدون سابق انذار اذا بطوبه هائلة بووووووووم فى باب العربيه نزلت اشوف مين اللى رماها اذا هو طفل صغير عمره لا يتعدى ال خمس سنوات و اذا بى الاقى ابوه الاخ الملتحى بيشخط فيه ويقولى حصل ايه يعنى و عايز يجر شكل رحت سيبته ومشيت ...الحمد لله الباب فيه خبطه صغيره ومش ده المهم وكمان ربنا ستر لأن كان معايا فى العربيه ابنتى الصغيرتين و لم تصبهما و هما اكيد خدشه واحده فيهم بالدنيا وما فيها نفسى اقول ياريت قبل ما نعمل اخر حاجه اعتقد ان دينا الاسلامى امر بيها وهى الدقن والنقاب اللى استشروا عندنا فى بلدىوهى بورسعيد نلتزم بالاخلاق اللى امر بها الاسلام من اننا نربى عيالنا ونزرع فيهم حب الخير للناس مياذوش حد ميضمروش البيئه اللى حوليهم يحترموا الكبير لان هما دول الجيل اللى هيبنى مستقبل مصر ان شاء الله لان الصلاه وغيره من تعاليم الاسلام حاجه بينا وبين ربنا اما التعامل مع الناس فهو ده اللى هيظهر اننا شعب حضارى بدل ما نوصل لوضع سيئ فى المستقبل والسلام عليكم

**mr_sameh** · 17-04-2010 12:43 AM

اهلا بيك معانا يادكتور وبصراحه عندك حق

**samehkadous** · 17-04-2010 12:55 AM

محتاجين تربية الاباء اولا قبل تربية الابناء

**Ahmed Samy** · 17-04-2010 01:04 AM

معلش

في ناس فاهمة حاجات كتيرة غلط

الف سلامة على الولاد و على الأمورة السيراتو :)

ما تحكيلنا عن انطباعك عن العربية

**alzwawy** · 17-04-2010 01:21 AM

متضايقش نفسك يا دكتور و الحمد لله ان بناتك بخير ولم يصيبهم اذي
ولكن عاوز اوضحلك حاجه صغيره الذقن و النقاب ولهمش دعوه ب الكلام ده
احنا لازم نزرع في ولادنا المعامله الصح بغض النظر منقبه او ملتحي ملهاش دعوه

**Samir_Adel** · 17-04-2010 01:41 AM

متضايقش نفسك و حصل خير و منورنا.

**amgomaa** · 17-04-2010 01:53 AM

ياريت متكنش فهمتنى غلط يا استاذ زواوى انا قصدى قبل ما نهتم بالشكل الخارجى وهم هنا فى موضوعى الدقن وغيره من تلك الاشياء نهتم بالتعامل بحب وصدق وتحضر مع كل ما حولنا اما عن انطباعى عن السيراتو فالعربيه اللى معايا توكيل 2010 اشتريتها من معرض فى بورسعيد ب109000 زى سعرها فى التوكيل و بنفس المواصفات وهى عربيه ممتازه بس لى ملاحظة واحده فقط و هو الدهان حاسس انه مش اد كده لسسبين رقم واحد انى بعد ما استلمت العربيه ورخصتها جيت اشيل الورق الأبيض الى بيبقى جاى من المصنع عليها لقيت فرق فى اللون فى الكبوت بين المنطقه اللى كان عليها اللزق و المنطقه الاخرى وكانه بهتان بسيط وكمان العتب بتاع العربيه فيه حته محببه كده و ايام الشتاء اللى فاتت حصل ان وعت قشرتين من الدهان لا يذكروا فى العتب بسبب الطين اللى مالى الشوارع وتانى ملاحظه هى الكرتيرات بتاعة العجل حاسس ان فييها حاجة غلط و انها ابتدت تتفك وقلتلهم عليها فى التوكيل فى فرع روكسى فى صيانة الالف و قاللولى كله تمام بس الكرتيره رجعت تانى مش ثابته اوى مش عارف دى تهيات ولا اييه ---- اخيرا الف شكر لكل من رد عليه و السلام عليكم

**alzwawy** · 17-04-2010 02:11 AM

انا معاك والله و مش فاهمك غلط بس انا بقولك الكلام ده لازم ينطبق علي كل الناس و يهتمو ب التربيه الصحيحه بغض النظر عن الشكل

**a_tharwat** · 17-04-2010 03:29 AM

ماتخدش في بالك و الف مبروك على العربية, ربنا يكفيك شرها.

وانا سايق من كام يوم في عباس العقاد (بشويش عشان الطريق زحمة) واحد معدي جنبي على الرصيف راح مزعق و قايل "السيراتو التعبانة" ومشي. انا قعدت اضحك الصراحة.

هو كره الناس للعربية وصل للدرجة دي؟ طب ولو انا كنت بلطجي ونزلت ضربته مثلا, كان بينه و بين نفسه حيبرر العلقة دي بايه؟

مش عاوز اكون متشائم, بس انا شايف ان الحل الوحيد للمصريين (اخلاق وغيره) هو من عند ربنا, حنوصل لحد معين من السفالة وربنا حياعقبنا, وحبة الناس اللي حيفضلوا عايشين بعد كده ان شاء الله حيتعظوا ويبقوا احسن.

**pro_samir** · 17-04-2010 01:00 PM

المشاركة الأصلية كتبت بواسطة a_tharwat

وانا سايق من كام يوم في عباس العقاد (بشويش عشان الطريق زحمة) واحد معدي جنبي على الرصيف راح مزعق و قايل "السيراتو التعبانة" ومشي. انا قعدت اضحك الصراحة.

متشغلش بالك شكلة من نايل موتورز ههههههه

الموضوع: الكيا سيراتو والاخ الملتحى

LinkBack

أدوات الموضوع

عرض

-

-

-

-

-

-

-

المواضيع المتشابهه

أصدقائى ملاك الكيا سيراتو - شوية استفسارات من مالك لكيا سيراتو - ارجوكم

ياجماعه محتار بين الكيا سيراتو العاديه الهاي لاين وكيل - والكيا سيراتو كوبيه خليجي

حد شاف الكيا سيراتو كوبيه

حد ساق الكيا سيراتو قبل كدة ؟؟؟؟؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة