ظهور الكثير من المشاكل مع الوكيل وعيوب صناعة جعلتني متشكك وخايف!!

**soli86** · 18-04-2010 07:20 PM

انا من زمان عايز أقول كده مشاكل السيارات الفرديه موجود في كل الماركات و الشركات الحديثه او العريقه و دي بتبقى مشاكل مش ضخمه او توقع شركه او عربيه و خصوصا لو العربيه بتنتمي لشركه كبيره بين قوسين مش عايز اقول ان العمليه في العربيات اللي بيظهر فيها مشاكل بتبقى حظوظ ههههههههه يعني العامل ساعة الورديه اللي اشتغل فيها في عربيه من دول مشربش شاي بعد الغدا .. مراته نكدت عليه يعني انا اشتريت نيسان صني 2006 و كانت أخر الياباني قبل لما تتجمع في مصر في نفس الشهر صاحبي اشتراها و كنا انا و هو في نفس الشيت بتاع الافراج الجمركي و بعد شهرين اتصل بيا كان بيدور الموتور و سمع تكتكه جامده جدا و دربكه و بطل و لقة السيور مقطعه يا معلم هل كده نبقة اكتشفنا عيب قاتل في النيسان ؟؟ اللوجان برضه معايا من 4 شهور و الحمد لله زي الفل يقولوا عضه مرشدير أعمل مارشدير في كل الأوضاع و الاحوال زي الفل الزجاج الخلفي الحمد لله واير البنزين عند واحد مش كارثه و سمعه و موال انا باختصار راكب نيسان صني 2006 و اللي حسيته اني لما ركبت لوجي انبسطت منها جدا و مضايقتش لأني مقيمها في حجمها و فئتها من حيث السياره و السعر بجد الحمد لله اختيار فعلا موفق جداااا

**DR/WAFEK** · 19-04-2010 02:04 AM

اللوجان بجد والله مكنتشش مقتنع قبل ما اشتريها باى حاجه زيرو غيرها عشان كده كنت بفكر فى المستعمل دايما لحد ما ربنا هدانى للعربيه دى وربنا يديمها نعمه ومتقلقش كل دى مشاكل فرديه واى عربيه بتشتريها من اى ماركه هى بطيخه وانت وحظك

**mohamedhmk** · 19-04-2010 09:06 AM

المشاركة الأصلية كتبت بواسطة asdcat39

اللوجان بجد والله مكنتشش مقتنع قبل ما اشتريها باى حاجه زيرو غيرها عشان كده كنت بفكر فى المستعمل دايما لحد ما ربنا هدانى للعربيه دى وربنا يديمها نعمه ومتقلقش كل دى مشاكل فرديه واى عربيه بتشتريها من اى ماركه هى بطيخه وانت وحظك

ربنا يبارك لحضرتك فيها ويحفظهالك

تحياتي

**bishoy02010** · 19-04-2010 12:28 PM

المشاركة الأصلية كتبت بواسطة mohamedhmk

كلامك صحيح ميه في الميه

وانا مش باتكلم في ظهور العيوب من عدمه ، انا باتكلم عن سوء المعاملة في التوكيل
يخبطوا للراجل عربيته ويقلولو انت جي بيها كده!!!!!!!!! وكمان يقولو تبقى تعمل حادثة ومش هنساعدك!!!!!!! ده ايه ده انا اول مره اسمع النظام ده

هو ده تعليقي انا قولت العربيه لا غبار عليها

انا مش مختلف معاك تماما فى اللى انته قلته ومش بشكك فى كلام الراجل اللى حصل معاه كده هناك بس برده احنا مسمعناش من الطرفين وهما كده كده مدير الفرع حل الموضوع على طول وده بيدل على الإحترام + ان حضرتك اللى قالوا كده احنا منعرفش عمال من الورشة ولا مهندسين الإستقبال يعنى ديه حاجة من الناس نفسها فاهم قصدى الناس عمتا فيها الحلو والوحش والسوى واللى مش سوى وهكذا ده سلوك بنى ادمين ... تانى مرة انا متأكد ان الكلام ده حصل مع الراجل اللى راح هناك ومش بشكك فى كلامه بس برده احنا محتاجين نسمع الطرف التانى عشان نحكم صح
تقبل مرورى

**DOCTORBADRAN** · 19-04-2010 07:11 PM

ما هو موضوع البلاستيكه اللى بتاعت فرامل اليد؟؟؟؟؟

**mohamedhmk** · 19-04-2010 09:59 PM

المشاركة الأصلية كتبت بواسطة bishoy02010

انا مش مختلف معاك تماما فى اللى انته قلته ومش بشكك فى كلام الراجل اللى حصل معاه كده هناك بس برده احنا مسمعناش من الطرفين وهما كده كده مدير الفرع حل الموضوع على طول وده بيدل على الإحترام + ان حضرتك اللى قالوا كده احنا منعرفش عمال من الورشة ولا مهندسين الإستقبال يعنى ديه حاجة من الناس نفسها فاهم قصدى الناس عمتا فيها الحلو والوحش والسوى واللى مش سوى وهكذا ده سلوك بنى ادمين ... تانى مرة انا متأكد ان الكلام ده حصل مع الراجل اللى راح هناك ومش بشكك فى كلامه بس برده احنا محتاجين نسمع الطرف التانى عشان نحكم صح
تقبل مرورى

+1111111111111

**waelgabr** · 19-04-2010 10:16 PM

بص يا سيدي لما تمسك فرامل اليد تحت صوابعك على طول حتلاقي حتة بلاستيك ( جلد ) شكلها هرمي بتغطي صامولة شد فرامل اليد ، البلاستيكة دي مقطوعة وواقعة جوه ، إرتحت .

**mohamed1979** · 20-04-2010 01:42 AM

واضح كده ان الدفعات الجديده فيها مشاكل بسبب جلده فرامل اليد
ان النهارده كنت راكب مع واحد صاحبى عربيته ربنا يحفظها ليه
شفت الجلده دى نازله لتحت رحت رافعها و ركبتها مكانها