كيفية تفتيح ماتور اللوجان ؟؟

**ibrahimthebest** · 08-06-2011 09:22 PM

[overline]

السلام عليكم ورحمه الله وبركاته

ياريت اى حد فتح ماتور اللوجان قبل كدة يقول الطريقة
اصل انا عامل حوالى 3300 كيلو وحاسس ان السحب ضعيف خالص
فياريت اى حد عارف يقول الطريقة وشكرا

[/overline]

**zkralla** · 08-06-2011 11:44 PM

http://www.nilemotors.net/Nile/40800-a.html

**ibrahimthebest** · 09-06-2011 01:40 AM

المشاركة الأصلية كتبت بواسطة zkralla

http://www.nilemotors.net/nile/40800-a.html

جزاك الله خيرا على الموضوع المفيد ده بس يترى التفتيح ده بيتعمل كل فترة ولا هى مرة واحده فقط وشكرا

**ZOTYE** · 09-06-2011 02:15 AM

انا عن نفسى اول ما اشتريت العربية كنت بشممها ريحة البنزين و كانت عاوزة تفتح معايا لدرجة انها كانت بتجيب 120 و انا مش حاسس و بشممها ريحة البنزين لكن كنت بحكمها و مكنتش بزود بيها عن كدة كنت بحاول اجيب بيها 100 فقط و كنت بغير عند 2.5 rbm او 3 rbm بالكتير اوى المهم بعد 2000 كيلو متر حاولت اجرى بالعربية حسيت ان العربية مكتكتفة و مش مساعدانى و كانت بتجيب 120 ببطىء عكس عربية صاحبى لوجان 2009 بتجيب 160 مرتاحة جدااااااا المهم روحت التوكيل ( العامرية بالأسكندرية لأن انا مقيم فى الأسكندرية ) و قابلنى المهندس صامويل و قالى: بتشتكى من ايه فى العربية .
فقولتله: العربية بتجيب 120 بالعافية
فاستغرب و قالى تعالى نجرب .
فلقيته جاب 100 على التالت و 150 على الرابع و 175 على الخامس .
فقولتله: مش كدة غلط على الموتور .
قالى: غلط ليه عادى انا عملت كدة علشان افتح الموتور مش اكثر ..
و انا جربت اجرى بالعربية زيه و بالفعل جبت 190 فى طريق اسكندرية - القاهرة الصحراوى و كانت ثابتة و اللى مش مصدق يشوف الفيديو على جروب اللوجان لما تدلع تخلى الأسفلت يولع على الفيس بوك ...
انا بصراحة مكنتش عاوز اكتب هذا الرد علشان انا كدة ممكن اضر ناس كتير فاهمين غلط و ممكن بقرصوا على العربية بغباء و من اول مرة فيبوظوا الموتور ..
بس بالهداوة و حاول تسايس العربية و انت بتحرقلها برضه و من وقت للأخر احرق على الموتور و جيب بيه سرعات عالية و انت هتلاقى الموضوع بقا تمام معاك ..
ملحوظة اخرى هتلاقى صوت الموتور بيعلى عند 3 RBM انما بعد 3 RBM هيختفى تماما و مش هتسمعله صوت نهائى مش عارف العربية فيها OVER DRIVER ولا لأ ...
فى النهاية اسف على الأطالة و تقبلوا خاص تحياتى ..