الموضوع: برجاء نصيحة ماقبل الشراء بساعات (رجاء الدخول للاهمية من الخبراء) ربنا يبارك فيكم

المشاركة الأصلية كتبت بواسطة khalid_fares

اسمحولى يا جماعه لو ممكن تسمعوا راى متواضع الكيا السيراتو هى عربية ممتازه بكل ما للكلمه من معنى ولكن زياده التعامل عليها اوجد فيها عده مواصفات من عده بلاد وهى الكيا الوكيل والسعودى والعراقى والاردنى
وبالنسبه للاخ الفاضل الى بيقول مافيش فرق فاسمحلى لا فى فرق وفرق كبير كمان كل العربيات دى هى عربيات خارجه من مصنع واحد لكن عشان تروح اكتر من مكان يعنى مثلا العربية الاردنى هى عربيه بمواصفات اوروبية ومعنى كده انها معموله لدرجات حرارة منخفضة فهى غير مطابقة لمواصفات بلدنا واول حاجه ممكن تعطل فيها هى الفتيس
اما السعودى او العراقى فهما عربيات رايحه لدرجه حراره مرتفعه جدا ودى بتكون ليها فوائد كتير مابين الدهان والتكييف والكاوتش والماده المصنع منها التابلوه ده غير ان الناس دى عايزه تدفع فلوس وتلاقى ادامها كفائه عاليه فى التقفيل والاداء وده على عكس الشعب المصرى
اما العربية الوكيل فهى عربية بتفتقر لكل الى قولناه ده ده غير سعرها الغالى
بالنسبه للمواصفات بلاش ننخدع بزيده المواصفات وخلاص يعنى مثلا الجنط ال17 وخاصه فى مصر مش محبوب لانه مكانه اكتر على الطرق السريعه وطبعا ده مش عندنا وده غير سعره الغالى جدا لو حبيت تغيرة وغير مشاكله الكتيرة
الموضوع كبير جدا يا جماعه والمواصفات كتير جدا
وكلامى ده عن ثقة لان ده مجال شغلى وعلى فكره انا بشتغل مع جابر عبد الشهيد وانا مشرف مبيعات سيارات
اما بالنسبه للتامين فاحسن شركه ممكن تامن معاها هى شركه قناه السويس وده لان ليها مزايا كتير جدا مش موجوده فى غيرها
عموما ده رقم تليفونى وانا تحت امر اى حد يفكر انه يشترى عربيه او حتى يامن عليها او يدخلها الضمان
انا خالد فارس 0166687677

شكرا للايضاح بس ممكن لو سمحت معلوه مؤكده من كيا ان المواصفات السعودى تفرق؟ علشان مايبقاش كلام مسترسل و خلاص و تساعدنا كلنا
انا زى ما قلت للاخ اللى عايز يشترى لو اتاكد ان فى فروق لمصحته طبعا يجيب السعودى بس الفروق تكون مؤكده من كيا مش كلام و خلاص

المشاركة الأصلية كتبت بواسطة van_xp

اولاً اشكرك على كلام العقل
وياريت تقولى انت تقصد اى ناشونال موتورز لان فى اتنين واحد عماد عبد النبى والثانى اسامة عبد النبى
ولو تعرف ارقام هواتف ياريت تكتبهالى

اسف على الرد المتاخر انا اقصد ناشيونال اللى موجود اعلانه فى اخبار اليوم كل اسبوع و مكانهم مكرم عبيد قرب التوحيد و النور و معرفش دول تبع مين بصراحه
سيبتلك رقمى على الخاص لو عايز تفاصيل اكثر