الموضوع: ثلاثه اسئله : عن ماتور اللوجان

المشاركة الأصلية كتبت بواسطة zkralla

باسمع كتير الكلمه ديه
" ماتور اللوجان تكنولجيا قديمه والمواتير الكورى تكنولجيا متظوره اكتر منه "
هل ده صحيح ؟
من وجهه نظرى لأ
لان ببساطه نفس ماتور اللوجان السيدان ال 16 صباب بيولد 110 حصان يعى زيه زى معظم المواتير الكورى الحديثه وبيفوق على كتير منها
انا وجه نظرى قريبة لوجه نظرك يا هانى
يعنى انا مثلا مايهمنيش قوى ان ماتور العربية يكون تكنولوجيا حديثة زى ما بيتقال
لكن انا المهم عندى سمعة الماتور اللى راكب ومادام بيعطينى اللى انا محتاجه واللى محتاجه ناس كتير اللى بتشترى هذه الفئة من السيارات
1- تسارع جيد
2- مشهود له بالعمر الطويل
3- استهلاك جيد للبنزين
طيب انا محتاج ايه تانى غير كدة فى ماتور الغرض منه هو الاقتصاديه فى التشغيل
...
طيب هل انا لما يتقال على المانور تكنولوجيا حديثة واجى اغير ماتور ولا اعمل عمرة على 150 200 الف كيلو
يبقى انا عملت ايه بالتكنولوجيا الحديثة ساعتها ... فيه عربيات ماوترها 8 صباب وتكنولوجيا قديمة زى ما بيتقال ومع ذلك شغالة زى الفل وعاملة ارقام كيلوات كبييرة جدا وماتعمرش فيها حاجة
ولنا هنا مثال مثلا العربيات الدايو لانوس فيه مواتير كتير شغالة من فترات كبيرة وعاملة عدد كيلوات كبيير ولسه شغالة بصورة جيدة





السؤال التانى
هل الماتور ال 8 صباب/ 1 كامه بيوفر بنزين اكتر من 16 صباب / 2 كامه ( طبعا بافتراض نفس الماتور راكب على نفس العربيه يعنى لوجان 1600 8صباب و 16 صباب

انا ماعرفش اللوجان ال 16 صباب استهلاكها كبير ولا لأ .. لكن انا من وجه نظرى ان 8 او 16 صباب ليس لهم شروط انهم يكون استهلاك البنزين ليهم عالى او واطى
بدليل ان استهلاك البنزين للوجان جيد جدا فى معظم الاحوال بيكون المتوسط 7.5 او 8 ل/100 ك مع انها 8 صباب لو شوفنا الفيرنا حنلاقى معدل استهلاك البنزين عالى نوعا ما وبيكون متوسطة 10 ل / 100 ك مع انها 16 صباب لو شوفنا اللانوس حنلاقي معدل استهلاك البنزين زى الفيرنا مع انها 8 صباب
انا شايف ان مافيش مقاييس محددة تحكم ان ال 8 صباب اوفر فى استهلاك البنزين او العكس



السؤال الثالث
ليه صوت ماتور اللوجان عالى سنه عن مواتير مشابهه ؟ هل ده راجع لانه 8 صباب بس فبيخلى خروج العادم يعمل صوت ؟

لا انا رأى ان اللوجان صوت ماتورها عالى لوصول الماتور لاقصى عزم على ار بى ام قليل ( 3000 ار بى ام )
انت لو اى عربية من اللى بتتكلم عليهم ووصلت الماتور فى اى نقله لاقصى عزم له حتسمع صوت الماتور بردو عالى

تحياتى ليك يا هانى ولمواضيعك الهادفة شكرا يا باشا

المشاركة الأصلية كتبت بواسطة M.Osman

متابع بإهتمام

وأنا كمان

موضوع علو صوت محرك اللوجان مس سببه ان اعلي عزم عند عدد لفات قليل

والدليل ان الفيرنا بتطلع اعلي عزم عند 3000 لفة بردوا

المشاركة الأصلية كتبت بواسطة ringoo

تحياتى ليك يا هانى ولمواضيعك الهادفة شكرا يا باشا

ربنا يبارك فيك يا عمرو

بس برضه مبتمشيش على الحيط و مبتعومش!!!!

المشاركة الأصلية كتبت بواسطة zkralla

باسمع كتير الكلمه ديه
" ماتور اللوجان تكنولجيا قديمه والمواتير الكورى تكنولجيا متظوره اكتر منه "
هل ده صحيح ؟
من وجهه نظرى لأ
لان ببساطه نفس ماتور اللوجان السيدان ال 16 صباب بيولد 110 حصان يعى زيه زى معظم المواتير الكورى الحديثه وبيفوق على كتير منها
كلام سليم

السؤال التانى
هل الماتور ال 8 صباب/ 1 كامه بيوفر بنزين اكتر من 16 صباب / 2 كامه ( طبعا بافتراض نفس الماتور راكب على نفس العربيه يعنى لوجان 1600 8صباب و 16 صباب
الموتور ال8 صباب استهلاكه اعلي من ال16 لنفس الموتور
يعني لو بنتكلم عن موتور اللوجان يبقي ال16 الستهلاكه اقل ولكن ماينفعش نقارنه بموتور عربية تانية لأختلاف التكنولوجيا
وده لينك فيه شرح الفكرة
http://en.wikipedia.org/wiki/Multi-valve
Adding more valves improves the flow of intake and exhaust gases, potentially improving combustion efficiency, power, and performance
وده التاني
http://wiki.answers.com/Q/What_is_the_purpose_of_a_car_valves_and_what_is_th e_difference_between_a_12_valve_and_a_16_valve_eng ine

By increasing the # of valves you get the below features. a) better combustion chamber shape, resulting in better combustion, resulting in better power and fuel economy
السؤال الثالث
ليه صوت ماتور اللوجان عالى سنه عن مواتير مشابهه ؟ هل ده راجع لانه 8 صباب بس فبيخلى خروج العادم يعمل صوت ؟
اعتقد من سوء العزل