الموضوع: اسوء توكيل توكيل رينو

فرع المقطم و اللي انا ملاحظة كلهم بيشتكوا منه . لذلك المفروض انك مكنتش استلمت العربية و شوفت مين المسئول عن الفرع و ثبت حقك في وقتها . اما الأن فانت ضيعت حقك بايدك لأنهم بالتأكيد حيجيبوا عليك الغلط و انك خبطتها بعد ما مشيت من عندهم و انك استلمتها سليمة . يا جماعة المفروض متمشوش من التوكيل الا وانت راضي عن الخدمة لأنك مش بتشحت منهم زي ما قلت و انت دافع حق الصيانة من ضمن ثمن العربية يعني مش ببلاش .

والبقية تأتى سوف ينتقل توكيل رينو فى مصر من الاسوأ الى الاسوأ بعد زيادة السيارات اللوجان فى مصر وعدم استيعاب هذه الزيادة

ياجماعة عايزين نعمل وقفة مع هذا التوكيل ونخاطب رينو فرنسا ونخبرهم ان التوكيل المصرى سيىء فى كل شىء ومعظم الناس تحجم عن شراء اللوجان بسبب احتكار التوكيل لبعض قطع الغيار ( المرايا الكهرباء 1300 جم ) وكذلك المعاملة السيئة فى التوكيل

المشاركة الأصلية كتبت بواسطة photographer

وعشان محدش يهاجمنى عاوز حكمكم بما يرضى الله انا روحت توكيل رينو فرع المقطم عشان اعمل صيانه 5000 وكان الملاحظه العندى ان الباب اليمين الخلفى فيه مشكله لازم يترزع عشان يقفل مهندس الاستقبال راجل زباله وبيئه فى كلامه كان بيكلمنى وكانى واحد جى اشحت منه ولما بكلمه على العازل الحرارى شخط فيا وقالى ده كلام فارغ قلتله خلاص متزعاش اعملوا صيانه5000 والباب وخلاص واستلم العربيه منى الساعه 10 ص وذكرت له ان العربيه مفيهاش خدش وده كان اللهام من ربنا ان انا اشرط عليه ان عربيتى مفهاش اى خبطات ورد عليا انه شوحلى بيده وبعد 6 ساعات انتظار رحت استلم عربيتى لقيتها مخبوطه فى الاكسدام الى ورا والاكسدام مخروم بحديد وتجرح ولا عملوا حاجه فى الباب الى ورا وبعدين لما مردتش استلم العربيه قالى المهندس الاستقبال انت الخبطها قلتلوا انا اشترط عليك انها سليمه وانت كتبت ده فى الورقه الى معايا فكان كل همه ان ياخد الورقه الى معايا الى بتسبت حقى واخر المسلسل الهزلى ده انى مشيت بالعربيه كده وقالولى المره الجايا هنصلحالك .:i_angr1[1]:

لاحول ولا قوة الا بالله
بس منقدرش نحكم علي توكيل من خلال موظف مش شايف شغله
انت لازم تشتكيه و بعد كده نشوف حيتصرفوا ازاي معاه
بس انا لو مكانك مكنتش ميشيت من هناك ولا بالطبل البلدي
يعني يخبط العربيه ويقولك انت اللي خبتطها ويقوللك انا حصلهل المره اللي جايه و تصدقوا

يا جماعه انا مش اهبل عشان استلم العربيه مغبوطه واصدق انه هيصلحالى انا ممشيتش غير لما أخدت من مدير الفرع مستند مختوم وممضى منه ان هما الخبطوا العربيه ولى الحق فى اصلحاها بالكامل على نفقه التوكيل ومدير الفرع الوحيد الشخصيه الكويسه هناك بس مشكلته ان مدير مبيحبش يئزى الموظفين بتوعو اسمه المهندس حسام تخيلوا يا جماعه ان قبل المهندس حسام مينزلى عشان يحل المشكله ان المهندسين اجتمعوا وطلبوا منى ان اغير الرفرف على حساب شركه التأمين لما عرفه انى مأمن تأمين شامل وطبعا انا رفض وقلتلهم ده غش وحرام عليا وانتوا الهتصلحوا ردوا عليا بكل سخافه وقلولى بكره تعمل حدثه ومش هنسعدك. لاكن كان رد فعلى ان خيرتهم ييصلحوا الخبطه او هبلغ الشرطه واعملهم محضر فى التوكيل وانا اعلامى وهخد صوره المحضر وافضحكم فى مصر كلها بصراحه وشهاده لله المهندس حسام لما جه خلص الموضع وأمر بتصليح العربيه فى التوكيل على حساب التوكيل نعمل اه يا جماعه فى الناس الزباله الى بسيئو للتوكيل انا متغاز ونفسى الناس دى تترفد لانى والله حرام الناس دى تشتغل هناك .

يا جماعه انا مش اهبل عشان استلم العربيه مغبوطه واصدق انه هيصلحالى انا ممشيتش غير لما أخدت من مدير الفرع مستند مختوم وممضى منه ان هما الخبطوا العربيه ولى الحق فى اصلحاها بالكامل على نفقه التوكيل ومدير الفرع الوحيد الشخصيه الكويسه هناك بس مشكلته ان مدير مبيحبش يئزى الموظفين بتوعو اسمه المهندس حسام تخيلوا يا جماعه ان قبل المهندس حسام مينزلى عشان يحل المشكله ان المهندسين اجتمعوا وطلبوا منى ان اغيرالاكسدام الوراني على حساب شركه التأمين لما عرفه انى مأمن تأمين شامل وطبعا انا رفض وقلتلهم ده غش وحرام عليا وانتوا الهتصلحوا ردوا عليا بكل سخافه وقلولى بكره تعمل حدثه ومش هنسعدك. لاكن كان رد فعلى ان خيرتهم ييصلحوا الخبطه او هبلغ الشرطه واعملهم محضر فى التوكيل وانا اعلامى وهخد صوره المحضر وافضحكم فى مصر كلها بصراحه وشهاده لله المهندس حسام لما جه خلص الموضع وأمر بتصليح العربيه فى التوكيل على حساب التوكيل نعمل اه يا جماعه فى الناس الزباله الى بسيئو للتوكيل انا متغاز ونفسى الناس دى تترفد لانى والله حرام الناس دى تشتغل هناك .