مساعدة فى تركيب زجاج كهربائى

**Omar.Shawki** · 19-04-2010 07:35 PM

المشاركة الأصلية كتبت بواسطة ahmed galal

ما تقلقش ما فيش أسلك من اليابانى و بالذات الكورولا اللى معانا الباكتة هاتركب على طول هيا نفس المقاس بتتكبس فى الباب و كمان لما تيجى تنيقها ما تكنش متبهددلة و متقطعة و اكيد السويتش بتاع الازاز على التجربة و المواتير كمان يعنى لو فيه حاجة ترجع و الباب من جوه عندى انا فكيت الباكتة و لقيت فيه مكان اخرام زيادة يعنى زى ما تقول بينزل من المصنع جاهز للحالتين مانيوال و عادة و بعدها يركب فيه المكنة بتاعته يعنى كمان التخريم احتمال ما تحتاجوش انا كل بقا اللى خايف منه الكهربا هاتتاخد منين عشان كل اللى فات اقدر اعمله بنفسى الا موضوع الكهربا و هل هايبقا فيه فيوز عشان يحمى الدايرة و لا لأ هيا حوارات الكهربا ديه اللى بتعجزنى فى العربية لان غلطتها بفورة

هى فعلا الكهربا هى اصعب حاجة بس الحمد لله طمنتنى على التركيب والابواب بتاعة العربيتين ذى بعض باظبط زى ماانت قلت والكهربا دى ممكن تبقى سهلة لاى وحد كهربائى كويس وربنا يقدم اللى فيه الخير

**fighter_ss11v** · 20-04-2010 11:29 AM

طيب وكورولا 99 عيون؟
اماكن المرايات موجودة
ولكن الازاز من قدام هل هيكون جنب الفتيس والهاند؟ ولا بيكون في الباب؟
ولو تعرف التكلفة يبقى شكرا يا رجالة

**Ahmed Galal** · 20-04-2010 11:41 AM

المشاركة الأصلية كتبت بواسطة fighter_ss11v

طيب وكورولا 99 عيون؟
اماكن المرايات موجودة
ولكن الازاز من قدام هل هيكون جنب الفتيس والهاند؟ ولا بيكون في الباب؟
ولو تعرف التكلفة يبقى شكرا يا رجالة

سويتش الازاز بيبقا فى باب السواق ده الرئيسى و فيه اربع زراير و زرار منع التحكم فى الازاز و زرار سنتر بس بكام لسه هانسأل و فى كل باب غير باب السواق بيبقا فيه زرار و المرايات الكهربا السويتش بتاعها شمال السواق تحت فتحة التكييف

**fighter_ss11v** · 23-04-2010 09:45 PM

شكرا يا باشا
شوفلي الموضوع هيكون في حسبة كام وطبعة اصلي انا مش بركب مضروب
وعلى اقل من مهلك اصل مفيش سيولة خالص خخخخ

**Ahmed Galal** · 24-04-2010 12:44 AM

المشاركة الأصلية كتبت بواسطة fighter_ss11v

شكرا يا باشا
شوفلي الموضوع هيكون في حسبة كام وطبعة اصلي انا مش بركب مضروب
وعلى اقل من مهلك اصل مفيش سيولة خالص خخخخ

هالم كل المعلومات و لما اوصل لكل الحقائق هارفعها على المنتدى باذن الله

**azwoz65** · 30-04-2010 09:56 PM

:b4_388: ياريت والله لأن أنا كمان عاوز أركب زجاج كهرباء
بـ عيون 2000 ( رموش ) :b4_388:

**mr_sameh** · 01-05-2010 12:59 AM

ياجماعه انا حولت الزجاج بتاع العربيه بتاعتي يعني الموضوع مريت بيه وعندي فيه خبره كويسه وكمان هغير عربية اخويا وهي نفس الكورولا بتاعتي 94 ولو حد عاوز مساعده انا تحت امره

**Omar.Shawki** · 01-05-2010 01:24 AM

ياسلام ده احنا كنا مستنيينك عملته فين وبكام وياترى فى مشاكل قابلتك وينفع على الكورولا 98 عيون ولا لأ وايه اخبار المرايات عملتها ولا لأ معلش اسئلة كتير هتعبك معايا..

**Ahmed Galal** · 01-05-2010 02:04 AM

و انا كمان يا سامح باشا انا بس عايز اعرف سكة الكهربا كانت اذاى الله يكرمك و يباركلك عشان اعمل الموضوع لوحدى لان الفك و التركيب سهل جدا

**mr_sameh** · 01-05-2010 01:33 PM

المشاركة الأصلية كتبت بواسطة afterburner

ياسلام ده احنا كنا مستنيينك عملته فين وبكام وياترى فى مشاكل قابلتك وينفع على الكورولا 98 عيون ولا لأ وايه اخبار المرايات عملتها ولا لأ معلش اسئلة كتير هتعبك معايا..

عملته في الزقازيق من فتره بالنسبه للسعر كان في حدود 1200 جنيه تقريبا بالنسبه للمشاكل الحمدلله مفيش مشاكل نهائي . اكيد ينفع بس لازم يكون واحد بيشتغل في استيراد العيون . معملتش المريات . انا تحت امرك

المشاركة الأصلية كتبت بواسطة ahmed galal

و انا كمان يا سامح باشا انا بس عايز اعرف سكة الكهربا كانت اذاى الله يكرمك و يباركلك عشان اعمل الموضوع لوحدى لان الفك و التركيب سهل جدا

لوحدك الموضوع صعب مش زي ما انت متخيل
اللي عملته كالتالي
روحت لواحد بتاع قطع الغيار اللي بتعامل معاه وبالمناسبه هو صاحبي
طلعنا طقم الابواب الاستيراد وروحنا للكهربائي
فكينا الفرش والزراير والمكن الداخلي والضفيرة والفيش وكل حاجه وركبناهم عندي
من الاخر الموضوع فابريكه محدش يقدر يعرف ان متركب ابدا بس طبعا الزراير هي اللي ممكن يتعرف منها لان الاستيراد كلو يمين .
الموضوع استغرق وقت حوالي 7 ساعات من الشغل يعني ممكن تسيب العربيه وترجع ليها
وعاوز اضيف ان الموضوع فرق كتير معايا طبعا
اول حاجه لما اشغل التكييف كنت الاول وانا سايق اقفل كل باب لوحده وبهدله ولوحد بيكلمني من الباب التاني اضطر افتح القزاز وحاجه بهدله دلوقتي الموضوع فرق طبعا كتير
الحاجه التانيه ركبت وحدات رفع ظبط العمليه تمام
وفي الاخر انا تحت امركم وخصوصا انت يا احمد

الموضوع: مساعدة فى تركيب زجاج كهربائى

LinkBack

أدوات الموضوع

عرض

-

-

-

-

-

المواضيع المتشابهه

ارجو الافادة فى تركيب زجاج كهربائى للانوس 1

ماكينة زجاج كهربائى

مطلوب كهربائى لزرار ماكينة زجاج جيتا 2010

فيدونى فى تركيب زجاج كهربائى للانوس 99

زجاج كهربائى للياريس

الكلمات الدلالية لهذا الموضوع

المفضلات

المفضلات

ضوابط المشاركة